قالامگەر ءسوزى – ءومىردىڭ ءوزى

قازاق تاريحىنداعى ءىرى تۇلعا, ءسوز زەرگەرى عابيت ماح­مۇت ۇلى مۇسىرەپوۆتىڭ شىعارماشىلىعى كوركەمسوز الە­­­مىنە قايتالانباس عاجايىپ قۇبىلىس بولىپ ەنگەنى انىق. «ناعىز ونەردىڭ بەلگىسى — ونىڭ ەشقاشان دا ەسكىرمەيتىندىگىندە» دەگەن ەكەن ورىستىڭ كورنەكتى جازۋشىسى ف.م.دوستوەۆسكي. عابيت مۇسىرەپوۆتىڭ ءسوزى دە XXI عا­سىر تابالدىرىعىنان اتتاپ ءوتىپ, ءوز ايشىعىمەن تانى­­­­­لىپ, ءوز بەدەرىمەن ايقىندالىپ بۇگىنگى الەمدىك ادەبي پروتسەسس اعىمىنا قوسىلدى دەسەك تە, بۇگىندە ءبىز ۇلتتىق ادەبيەتتەر جاھاندانۋ جاعدايىندا ءوز قاسيەت-سيپاتىن ساقتاپ قالۋ ءۇشىن تايتالاسقا تۇسكەن اسا كۇردەلى ۋاقىت­تى باستان كەشىرىپ وتىرمىز دەسەم, عابيت مۇسىرەپوۆ شىعارمالارىنىڭ جاس ۇرپاق بويىنا ۇلتتىق رۋحاني ۇستانىمداردى سىڭىرۋىنە, حالقىمىزدىڭ سالت-ءداستۇرىنىڭ رۋحاني قۇندىلىقتارىنىڭ ءتىلى مەن ءدىلىنىڭ قايماعىن بۇزباي ساقتاپ قالۋعا ەلەۋلى ىقپال ەتەتىنى انىق. ەندەشە, ساياساتتانۋ عىلىمدارىنىڭ دوكتورى روزا نۇر­­تا­زينانىڭ جاقىندا عانا جارىق كورگەن «عابيت ءمۇسى­رە­­پوۆ جانە قوعامدىق-ساياسي ماسەلەلەر» اتتى مونو­گرا­­­فيا­­­سى دەر كەزىندە جارىق كورگەن, وزەكتى دە ورەلى دۇنيە دەر ەدىك. وندا عابيت مۇسىرەپوۆتىڭ جانە ول ءومىر سۇرگەن كەزدەگى قوعامدىق-ساياسي ماسەلەلەر جان-جاقتى تالدانادى. جازۋشىنىڭ شىعارماشىلىق ءداستۇرىنىڭ تاعىلىمى بۇگىنگى جاستاردىڭ قوعامنىڭ بۇگىنگى تىنىسىن ءار قى­­رىنان تەرەڭىرەك زەرتتەۋىنە, ءومىر قۇبىلىستارىن كور­سەتۋدە ايقىن يدەيالىق-ادامگەرشىلىك پوزيتسيا ۇستانۋى­­نا, دالەلدىڭ كيسىندىلىعىنا قول جەتكىزۋىنە, كەز كەلگەن پروتسەستى ءوزارا بايلانىستا قاراستىرا بىلۋىنە, قورى­­­­تىن­­­دى جاساۋ قارىم-قابىلەتىن ارتتىرۋىنا جاردەمدەسەدى. مۇسىرەپوۆتىڭ ءستيلى نەگىزىندە قازاق ءتىلىنىڭ بايلىعىن زەرتتەۋ تەك لينگۆيستيكادا, ءتىلتانۋدا عانا ەمەس, جۋرناليستيكادا دا ادىستەمەلىك نەگىز بولىپ تابىلادى. كىتاپ جوعارى وقۋ ورىندارىنىڭ ستۋدەنتتەرىنە, ما­­­­گيسترانتتارىنا, دوكتورانتتارىنا, ۇستازدارىنا جانە ءسوز ونەرىن قادىرلەيتىن قالىڭ وقىرمان قاۋىمعا ارنالعان. گۇلشات نۇرىمبەتوۆا, ساياساتتانۋ عىلىمدارىنىڭ دوكتورى, پروفەسسور.