فەدەرالدى سايلاۋ كوميسسياسى جاريالاعان مالىمەتتەر بويىنشا ول 44% داۋىسقا يە بولعان. حدو كوشباسشى ءوز وكرۋگىندە 1990 جىلدان بەرى جەڭىسكە جەتىپ كەلەدى.
انگەلا مەركەلدىڭ قارسىلاسى ليايف-ەريك حولم 19,3% داۋىس جيناپ, ەكىنشى ورىندا تۇر.
گەرمانياداعى پارلامەنت سايلاۋى باسقا ەلدەردەن وزگەشە. تاياۋدا ەنگىزىلگەن جاڭا جۇيە بويىنشا ەلەكتورات ءبىر بيۋللەتەن ارقىلى ەكى داۋىس بەرۋ قۇقىعىنا يە. اۋەلى جەرگىلىكتى وكىلدى سايلاسا, ەكىنشىسى ارقىلى ۇكىمەتتى جۇرگىزەتىن پارتياعا داۋىس بەرىلەدى. ءبىرىنشى داۋىس بەرۋ ارقىلى ايماقتاردان سايلانعان 299 ۇمىتكەر بۋندەستاگ دەپۋتاتى اتانادى. ەلەكتوراتتىڭ ەكىنشى داۋىسىمەن سايلانعان پارتيانىڭ ۇلەسى ارقىلى پارلامەنتتىڭ قالعان مۇشەلەرى انىقتالادى. مىسالى, ءبىر پارتياعا حالىقتىڭ 30 پايىزى ەكىنشى داۋىسىن بەرسە, وندا سول پارتيانىڭ ۇكىمەتتەگى ورىن سانى 30 پايىزعا تەڭ بولۋى ءتيىس. سوندىقتان ءار سايلاۋدا بۋندەستاگ مۇشەلەرىنىڭ سانى وزگەرىپ وتىرادى. (قازىر پارلامەنتتە 631 دەپۋتات بار). سايلاۋ اياقتالعاننان كەيىن ءبىر ايدىڭ ىشىندە ۇكىمەت مۇشەلەرىنىڭ جاسىرىن داۋىس بەرۋى ارقىلى جاڭا كانتسلەر انىقتالىپ, گەرمانيا پرەزيدەنتى تاعايىنداۋ جونىندە جارلىق شىعارادى.
