كورنەكى سۋرەت
وقيعانىڭ ءمان-جايىن انىقتاۋ ماقساتىندا جامبىل وبلىسى اكىمدىگىنىڭ ۆەتەريناريا باسقارماسىنىڭ باسشىسى وسپان بەردياروۆقا حابارلاسقان ەدىك.
– وقيعا ورنىنا بارىپ, جاعدايدى ءوز كوزىممەن كورىپ كەلدىم. تالاس اۋدانىنىڭ اكىمى دوسماحانبەت اليەۆپەن بىرگە قاراتال قالاسىنىڭ تۇرعىندارىمەن كەزدەستىك. 11 باس جىلقى سول ماڭداعى وزەن سۋىن ىشكەننەن كەيىن ۋلانىپ ولگەن بولۋى مۇمكىن. قازىر تەكسەرۋ جۇمىستارى جۇرگىزىلىپ جاتىر. ازىرگە ەشقانداي جۇقپالى اۋرۋدىڭ بەلگىلەرى انىقتالعان جوق, – دەدى باسقارما باسشىسى.
ال مال يەلەرىنىڭ ايتۋىنشا, جىلقىلاردىڭ جاپپاي قىرىلۋى العاشقى وقيعا ەمەس ەكەن. سول ماڭنان وزەن سۋىنا باس قويعان ءۇي جانۋارلارىنان بولەك, جابايى اڭ-قۇستىڭ دا ولەكسەسى دە ءجيى تابىلادى ەكەن. جەرگىلىكتى جۇرت «التىن كول» اتاپ كەتكەن وزەن سۋى قاراتاۋ قالاسىندا ورنالاسقان حيميالىق ونىمدەر زاۋىتىنىڭ قالدىقتارىمەن لاستانۋى مۇمكىن دەگەن بولجامدار بار.
حاميت ەسامان,
«ەگەمەن قازاقستان»
