تولعاندىرعان ساۋالدار جاۋابىن تاپتى

كەشە استانادا «سانيتارلىق-ەپيدەميولوگيالىق قا­دا­عالاۋ سالاسىنداعى زاڭنامالاردىڭ ەرەكشەلىگى. بيزنەستى جۇرگىزۋ شارتى» اتتى تاقىرىپتا دوڭگەلەك ۇستەل وتى­رىسى ءوتتى. اڭگىمە ساۋدا-ونەركاسىپ پالاتاسى كاسىپكەرلەر مەن دەنساۋلىق ساقتاۋ مينيسترلىگىنىڭ مەملەكەتتىك ساني­تارلىق-ەپيدەميولوگيالىق قاداعالاۋ كوميتەتى وكىلدەرى اراسىندا ءوربىدى. جيىندا بايانداما جاساعان دەنساۋلىق ساقتاۋ مي­نيسترلىگىنىڭ مەملەكەتتىك سانيتارلىق-ەپيدەميولوگيالىق كوميتەتىنىڭ توراعاسى جانداربەك بەكشين سالاداعى ءبىر­قاتار شارۋالارعا توقتالا كەلە, كەيبىر كاسىپكەرلەردىڭ ءالى دە بولسا سانيتارلىق تالاپتاردى ساقتاۋدا سالعىرتتىقتار تانىتاتىنىن قىنجىلا ايتتى. سونداي-اق باس سانيتار وسىنىڭ سالدارىنان استان ۋلانۋ فاكتىسى تىركەلگەن ەلىمىز قالالارىنداعى ءبىراز مەيرامحانالار مەن كافەلەردى تىلگە تيەك ەتتى. قايعىلى جاعدايعا دەيىن اپارۋى مۇمكىن سالاقتىقتىڭ الدىن الۋ ءاربىر كاسىپكەردىڭ مىندەتى ەكەنىن دە نازاردان تىس قالدىرمادى. – كاسىپكەرلەر مەن بيلىك وكىلدەرى اراسىنداعى تىكەلەي ۇنقاتىسۋ, سونىمەن قاتار, ولاردىڭ قۇقىقتارى مەن زاڭدى مۇددەلەرىن قورعاۋدىڭ وزەكتى ماسەلەلەرى دوڭگەلەك ۇستەل­دىڭ باستى ماقساتى بولىپ تابىلادى. ءبىزدىڭ مىندەتىمىز, وتاندىق كاسىپكەرلەردىڭ بيزنەسىنە مەيلىنشە جاردەمدەسۋ ەكەنىن دە ايتقان ءلازىم, – دەيدى ساۋدا-ونەركاسىپ پالا­تا­­­سىنىڭ ۆيتسە-پرەزيدەنتى سالتانات احانوۆا. اتالمىش جيىندا ەلۋدەن اسا قازاقستاندىق كومپانيا وكىلدەرى وزدەرىن تولعاندىرعان ءتۇرلى ساۋالدارعا جاۋاپ الدى. «ەگەمەن- اقپارات».