الداعى جۇمىستاردىڭ باعدارى ايقىن

ەسەپ بەرۋ جيىنى بۇرىنعى كەگەن, نارىنقول وڭىرلەرىنىڭ اۋماعىن قامتىعان رايىمبەك اۋدانىندا ءوتىپ, اۋدان اكىمى ايان ايتجانوۆ العاشقى ەسەبىن مەملەكەتتىك شەكارا شەتىندەگى سۇمبە مەن تەكەس اۋىلدارىنان باستادى. وتكەن جىل تاۋلى ايماق جۇرتشىلىعى ءۇشىن تابىستى بولعانى ورتاعا سالىندى. سول ەسەپ كەزىندە جۇرشىلىقتان تۇسكەن تالاپ-تىلەك, ءوتىنىش­تەر­دىڭ تياناعى كەلتىرىلىپ, ەلدى مەكەندەردىڭ بەت-بەينەسى دە ءبىرشاما جاڭارعان. ماسە­لەن, كوپشىلىكتىڭ سۇرانىسى­مەن قاراسازداعى ونەر مەك­تەبى قايتادان اشىلسا, تەكەس اۋىلىنداعى مادەنيەت ءۇيى كۇردەلى جوڭدەۋدەن وتكەن. كەگەن مەن نارىنقولداعى اۋرۋحانالار قوسىمشا 45 ءتو­سەككە ۇلعايتىلىپ, قاينار اۋى­لىنداعى ءبىلىم شاڭىرا­عى­نىڭ كۇردەلى جوندەۋدەن ءوت­كى­زىلۋى, جولاۋشىلاردى ابىگەرگە سالعان كۇرە جولداردىڭ تەگىس­تە­لۋى, جوندەلۋى, باسقا دا تيا­ناعى كەلتىرىلگەن ماسەلەلەر رەت-رەتىمەن ورتاعا سالىندى. جۇرتشىلىق نازارىنا ۇسىنىلعان ەسەپ بارىسىندا اۋدان اكىمى اتقارىلعان شا­رۋا­لاردى ناقتىلاپ ءارى شە­شىمىن كۇتكەن, تولعاندىرعان ماسەلە­لەر­گە جۇرت نازارىن اۋدارۋعا ۇمتىلدى. ويتكەنى, جەتىستىك جەتەگىندە كەتۋ بۇگىنگى كۇنگە جات, كەرىسىنشە, ولقى­لىق­تاردى ورنىنا كەلتىرۋدەگى جۇمىلا ەڭبەكتەنۋدىڭ بەرەرى كوپ ەكەندىگىنە باسىمدىق بەرىلدى. اۋداننىڭ نەگىزگى سالاسى – اۋىل شارۋاشىلىعى دەسەك, بۇگىندە مەملەكەت تاراپىنان ءونىم وندىرۋشىلەرگە قارجىلاي كومەك كورسەتىلۋدە. ماسەلەن, جەرى قۇنارلى ايماقتا مەملە­كەت تاراپىنان كارتوپ ءوسىرۋ­مەن اينالىساتىن ءۇش شارۋا­شى­لىققا 36 ميلليون تەڭگە سۋبسيديا بەرىلسە, اسىل تۇ­قىم­دى مال سانىن كوبەيتۋگە 12 ميلليون تەڭگە بولىنگەن, وسىنىڭ نەگىزىندە شارۋا قو­جا­لىقتارىنىڭ قولعا العان ناتيجەلى ىستەرى جالعاسىن تاپ­قان. كوكتەم مەن كۇزگى ەگىس, جيىن-تەرىن ناۋقاندارى مەن دالا جۇمىستارىنا دا مەملەكەت تاراپىنان قاجەتتى كو­لەمدە قارجى بەرىلگەن. دە­سەك تە, ءالى دە سۋارمالى جەردى يگەرۋ ماسەلەسى كوڭىل كونشىت­پەيدى. بەرەرى مول سورتتى تۇقىم مەن اسىل تۇقىمدى مال ءوسىرۋدى قولعا الۋداعى ىن­تا-ىقىلاس جەتكىلىكسىز. اۋىل شارۋاشىلىعىن ساپالى ءونىمسىز, اسىل تۇقىمدى ءوز ءتولىن­سىز دامىتۋ مەن قولدا بار­دى ۇقساتۋدىڭ قيىندىعىن اۋدان اكىمى ءوز سوزىندە ناقتى دەرەكتەرمەن دايەكتەدى. اۋداندا ءتورت ت ۇلىك تولىمەن وسسە, وسى باعىتتا اۋدان وب­لىس­تا الدىڭعى قاتاردا كەلەدى. ءوزىن­دىك تاجىريبەسى قالىپتاس­قان, مال ونىمدەرىن وندىرۋدە ءوز­­گەلەرگە ۇلگى بولاتىن شا­رۋاقور جاندار دا بار. ارينە, جوعا­رى­داعى ماسەلە جايلى ءالى دە وي­­لا­ناتىن, قولعا الاتىن جۇ­مىس­تار جەتكىلىكتى ەكەندىگىن جي­نال­عاندار