18 قىركۇيەك كۇنى ءوىىد ەسىرتكى بيزنەسىنە قارسى كۇرەس باسقارماسى مەن جالاعاش اۋداندىق ىشكى ىستەر ءبولىمى پوليتسيا قىزمەتكەرلەرىمەن بىرلەسىپ جۇرگىزىلگەن شاراسى بارىسىندا جالاعاش اۋدانى, جاڭاداريا اۋىلدىق وكرۋگىنەن 80 كم. قاشىقتىقتا جاسىل ءتۇستى وزىنە ءتان ءيىسى بار شوپتەكتەس زاتتى تاسىمالداپ جۇرگەن 47, 28, 30 جانە 41 جاستاعى 4 ازامات ۇستالدى. انىقتالعان زاتقا ساراپتاما تاعايىندالىپ, ناتيجەسىندە سالماعى 44 كگ.-دى قۇرايتىن «كەپتىرىلگەن ماريحۋانا» ەكەندىگى ناقتىلاندى.
ءتيىستى تەرگەۋ ارەكەتى بارىسىندا ۇستالعان ازاماتتار بۇدان بولەك ەسىرتكى زاتىن ەگىپ-باپتاۋمەن اينالىسقاندىعى بەلگىلى بولدى. وزدەرى كورسەتكەن ەسىرتكى اۋماعىنان 1147 ءتۇپ سورا وسىمدىگى انىقتالىپ, ساراپتاما قورىتىندىسىمەن جالپى سالماعى 1 توننا 41 كگ.-دى قۇرايتىن ەسىرتكى زاتى ەكەندىگى ناقتىلاندى.
قازىرگى تاڭدا, اتالعان 4 ازامات جالاعاش ءاىىب-ءنىڭ ۋاقىتشا ۇستاۋ اباقتىسىنا قاماققا الىنىپ, ولاردىڭ ۇستىنەن قازاقستان رەسپۋبليكاسى قىلمىستىق كودەكسىنىڭ 300-بابى 2-بولىگى جانە 296-بابى 4-بولىگى بويىنشا قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ امالدارى جۇرگىزىلۋدە.
