«الماتى قالاسىنا ازاماتتىق بەلسەندىلىك مادەنيەتىن تاراتۋ» اتتى ء«بىزالماتىمىز» جوباسىنىڭ ءبىرىنشى فورۋمى مەملەكەت, بيزنەس, شىعارماشىلىق جانە الەۋمەتتىك سەكتور وكىلدەرى ءۇشىن ازاماتتىق بەلسەندىلىگتىڭ ەڭ ءتيىمدى جولدارىن تالقىلاۋ مۇمكىندىگىن بەرەتىن ديالوگ الاڭىنا اينالدى. فورۋم بارىسىندا قاتىسۋشىلار الماتىنىڭ 2020 جىلعا دەيىنگى دامۋ باعدارلاماسىندا ازاماتتىق بەلسەندىلىگتىڭ ورنى, سونىمەن قاتار قالا اكىمشىلىگى مەن ازاماتتار اراسىندا تىعىز بايلانىستى ورناتۋدىڭ مۇمكىندىكتەرى جانە قالانى دامىتۋعا قوعامدى تارتۋ بويىنشا بىرىڭعاي پلاتفورما قۇرىلۋ پەرسپەكتيۆالارى تۋرالى ماعۇلمات الدى.
سونداي-اق, فورۋمدا ۇلىبريتانيانىڭ ۇلگىسى نەگىزىندە قالا ومىرىنە ازاماتتاردى تارتۋدىڭ تابىستى كەيستەرى ۇسىنىلدى. كەيت دەمپستەر, بريتاندىق كەڭەستىڭ ازاماتتىق كوعام جانە باسقارۋ سۇراقتارى بويىنشا اعا كەڭەسشىسى, ازاماتتىق تارتۋدىڭ ءومىر ساپاسىنا, قوعامداعى وڭ وزگەرىستەرگە , مادەنيەت دەڭگەيىن ارتتىرۋىنا قانداي اسەر ەتەتىنى تۋرالى شولۋ جاسادى. دجاكي روبەرتس, Shoreditch Trust قايىرىمدىلىق قورىنىڭ اتقارۋشى ديرەكتورى, قالالاردىڭ دامۋىنا ۇلەس قوسۋ ءۇشىن قالا تۇرعىندارىنىڭ قانداي جاۋاپكەرشىلىك پەن رولدەردى اتقارۋ كەرەكتىگى تۋرالى باياندادى.
فورۋم شەڭبەرىندە الماتى قالاسىن ومىرىنە ازاماتتاردى بەلسەندى تارتۋ بويىنشا جوبالار مەن باستامالار جارمەڭكەسى ءوتتى. فورۋمنىڭ سوڭىندا قاتىسۋشىلار الماتى قالاسىن ازاماتتىق تارتۋ مادەنيەتىن تاراتۋ ءۇشىن ءۇش باعىت بويىنشا ۇسىنىستار جاسادى: ازاماتتىق بەلسەندىلىكتى ارتتىرۋ, الماتى قالاسىندا الەۋمەتتىك كاسىپكەرلىك قولداۋ جانە الماتىنى ىڭعايلى قالا رەتىندە دامىتۋ. ءبىرىنشى فورۋمنىڭ تالقىلاۋ ناتيجەلەرى ء«بىزالماتىمىز» جوباسىنىڭ شەڭبەرىندە وتكىزىلەتىن كەلەسى فورۋمدار مەن ءىس-شارالاردىڭ تاقىرىپتارىن دامىتۋىنا نەگىز بولادى.
ء«بىزالماتىمىز» جوباسى 2017 جىلدىڭ ءساۋىر ايىندا الماتى قالاسىن "اقىلدى", جۇمىس پەن ومىرگە ىڭعايلى قالا رەتىندە دامىتۋ ماقساتىمەن ىسكە اسىرىلعان. ءۇش جىلعا سوزىلاتىن جوبا قوعامدىق ۇيىمدار مەن جەرگىلىكتى بيلىك ورگاندارىنىڭ الماتى قالاسىنىڭ ەكونوميكاسىن دامىتۋعا ازاماتتاردى تارتۋعا جانە الەۋمەتتىك كاسىپكەرلىكتى قولداۋعا قاجەتتى ماشىقتارى مەن مۇمكىندىكتەرى بولۋى ءۇشىن ولاردىڭ الەۋەتىن ارتتىرۋعا ىقپالداساتىن بولادى.
