سولاردىڭ ءبىرى – يساتاي اۋدانىنىڭ اققىستاۋ سەلوسىندا اشىلعان جاڭا اللەيا. اۋدانداعى مۇناي ءوندىرۋشى «سازانقۇراق» كومپانياسىنىڭ قۇرىلعانىنا بيىل 20 جىل. وسى مەرەيلى داتاعا وراي مەكەمە اۋدان تۇرعىندارىنا جايلى دەمالىس ورنىن سىيلاپ, ونى «رۋحاني جاڭعىرۋ» باعدارلاماسىمەن دە بايلانىستىردى.
جالپى كولەمى 650 شارشى مەتر بولاتىن اللەياداعى ءمارمار تۇعىرعا مۇناي ۇڭعىماسىنىڭ كوشىرمە ماكەتى ورناتىلعان. كورنەكى باننەرگە اۋداننىڭ جانە «سازانقۇراق» كاسىپورىنىنىڭ شەجىرەلى جولىنان سىر شەرتەتىن فوتوسۋرەتتەر سالىنعان. اينالاسى گۇلمەن كومكەرىلىپ, اباتتاندىرىلعان دەمالىس ورنى اۋدان تۇرعىندارىنا كوتەرىڭكى كوڭىل كۇي سىيلادى.
– تۋعان جەرگە دەگەن پەرزەنتتىك سەزىمدى بىلدىرۋگە ەلباسىنىڭ باعدارلامالىق ماقالاسى وڭ ىقپال ەتكەنىن اتاپ ءوتۋ كەرەك, – دەيدى اۋدان اكىمى مارات مۋرزيەۆ. – بيزنەستىڭ الەۋمەتتىك جاۋاپكەرشىلىگى اياسىندا دا بىرقاتار شارالار قولعا الىنىپ كەلەدى. الداعى ۋاقىتتا اۋداندا «تۋعان جەر» ارنايى جوباسى بويىنشا باسقا دا يگى ىستەر جۇزەگە اسىرىلادى. اتاپ ايتساق, ايباس قۇمىندا اتاقتى كۇيشى دينا نۇرپەيىسوۆانىڭ كەلىن بولىپ بوساعا اتتاعان جانە عۇمىرى وتكەن «شاپەك» وباسىنا بەلگى ورناتىلادى. بۇل جۇمىستارعا جەرگىلىكتى كاسىپكەرلەر مەن كاسىپورىندار, وسى اۋداننان شىققان ازاماتتار دەمەۋشى بولۋعا وڭ ىقىلاس تانىتىپ وتىر.
باقىتگۇل باباش,
«ەگەمەن قازاقستان»
اتىراۋ
