عالىمداردىڭ ايتۋىنشا, انتيدەنە ۆيرۋستىڭ قورعانىسىن السىرەتىپ, ونىڭ تارالۋىنا جول بەرمەيدى. اتالعان زەرتتەۋد3 اقش-تىڭ ۇلتتىق دەنساۋلىق ساقتاۋ ينستيتۋتى مەن Sanofi فارموتسەۆتيكالىق كومپانياسى جۇرگىزگەن. ال حالىقارالىق كومەك قاۋىمداستىعىنىڭ ايتۋىنشا, انتيدەنەنىڭ ينفەكتسيانى ەمدەۋ نەمەسە الدىن الۋ مۇمكىندىكتەرى 2018 جىلدان باستاپ زەرتتەلەتىن بولادى. ياعني, كەلەسى جىلى ادامدارعا كلينيكالىق تەستىلۋ جۇمىستارى باستالادى.
Science جۋرنالىندا جاريالانعان ماقالادا زەرتتەۋشىلەر ايتۆ-نىڭ الدىن الۋعا نەمەسە ەمدەۋگە ۆيرۋستى السىرەتەتىن انتيدەنە قولدانۋعا بولاتىنىن ايتقان. عالىمدار ءدال وسىنداي ءۇش ءتۇرلى انتيدەنەنى بىرىكتىرىپ قۋاتتى تريسپەتسيفيكالىق انتيدەنە شىعارعان. Sanofi كومپانياسىنىڭ باس عىلىمي قىزمەتكەرى دوكتور گاري نابەلمەننىڭ ايتۋىنشا, بۇل انتيدەنە جاساندى جولمەن جاسالسا دا, تابيعي انتيدەنەگە قاراعاندا اناعۇرلىم ءتيىمدى ەكەن.
24 مايمىلعا جۇرگىزىلگەن زەرتتەۋ جۇمىستارىنا گارۆارد مەديتسينا مەكتەبى, سكريپپس عىلىمي زەرتتەۋ ينستيتۋتى مەن ماسساچۋسەتس تەحنولوگيالىق ينستيتۋتى دا اتسالىسقان.
