تۋرنير جەڭىمپازى – پارلامەنت كومانداسى

«الاتاۋ» سپورت كەشەنىندە پارلامەنت ءما­جىلىسىنىڭ ءبىرىنشى شاقىرىلىمىنىڭ توراعا­سى, مەملەكەت جانە قوعام قايرات­كەرى, عالىم-ەكونوميست مارات وسپانوۆتى ەسكە الۋعا ار­نالعان شاعىن فۋتبولدان جارىس بولىپ ءوتتى. ءۇشىنشى رەت وتكىزىلگەن بۇل فۋتبول تۋرنيرىنە ەلوردادا ورنالاسقان بىرقاتار ەلشىلىك­تەردىڭ كوماندالارى دا قاتىستى. پارلامەنت ءماجىلىسى توراعاسىنىڭ ورىنباسارى ۆلاديمير بوبروۆ بيىلعى جارىستىڭ حالىقارالىق مانگە يە بولىپ وتىرعانىن ايتا كەلىپ, مەملەكەتىمىزدە سالامات­تى ءومىر سالتىن ۇستانۋعا باسا ءمان بەرىلىپ كەلە جاتقانىن ءمالىم ەتتى. وسى ورايدا پارلامەنت مەملەكەت جانە قوعام قايراتكەرى مارات تۇردى­بەك ۇلىنىڭ جۇلدەسى ءۇشىن ءۇشىنشى رەت جارىس ۇيىمداستىرىپ وتىرعانىن جەتكىزدى. بيىلعى تۋرنيرگە 8 كوماندا قاتىستى. جارىس قورىتىندىسىندا «حابار» اگەنتتىگى مەن پارلامەنت كومانداسى فينالعا شىقتى. تارتىستى ءوت­كەن كەزدەسۋدە پارلامەنت كومانداسى ايقىن با­سىم­دىقپەن جەڭىسكە جەتىپ, باس جۇلدەگە يە بولدى. ءۇشىنشى ورىن ءۇشىن بولعان كەزدەسۋدىڭ نەگىزگى ۋاقىتىندا سىرتقى ىستەر مينيسترلىگىنىڭ وكىلدەرى مەن وسپانوۆتار وتباسى كومانداسى 3:3 ەسەبىمەن تەڭ ءتۇستى. پەنالتي بويىنشا 2:3 ەسەبىمەن باسىم تۇسكەن وسپانوۆتار وتباسى العاش رەت قاتىسقان ءتۋرنيردىڭ جۇلدەگەرى اتاندى. جەڭىمپاز كومانداعا پارلامەنتتىك كۋبوك تا­بىس ەتىلدى. ۇزدىك ويىنشىلار دا ماراپات­تارعا يە بولدى. ايباتىر سەيتاق, جۋرناليست.