قاراعاندى وبلىسىنداعى ء ىسساپارى بارىسىندا پرەمەر-ءمينيستردىڭ ءبىرىنشى ورىنباسارى ا.مامين «ورتالىق - وڭتۇستىك» ءاۆتوموبيلدى ءدالىزىنىڭ قاراعاندى – تەمىرتاۋ جول بولىگىن دە ارالادى. اتالمىش جوبا «نۇرلى جول» باعدارلاماسىنىڭ اياسىندا جۇزەگە اسىرىلىپ جاتىر. 14 شاقىرىمعا سوزىلعان اۆتوجولدا جول جابىنى مەن كولىك توراپتارىنىڭ قۇرىلىسى بويىنشا جۇمىستار جۇرگىزىلۋدە. جول 2018 جىلى تولىق پايدالانۋعا بەرىلەدى.
«قازىرگى تاڭدا جول جوندەۋشىلەردىڭ باستى مىندەتى – حالىققا ىڭعايلى بولۋ ءۇشىن, قايتا قالپىنا كەلتىرىلىپ جاتقان جول بولىكتەرىن ۋاقىتىلى جانە ساپالى تۇردە تاپسىرۋ», - دەپ اتاپ ءوتتى ا.مامين.
سونداي-اق, اسقار مامين «كازبەلاز» بك, كەن بايىتۋ جابدىقتارىن شىعارۋ بويىنشا كاسىپورىننىڭ, اۆتوكولىك قۇرالدارىن كادەگە جاراتۋ كەشەنىنىڭ, جىلىنا 4 ملن قاپتاما ەگۋ پرەپاراتتارىن وندىرەتىن فارماتسەۆتيكالىق ءوندىرىستىڭ قىزمەتىمەن تانىستى.
ميراس اسان,
«ەگەمەن قازاقستان»
قاراعاندى
