جىل سايىن ۇيىمداستىرىلاتىن بايقاۋعا قازاقستان, تۇركيا, وزبەكستان جانە قىرعىزستان ەلدەرىنەن ۇزدىك 42 وقۋشى قاتىسىپ بىلىمدەرىن ساراپقا سالدى. بىلىم جانە ونەر سايىسىنىڭ ماقساتى – قوجا احمەت ءياساۋيدىڭ رۋحاني مۇراسى مەن ءىلىمىن, «ازىرەت سۇلتان» كەسەنەسىنە جەرلەنگەن دارا تۇلعالاردىڭ ەلى ءۇشىن اتقارعان ەڭبەكتەرىن, سونداي-اق, تۇركىستان قالاسىنىڭ تاريحى مەن ءامىر تەمىر داۋىرىنەن قالعان قۇندى ورتاعاسىرلىق جادىگەرلەردى جانە مۋزەي ءىسىن ناسيحاتتاۋ.
وسى ورايدا, تۇركى əلەمى جاس دارىندارىنىڭ سايىسىنا ەكى كەزەڭنەن تۇراتىن ىرىكتەۋ سىندارىنان جەڭىسكە جەتكەن وقۋشىلار قاتىستى.
سايىسقا قاتىسۋشىلاردىڭ ءبىلىمىن ساراپقا سالعان قازىلار القاسىنا «Əزىرەت سۇلتان» مەملەكەتتىك تاريحي-مəدەني قورىق-مۋزەيىنىڭ ديرەكتورى نۇربولات احمەتجانوۆ توراعالىق ەتسە, حالىقارالىق تۇركسوي ۇيىمىنىڭ توراعا ورىنباسارى فۋرات فۋرتاش,
«Əزىرەت سۇلتان» قورىق-مۋزەيىنىڭ باس رەداكتورى Əبدىكەرىم ماناپوۆ, ق.ا.ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ پروفەسسورى تەولوگ, فيلوسوفيا عىلىمدارىنىڭ دوكتورى دوساي كەنجەتاي, «Əزىرەت سۇلتان» قورىق-مۋزەيىنىڭ باس قور ساقتاۋشىسى نۇرجامال Əشىربەكوۆا تورەلىك ەتتى.
ءبىرىنشى كەزەڭدە حيكمەتتەردى ەش مۇدىرمەي جاتقا ايتۋدان سىنعا تۇسكەن ۇمىتكەرلەر دارىندىلىقتىڭ ەرەن ۇلگىسىن كورسەتتى. ەكىنشى كەزەڭدە قازاق حاندىعىنىڭ تاريحىنا, قوجا احمەت ياساۋي بابامىزعا, «ازىرەت سۇلتان» مۋزەيىنە قاراستى تاريحي ەسكەرتكىشتەر مەن جادىگەرلەرگە قاتىستى سۇراقتارعا جاۋاپ بەردى.
«حالىقارالىق بايقاۋدى ۇيىمداستىرۋ سەبەبىمىز قوجا احمەت ياساۋي بابامىزدىڭ مۇراسى مەن ءىلىمىن ناسيحاتتاۋ, جاستاردى پاتريوتتىق رۋحتا تاربيەلەۋ, ەلباسىمىز «بولاشاققا باعدار: رۋحاني جاڭعىرۋ» ماقالاسىنداعى «قازاقستاننىڭ كيەلىجەرلەرىنىڭ گەوگرافياسى» جانە «جاھانداعى زاماناۋي قازاقستاندىق مادەنيەت» اتتى جوبالارىن جۇزەگە اسىرۋ بولىپ تابىلادى» - دەدى قورىق-مۋزەي ديرەكتورى نۇربولات احمەتجانوۆ.
«ياساۋيتانۋ» بايقاۋىنىڭ ەكى كەزەڭ قورىتىندىسى بويىنشا وڭتۇستىك قازاقستان وبلىسىنان كەلگەن قارامان اجار باس جۇلدەنى (150 مىڭ تەڭگە), ال, اقمولا وبلىسىنان كەلگەن وقا جانات ءبىرىنشى ورىندى (100 مىڭ تەڭگە) يەلەندى. ەكىنشى ورىنعا 75 مىڭ تەڭگەدەن ەكى ورىن بەلگىلەنگەن بولاتىن. قىزىلوردالىق حيكمەتشى اقىپباەۆ نۇرسۇلتان جانە وقو كەلگەن سەيتكۋلوۆا روزا ءىى – ورىندى ارقايسىسى (75 مىڭ تەڭگە) ماراپاتقا يە بولدى. كەلەسى جۇلدەلى ءۇشىنشى ورىن يەلەرىنە كەلەتىن بولساق, تۇركىستاندىق حيكمەتشىلەر حاكيموۆا روزا, ماجيتوۆا ديارا جانە اقمولا وبلىسىنان كەلگەن داۋلەتحان ءدىلنار ءىىى – ورىندى ارقايسىسى (50 مىڭ تەڭگەگە) يە بولدى. جۇلدە قورىنان ون وقۋشىعا ىنتالاندىرۋ سىيلىعى رەتىندە 20 مىڭ تەڭگەدەن جۇلدە بەرىلدى.
بايقاۋعا قاتىسقان قىرعىزستان, تۇركيا, وزبەكستان ەلدەرىنەن كەلگەن وقۋشىلارعا جانە قازاقستاننىڭ تۇكپىر تۇكپىرىنەن كەلگەن سايىسكەرلەر مەن شاكىرت تاربيەلەگەن ۇستازدارعا قورىق-مۋزەي اكىمشىلىگى تاراپىنان العىس حاتتار مەن باعالى سىيلىقتارمەن ماراپاتتالدى.
قازاق حالقىنىڭ رۋحاني تۇتاستىعىن قالىپتاستىرعان, تۇركى حالىقتارىنىڭ رۋحاني ۇستازى قوجا احمەت ياساۋي بابامىزدىڭ حيكمەتتەرى مەن ءىلىمىن ناسيحاتتاپ, وسكەلەڭ ۇرپاقتى ۇلى بابا مۇراسىن تەرەڭ مەڭگەرىپ, زەرتتەۋگە ىنتالاندىرىپ, جاس وركەننىڭ ينتەللەكتۋالدىق پايىم-پاراساتىن ارتتىراتىن بۇل بايقاۋ ءالى دە ءوزىنىڭ جالعاسىن تابادى.
