كەلەلى كەڭەسكە ازەربايجان سىرتقى ىستەر ءمينيسترى ە.مامەدياروۆ, تۇركيا سىرتقى ىستەر ءمينيسترى م. چاۆۋشوعلۋ, قىرعىزستان سىرتقى ىستەر ءمينيسترى ە.ابدىلداەۆ جانە تۇركى كەڭەسىنىڭ باس xاتشىسى ر.حاسانوۆ قاتىستى. جيىندا تۇركى كەڭەسىنىڭ كەزەكتى ءسامميتىنىڭ ۋاقىتى مەن كۇن ءتارتىبى تالقىلانىپ, كەڭەستىڭ اتقارعان جۇمىستارىنا باعا بەرىلدى.
2015 جىلعى 11 قىركۇيەكتە استانا قالاسىندا وتكەن تۇركى كەڭەسىنىڭ V ءسامميتىنىڭ شەشىمىن دامىتۋ قادامدارى مەن قىرعىزستاننىڭ مەملەكەت باسشىسىمەن بولاتىن كەزەكتى كەزدەسۋدىڭ دايىندىعىنا باسا نازار اۋدارىلدى.
سونىمەن بىرگە مينيسترلەر تۇركى كەڭەسى مەن بۇۇ جانە ونىڭ ماماندانعان مەكەمەلەرىمەن, حالىقارالىق جانە ايماقتىق ۇيىمدارى اراسىنداعى ىنتىماقتاستىقتى كەڭەيتۋ جايىنداعى سۇراقتاردى قاراستىردى. قاتىسۋشىلار تۇركى كەڭەسىنىڭ بۇۇ جانە يىۇ سياقتى حالىقارالىق ۇيىمداردا باقىلاۋشى مارتەبەسىن الۋعا وتىنىش بەرۋگە بايلانىستى اتقارىلاتىن كەلەسى قادامداردى ماقۇلدادى. حالىقارالىق تۇركى اكادەمياسىنا ماجارستان (ۆەنگريا) تاراپىنىڭ باقىلاۋشى مارتەبە الۋ تۋرالى ۇسىنىسى ماقۇلدانىپ, تۇركى كەڭەسىنىڭ الداعى ءسامميتىنىڭ كۇن تارتىبىنە ەنگىزىلدى.
تۇركى كەڭەسىنىڭ باس حاتشىسى راميليا گاسانوۆتىڭ وكىلەتتىلىك مەرزىمى اياقتالۋىنا بايلانىستى قازاقستان مەملەكەتى تاراپىنان جاڭا باس حاتشى لاۋازىمىن تاعايىنداۋ كەلىسىلدى, قىزمەتكە كىرىسۋ مەرزىمى قوسىمشا ماقۇلداناتىن بولادى.
2009 جىلعى 3 قازاندا ناحچىۆان قالاسىندا (ازەربايجان رەسپۋبليكاسى) وتكەن تۇركىتىلدەس مەملەكەتتەر باسشىلارىنىڭ ءىح سامميتىندە قر پرەزيدەنتى ن.ءا.نازارباەۆتىڭ باستاماسىمەن تۇركىتىلدەس مەملەكەتتەر ىنتىماقتاستىعى كەڭەسىن قۇرۋ تۋرالى كەلىسىمگە قول قويىلدى. تۇركى كەڭەسىنە ازەربايجان, قازاقستان, قىرعىزستان جانە تۇركيا مەملەكەتتەرى مۇشە.