تاعى ءبىر باعامدادى. اۋدان بيۋدجەتى وتكەن جىلى 3,117 ميلليون تەڭگەنى قۇراعان. مۇنىڭ ءوزى الداعى جىلدارمەن سالىستىرعاندا ەداۋىر وسكەن­دى­گىنىڭ دالەلى. وسىدان-اق حالىق­تىڭ الەۋمەتتىك جاي-كۇيى ايقىن اڭعارىلادى. ەلباسىنىڭ جولداۋىندا اي­تىلعانداي, اۋدانعا وتكەن جىلى 4,916 ميلليون تەڭگە ين­ۆەستيتسيا تارتىلعان. ناتيجە­سىن­دە قوسىمشا جۇمىس ورىن­دا­رى اشىلعان. جاستارعا باسەكەگە قابىلەتتى ءبىلىم بەرۋ ماسەلەسىنىڭ جان-جاقتى قاراستىرىلىپ, جا­ڭاعا دەگەن بەتبۇرىس ناتيجە­سىن­دە ءبىلىم شاڭىراقتارىنىڭ ما­تە­ريالدىق جاعدايلارى جاق­سار­عان. ءتۇيىندى ماسەلەلەر شەشىمىن تاۋىپ, قاجەتتى قۇرال-جاب­دىق­تارمەن رەت-رەتىمەن قامتاماسىز ەتىلىپ, مەكتەپتەردەگى كومپيۋ­تەر سانى مىڭعا تاياپ, وقۋشى­لاردىڭ جاڭالىقتاردان حا­بار­دار بولىپ وتىرۋى قامتاماسىز ەتىلگەن. مەكتەپكە دەيىنگى با­لالار تاربيەلەنەتىن 26 شاعىن ورتالىق قۇرىلعان. دەنساۋلىق ساقتاۋ سالاسىنا بولىنگەن 832 ميلليون تەڭگە تو­لى­عىمەن يگەرىلىپ, ەمحانالارعا 22,410 مىڭ تەڭگەنىڭ قاجەتتى قۇ­رال-جابدىقتارى, جالاڭاش, شىر­عاناق, قاراساز اۋىلدا­رىن­داعى مەكتەپتەرگە ستوماتو­لو­گيا­لىق قوندىرعىلار ورناتىلعان. اۋدان اۋماعىندا وتكەن جىلى 700-گە جۋىق جاڭا جۇمىس ورىندارى اشىلعان. اۋدانداعى ورتا جانە شاعىن كاسىپكەرلىك­پەن اينالىسۋشىلار وتكەن جى­لى 1,697 ميلليون تەڭگەنىڭ ءونى­مىن ءوندىرىپ, بيۋدجەتكە 51,4 ميل­ليون تەڭگە سالىق تولەمدەرى تۇسكەن. جىل ىشىندە ۇلكەندى-كىشىلى 40 كاسىپورىن اشىلىپ, كوپتەگەن ادام ەڭبەكپەن قام­تىل­عان. سونداي-اق, تۇرعىن ءۇي باع­دارلاماسىمەن 7 كوممۋنال­دىق تۇرعىن ءۇي پايدالانۋعا بە­رىل­سە, تەكەس, قاقپاق, قاينار اۋىلدارى اراسىنداعى جانە جالاڭاش پەن توعىزبۇلاق اۋىل­­دارى اراسىنداعى جول­دار جوندەلگەن, سونداي-اق سارى­جاز اۋىلى مەن كومىرشى اۋى­لى­نىڭ اراسىنداعى جول قاتى­ناسىن جاقسارتۋ قولعا الىنا­تىنى دا جينالعان­دار­دىڭ كوڭى­لىن سەرگىتتى. “جول كارتاسى” ايا­سىندا تەكەس اۋى­لىنداعى سۋ قۇ­بىرى كۇردەلى جوندەۋدەن وتكىزىلگەن. حالىقتىڭ رۋحاني قاجەتىن وتەيتىن 23 مادەنيەت ءۇيى مەن كلۋب, 10 كىتاپحانا, 2 مۇرا­جاي بۇگىنگى ۋاقىت تالابىنا وراي قىزمەت كورسەتۋدە. تەكەس اۋىلىنداعى “اق تولقىن” فولكلورلىق ءانسامبلى حا­لىق­تىق اتاققا يە بولىپ, شى­عارماشىلىقتارىن شىڭ­داۋدا. اۋىلدىق وكرۋگتەردە جاستار ۇيىمدارى جۇمىس جۇرگىزىپ, سارىباستاۋ, نا­رىن­قول, جالاڭاش اۋىل­دارىن­دا جاستار فورۋمدارى وتكىزىلگەنى دە وسكەلەڭ ۇرپاق­تى ەلجاندى­لىققا تاربيەلەۋ­دىڭ كورىنىسى دەپ باعالاندى. اكىمنىڭ ەسەبىنەن كەيىن سۇمبە اۋىلىنداعى اقساقال­دار القاسىنىڭ توراعاسى ك.