– ەلباسىمىزدىڭ حالقىمىزدى رۋحاني جاڭعىرۋعا باستاعان باعدارلامالىق ماقالاسى جاريالانعان كۇننەن بەرى «ەگەمەن قازاقستاندا» قازاق ءتىلىن لاتىن الىپبيىنە كوشىرۋ ىسىنە قاتىستى كوپتەگەن پايىمدى پىكىرلەر جارىق كورىپ كەلەدى. بۇل لاتىن الىپبيىنە قاتىستى تاعدىرشەشتى جوبانىڭ تاريحي ماڭىزىن ايقىنداي تۇسەدى, – دەگەن ول حالىقارالىق تۇركى اكادەمياسىنىڭ دا وسى جوباعا قاتىستى ىرگەلى زەرتتەۋلەر جۇرگىزگەنىن اتاپ ءوتتى.
– زەرتتەۋلەر ناتيجەسىندە كوز جەتكىزگەنىمىز, لاتىن ءالىپبيىنىڭ تۇركولوگيانىڭ ورتاق ءالىپبيى ەكەندىگى. ماسەلەن, كونە تۇرىك جازبالارىن تاڭبالاعاندا تۇركولوگتار لاتىن ترانسكريپتسياسىن قولدانادى. بۇعان باسكاكوۆتار باسقارعان «سوۆەتسكايا تيۋركولوگيا» دا سۇيەنگەن. بۇل ءۇردىس رەسەيدە ءالى دە جالعاسىپ كەلەدى. ال نيۋ-يورك ۋنيۆەرسيتەتىنىڭ پروفەسسورى لاريسسا بونفانتە سىندى عالىمدار لاتىن ءالىپبيىنىڭ ءتۇپ تامىرى ەجەلگى ەترۋسك جازۋىنا تىرەلەتىنىن جازادى. تۇركى حالىقتارى تۋرالى اۋقىمدى ەنتسيكلوپەديالىق مۇرا بولىپ سانالاتىن ورتاعاسىرلىق «كودەكس كۋمانيكۋس» لاتىن الىپبيىندە قاعازعا تۇسكەن. بەرتىندە, 1926 جىلعى باكۋ قۇرىلتايىندا بۇكىل عالىمدارىمىز لاتىن ءالىپبيىن تاڭداپ العان. 1990 جىلداردىڭ باسىندا تۇركى ەلدەرىنىڭ عالىمدارى تاعى وسىنداي توقتامعا جۇگىنگەن. بۇدان اڭعاراتىنىمىز, لاتىن ءالىپبيى – ءبىزدىڭ فونەتيكامىز بەن دىبىس جۇيەمىزگە ەڭ جاقىن ءالىپبي دەۋگە بولادى, – دەدى دارحان قىدىرالى.
تالقىلاۋعا سونداي-اق, ءالىپبي جوباسىن ازىرلەۋشى ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ جانە ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ باسشىلارى, جوعارى وقۋ ورىندارىنىڭ رەكتورلارى, عىلىم جانە مادەنيەت قايراتكەرلەرى, عالىمدار مەن ساراپشىلار, ونىڭ ىشىندە شەتەلدىكتەر, قوعامدىق ۇيىمدار مەن بۇقارالىق اقپارات قۇرالدارىنىڭ وكىلدەرى شاقىرىلدى. پارلامەنتتىڭ تىڭداۋ قورىتىندىسى بويىنشا ءتيىستى ۇسىنىمدار قابىلدانباق.
ايا ءومىرتاي,
"ەگەمەن قازاقستان"
سۋرەتتى تۇسىرگەن ەرلان ومار,
"ەگەمەن قازاقستان"
