ءتورت جىل قاتارىنان فەستيۆال الماتى قالاسىنىڭ تۇرعىندارى مەن قالا قوناقتارىنىڭ اراسىندا زور سۇرانىسقا يە بولدى. تۇرعىندار وقىلعان كىتاپتارىن باسقا دا قىزىقتى كىتاپتارعا اۋىستىرىپ الۋعا مۇمكىندىك الدى. بيىلعى جىلى دا ءداستۇر بويىنشا كىتاپ فەستيۆالى ايگىلى شوقان ءۋاليحانوۆ ەسكەرتكىشىنىڭ ماڭىندا ءوتتى. شارا ۇيىمداستىرۋشىلارى «باۋىرجان» قايىرىمدىلىق قورى, الماتى قالاسىنىڭ اكىمدىگى, ەۋرازيالىق فرانچايزينگ اسسوتسياتسياسى مەن «نۇر وتان» پارتياسى.
– KitapFest فەستيۆالىنىڭ وتكىزىلۋى تاعى ءبىر رەت الماتى جۇرتىنا قاراپايىم كىتاپتار قاجەت ەكەنىن كورسەتتى. بۇگىنگى شارادا ءار ءتۇرلى جاستاعى ادامداردىڭ زور ىقىلاسپەن كەلگەنىن بايقادىم. اتاپ ايتساق, ەڭبەكتەگەن بالادان ەڭكەيگەن قارتتارعا دەيىن فەستيۆالعا ات سالىسۋعا جينالدى. بۇل جوبا جىل سايىن كەڭگە قانات جايىپ حالىقتىڭ كىتاپ وقۋعا دەگەن قۇلشىنىسىن ارتتىرىپ كەلەدى – دەيدى «باۋىرجان» قايىرىمدىلىق قورىنىڭ جوبا ۇيلەستىرۋشىسى مايرا ءالجانوۆا.
فەستيۆال باعدارلاماسى كىتاپتار جارمەڭكەسىن, وقىرماندارعا قىزىقتى تانىمدىق سەمينارلار, ءتۇرلى باسپالاردىڭ كىتاپ كورمەسى مەن تانىمال كىتاپ اۆتورلارىمەن جۇزدەسۋدى كىرىستىردى. بيىلعى جىلى كىتاپ فەستيۆالىنە 25-تەن استام كىتاپ باسپالارى مەن كىتاپ دۇكەندەرى قاتىستى. الاڭ جانىندا ارنايى شاتىرلار تۇرعىزىلىپ, تانىمال كىتاپتار جەڭىلدىكپەن ساتىلدى. ادەبي سەمينارلاردىڭ جانكۇيەرلەرىن زاماناۋي پۋبليتسيستەر مەن اقىن-جازۋشىلاردىڭ ادەبيەت تۇرعىسىنداعى پىكىر الماسۋلارى قىزىقتىردى. ولاردىڭ اراسىندا I Book You جوباسىنىڭ اۆتورى مارينا شاريپوۆا, اينا دوسمەحامەتقىزى, تانىمال كىتاپ ۆيدەوبلوگىنىڭ اۆتورى اليا قادىروۆا, جۋرناليست ءمادي مامبەتوۆتەر بار. قازاقستان جازۋشىلار وداعىنىڭ مۇشەلەرi - "نۇر وتان" پارتياسى الماتى قالالىق فيليالى توراعاسىنىڭ ورىنباسارى قايىم-مۇنار تابەەۆ, "ونەر" باسپاسىنىڭ باس ديرەكتورى اشىربەك كوپiشەۆ, "ان-ارىس" باسپاسىنىڭ باس ديرەكتورى كادىربەك قۇنىپيا ۇلى, اكىن ادiلعازى قايىربەكوۆ, ساتيريك نۇرتان تولەپبەرگەنوۆ كiتاپ فەستيۆالiنiڭ اشىلۋىندا ءسوز سويلەپ, ۇيىمداستىرۋشىلارعا العىس ايتتى. سونداي-اق, جازۋشىلار شاتىرىندا قازاق ءتىلدى اۆتورلار دا قالىس قالمادى. ماسەلەن جازۋشىلار وداعىنان عالىم جايلىباي, سەرىك اسىلبەك ۇلى, ساۋلە دوسجانوۆا, گۇلزادا نيەتقاليەۆا جانە تاعى باسقا قالامگەرلەر ءوز شىعارماشىلىقتارىمەن ءبولىستى.
كىتاپ الەمىندەگى شارا اياسىنان الماتىنىڭ تانىمال ءىرى كىتاپحانالارى دا تىس قالعان جوق. ولاردىڭ دايىنداعان باعدارلامالارى ارقاسىندا ءار وقىرمان ءوزىنىڭ جانىنا جاقىن ءارى قاجەتتىسىن تاپتى. ماسەلەن, بەگالين اتىنداعى كىتاپحانا ءوز شاتىر ايماعىندا كىتاپتاردىڭ تۇساۋكەسەرلەرىمەن قاتار, ءتۇرلى اكتسيالار مەن كونكۋرستار ۇيىمداستىردى.
KITAPFEST فەستيۆالى كىتاپقۇمار وقىرمانداردىڭ ءبىر-بىرىمەن جاقىن ارالاسىپ وي-پىكىرلەرىن ءبىر ارنادان توعىستىرۋىنا مۇمكىندىك جاساۋعا باعىتتالعان. شارانىڭ تاعى ءبىر ەرەكشەلىگى كەز-كەلگەن وقىرمان ارنايى تاقتايشاعا ءوزىنىڭ سۇيىكتى كىتابى جايلى جازىپ, وزگەلەرگە دە وقۋعا ۇسىنا الادى. باستى ۇيىمداستىرۋشى «باۋىرجان» قايىرىمدىلىق قورى «كىتاپ سىيلاپ, مەيىرىم سىيلا» اتتى قايىرىمدىلىق اكتسياسىن باستاپ, فەستيۆال اياسىندا پەدياتريا عىلىمي ورتالىعىنىڭ بالالار گەماتولوگياسى جانە قان اۋرۋلارى بولىمىنە, ناركولوگيالىق ورتالىق پەن قالامىزدىڭ تۇزەتۋ كولونيالارىنا ءبىرتالاي كىتاپ جونەلتتى.
«فەستيۆالدىڭ باستى ماقساتى بالالار مەن جاستار اراسىندا كىتاپ وقۋ ءۇردىسىن ناسيحاتتاپ, ادامداردى تەحنيكا مەن عالامتور جايلاعان زاماندا كىتاپتان باس تارتپاۋعا شاقىرۋ. الماتىلىق كىتاپ فەستيۆالىنىڭ باستى ەرەكشەلىگى – زامان اعىمى قانشالىقتى العا باسسا دا كىتاپ وقۋ ءداستۇرى ارتتا قالمايتىنىن ەسكەرىپ, كىتاپتان ءنار الۋ ءاردايىم رۋحاني ازىق ەكەنىن جەتكىزۋ» دەيدى ۇيىمداستىرۋشىلار.
ارمان وكتيابر,
«ەگەمەن قازاقستان»
الماتى
