بيىل قازاقستان مەن ارمەنيا اراسىنداعى ديپلوماتيالىق قارىم-قاتىناستارعا 25 جىل تولدى. قازاق كينوسىنىڭ اپتالىعى وسىناۋ اتاۋلى ءىس-شاراعا وراي ۇيىمداستىرىلعان. جەرگىلىكتى حالىق ءبىزدىڭ رەجيسسەرلەر تۇسىرگەن باسقا دا فيلمدەردى «ماسكەۋ» كينوتەاترىنان تاماشالاپ ۇلگەردى. ايتالىق, رەجيسسەر رۇستەم ءابدىراشتىڭ «ستالينگە سىيلىق» جانە «بالالىق شاعىمنىڭ اسپانى» اتتى فيلمدەرىن قىركۇيەكتىڭ 19-ى, 20-سى كۇندەرى كورگەن بولسا, رەجيسسەرلەر سەرگەي بودروۆ, تالعات تەمەنوۆ جانە يۆان پاسسەردىڭ «كوشپەندىلەر» ءفيلمىن بۇگىن كەشتە تاماشالايدى. ال ەرتەڭ ەلدار ۋرازباەۆتىڭ ء«ترانسسىبىر ەكسپرەسى» كوركەم فيلمىمەن اپتالىق ءوز مارەسىنە جەتپەك.
ايتا كەتەيىك, اتالعان ءىس-شارا ارقىلى كينەماتوگرافيا سالاسىنداعى ەكى ەل اراسىنداعى قارىم-قاتىناستاردى نىعايتۋ, سونداي-اق ارميان كورەرمەندەرىن قازىرگى قازاق كينوسىمەن تانىستىرۋ ماقسات ەتىلگەن. قازاق كينوسىنىڭ اپتالىعىنا ارمەنيانىڭ زيالى قاۋىم وكىلدەرى, كينەماتوگرافيستەر وداعىنىڭ مۇشەلەرى, مادەنيەت مينيسترلىگى, باسقا دا مەملەكەتتىك ۇيىمدار مەن ۆەدومستۆولىق ۇيىمداردىڭ, ديپلوماتيالىق كورپۋستىڭ وكىلدەرى قاتىسۋدا.
«ەگەمەن-اقپارات»
