قىزىلوردا وبلىسىنىڭ اكىمى قىرىمبەك كوشەرباەۆ جينالعانداردى مەرەكەمەن قۇتتىقتادى.
«وتكەن جىلى ءبىز سىرداريا وزەنىنىڭ ۇستىمەن وتەتىن كوپىر سالىپ, سول جاعالاۋدى يگەرە باستادىق. قازىر مۇندا 18 كوپقاباتتى ءۇي مەن 320 ورىندىق بالاباقشانىڭ قۇرىلىسى جۇرۋدە. بۇدان بولەك, جاستار ورتالىعى, نەكە سارايى, كوپسالالى اۋرۋحانا, قازاق ورتالىق اتقارۋ كوميتەتىنىڭ سىزباسى نەگىزىندەگى رۋحاني جاڭعىرۋ ورتالىعى سالىنۋدا. 2018 جىلى رەسپۋبليكالىق بيۋدجەت ەسەبىنەن 320 ورىندىق بالاباقشا, 600 ورىندىق مەكتەپ جانە مەملەكەتتىك-جەكە مەنشىك ارىپتەستىك نەگىزىندە ەمحانانىڭ قۇرىلىسىن باستاۋ جوسپارلانۋدا. ال بۇگىن ءبىز ايماقتاعى الدىڭعى قاتارلى وقۋ ورىندارىنىڭ ءبىرى – «بولاشاق» ۋنيۆەرسيتەتى ستۋدەنتتىك قالاشىعىنىڭ قۇرىلىسىن باستادىق», - دەدى وبلىس اكىمى ءوز قۇتتىقتاۋىندا.
10.8 گا اۋماقتى الاتىن قالاشىق ىشىندە 12 قاباتتى اكىمشىلىك عيمارات, وقۋ كورپۋستارى, كوللەدجدەر, ستۋدەنتتەر سارايى, بالاباقشا, دەندروساياباق پەن مەگاورتالىق ورنالاساتىن بولادى.
