«ورلەۋ» باعدارلاماسىنىڭ تيىمدىلىگىن كورگەن كوپبالالى انانىڭ ءبىرى - شىنار ساتتاروۆا مەملەكەتتەن 450 مىڭ تەڭگە دەمەۋ قارجى الىپ, جەتىساي قالاسىنان ءدامحانا اشىپتى.قازىر مۇندا 5 ادام جۇمىسپەن قامتىلعان.
«مەملەكەتتىڭ «ورلەۋ» جوباسىن قولعا العانى ءبىز سەكىلدى كوپبالالى انالارعا مول مۇمكىندىك بەرىپ وتىر. مەن ءوز باسىم وسى جوبانى پايدالانىپ, كاسىپ اشۋعا بەل بۋدىم. ازىرگە ناتيجەسى جامان ەمەس. حالىققا ساپالى قىزمەت كورسەتىپ, العاشقى تابىستارىمىزدى كورە باستادىق», - دەيدى "قانات" ءدامحاناسىنىڭ باسشىسى شىنار ساتتاروۆا.
مۇنان سوڭ باق وكىلدەرى ماقتارال اۋدانى ش.دىلدابەكوۆ اۋىلدىق وكرۋگى بىرلىك اۋىلىنا اتباسىن بۇرىپ, ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان «تۋعان جەر» باعدارلاماسى اياسىندا اشىلعان "جاستار" سپورت كەشەنىنىڭ جۇمىسىمەن تانىستى. س.قوجانوۆ مەكتەبىنىڭ بازاسىندا ورنالاسقان كەشەننىڭ قايتا قۇرىلىمداۋ جۇمىستارىن وسى اۋىلدىڭ تۋماسى كاسىپكەر ابىز اليپوۆ ءوز قارجىسىنا جۇرگىزىپتى. مۇندا اۋىل جاستارى ءبىر ۋاقىتتا سپورتتىڭ ۆولەيبول, باسكەتبول, فۋتبول تۇرلەرىمەن اينالىسا الادى. الداعى ۋاقىتتا كاسىپكەر وسى اۋىلدان سۋ سپورتى كەشەنىن سالىپ بەرۋدى جوسپارلاپ وتىر ەكەن.
بۇدان بولەك, ابىز اليپوۆ "بىرلىك" اۋىلىنىڭ كىرەبەرىسىنە قاقپا تۇرعىزىپ, اۋىلداعى باسپاناسىز جۇرگەن جاعدايى تومەن وتباسىعا قۇنى 5 ميلليون تەڭگەلىك جاڭا باسپانا سالىپ بەرىپتى.
