اگروحابتىڭ قۇرامىنا قازاق-جاپون يننوۆاتسيالىق ورتالىعى, سۋ, اگروينجەنەرلىك ماسەلەلەر جانە ەنەرگيا ۇنەمدەۋ, قازاق-كورەي, تۇراقتى ەگىن شارۋاشىلىعى, ازىق-ت ۇلىك تەحنولوگياسى جانە ساپا ورتالىقتارى, يننوۆاتسيالىق جىلىجاي, «اگروۋنيۆەرسيتەت» وقۋ-تاجىريبە شارۋاشىلىعى, قازاقستان-بەلارۋس اگروينجەنەرلىك يننوۆاتسيالىق ورتالىعى كىرەدى.
حاب ۋنيۆەرسيتەتتىڭ دىڭگەگى بولا وتىرىپ, مەملەكەتتىك-جەكەمەنشىك سەرىكتەستىك مەحانيزمى كومەگىمەن قىسقا مەرزىم ارالىعىندا اگروبيزنەسكە يننوۆاتسيالىق يدەيالار مەن تەحنولوگيالاردى, ستارتاپ-جوبالاردى تارتادى. سول ارقىلى جالپى رەسپۋبليكانىڭ اۋىل شارۋاشىلىعى سالاسىنىڭ باسەكەگە قابىلەتتىلىگىن ارتتىراتىن بولادى.
«بۇگىنگى كۇنگى تابىستى جۇمىسىمىزدىڭ ءبىرى قازاق ۇلتتىق اگرارلىق ۋنيۆەرسيتەتىندەگى اوك سالاسىنداعى اگروحاب بولىپ تابىلادى. ترانسفەرتتى تەحنولوگيالار جوبالارىن دامىتۋ اوك ءۇشىن ماڭىزدى. كورىپ وتىرعانىمىزداي اگروحاب مىقتى ۇجىم مەن ادىستەمەسى بار جانە امەريكاندىق اقپارات جانە تەحنولوگيا ورتالىعىنىڭ باسشىلارىمەن تىعىز قارىم-قاتىناستا جۇمىس اتقارىپ وتىر» – دەدى مينيستر.
سونىمەن قاتار, ا.مىرزاحمەتوۆ جۇمىس ساپارى بارىسىندا ازيا دامۋ بانكىنىڭ قازاقستانداعى وكىلى باسشىسى دجيوۆانني كاپاننەلليمەن كەزدەستى. كەزدەسۋ بارىسىندا سۋ رەسۋرستارىن باسقارۋ ورتالىعىن قۇرۋ ماسەلەلەرى تالقىلاندى.
اۋىل شارۋاشىلىعى مينيسترلىگى عىلىم مەن ءوندىرىستى بايلانىستىرا جۇمىس ىستەۋدى قولعا العانىن اتاپ وتكەن ءجون. الداعى ۋاقىتتا اۋىل شارۋاشىلىعى تاۋار وندىرۋشىلەردىڭ سانىن ءوسىرۋ مەن قاتار, شارۋالارعا از شىعىن شىعارۋ ارقىلى يننوۆاتسيالىق تەحنولوگيالاردى 10%-دان 25%-عا كوتەرۋ كوزدەلىپ وتىر.