رىس­بەكوۆ سالىنعانىنا جارتى عاسىر بولعان “بەل­تو­عان” سۋ كانالىن قايتا قال­پى­نا كەل­تىرۋگە نازار اۋدا­رۋ­دى سۇراسا, ونىڭ جاڭا ءما­دە­نيەت ۇيىمەن جول سالىنسا دە­گەن ۇتىمدى ۇسىنىستارىن دا كوپشىلىك قول­دادى. “ديپلوم­مەن – اۋىلعا” اتتى جاقسى باس­تامامەن تۋعان اۋىلىنا ورالعان ۇستاز ە.قۇمار­بە­كوۆ­تىڭ پىكىرى دە كوڭىلگە قونىمدى شىقتى. ال, “اقبۇلاق” شارۋا قوجالى­عى­نىڭ توراعاسى ە.بەستىباەۆ اۋىل شارۋاشىلىعىن وركەن­دەتۋگە بولىنگەن مەملەكەت قارجىسىن ءتيىمدى پايدالانۋ قاجەتتىگىن نازارعا سالدى. جالپى, سۇمبەلىكتەردىڭ قويعان سۇراقتارىنا اۋدان­دىق ورتالىق اۋرۋحانانىڭ باس دارىگەرى ب.تىلەمىسوۆ جاۋ­اپ بەرىپ, اۋىلداعى اۋرۋحا­نا­نىڭ جابىلمايتىنىن جەت­كىز­دى. وكرۋگكە قاراستى قىزىل­شەكارا اۋىلىنداعى ك.باي­شى­عان ۇلى اتىنداعى ورتا مەك­تەپتىڭ ۇجىمى ءبىلىم شا­ڭىراعىنا زامان تالابىنا ساي مۋلتيمەديالىق كابي­نەت­تىڭ قاجەتتىگىن ايتسا, اۋداندىق ءبىلىم ءبولىمىنىڭ باستىعى س.بورانعازيەۆا ماسەلەنىڭ بيىل شەشىلەتىنىن جەتكىزدى. سونىمەن بىرگە, نارىنقول اۋىلىنان نوتا­ريۋس قىزمەتىن اشۋ جونىندەگى ەلدىڭ ورىندى ۇسىنىسى ورىن­دالاتىن بولدى. اۋدان اكىمى سۇمبە مەن قىزىل­شە­كارا اۋىلدارىنا كەلەتىن جولداردى جوندەۋدى كەلەسى جىل­دىڭ جوسپارىنا كىرگىزۋ مۇمكىندىگىنشە قاراستى­رى­لاتىنىنا سەندىردى. سونىمەن قاتار, سۇمبە اۋىلىنداعى اۋىز سۋ ماسەلەسى دە كەلەسى جىلدىڭ جوسپارىنا ەنبەك. ال, تەكەس اۋىلىنداعى اۋدان اكىمىنىڭ ەسەبىندە ءا.قا­زىبەكوۆ اۋىلداعى بالالار باقشاسىنىڭ عيماراتى مەن ەسكىرگەن ونەر مەكتەبى كۇردەلى جوندەۋدەن وتكىزىلسە دەسە, اۋىل تۇرعىنى د.سارسەنباەۆ اۋىلداعى سۋ قۇبىرىنىڭ جۇمىسىن باقىلايتىن ءبىر ادامعا شتات قاراستىرىلسا, دەگەن ۇسىنىسىن جاريا ەتتى. اۋىلداعى اقساقالدار القاسىنىڭ توراعاسى ج. بايسەركەەۆ ۇلى جەڭىستىڭ 65 جىلدىعى قارساڭىندا ەرەن ەرلىگى كەڭەس وداعىنىڭ باتىرلارىمەن پارا-پار بولعان “داڭق” وردەنىنىڭ تولىق يەگەرى ب.دەمباەۆقا ونىڭ اتىنداعى كوشەگە ەسكەرتكىش تۇرعىزىلسا دەگەن ويىن ورتاعا سالدى. ەكى اۋىلداعى جينالىسقا قاتىسقاندار اۋدان اكىمىنىڭ وتكەن جىلعى اتقارعان جۇ­مىستارىنا قاناعاتتانارلىق دەگەن باعا بەردى. سونىمەن, ايان ايتجانوۆ الداعى جۇمى­سىنا باعىت-باعدار الدى. كۇمىسجان بايجان, الماتى وبلىسى. قوسار ۇلەسىمىز قوماقتى بولسىن شيەلى اۋدانىنىڭ اكىمى نۇرلىبەك نالىباەۆ اۋىلدىق وكرۋگتەرگە ارنايى ات باسىن بۇرىپ, اۋىل تۇرعىندارىنا 2009 جىلى اۋداننىڭ الەۋمەتتىك-ەكونوميكالىق دامۋ قورىتىندىلارى مەن اعىمداعى جىلى اتقارىلار مىندەتتەردى ەگجەي-تەگجەيلى بايان ەتىپ, ەسەپتى كەزدەسۋلەرىن وتكىزۋدە. ايتا كەتۋ كەرەك, اۋدان اكىمىنىڭ اۋىل تۇرعىندارىمەن كەزدەسۋ جيىندارىندا سويلەۋشىلەردىڭ ساۋالدارىنا قاراعاندا, باتا-تىلەكتەرى مەن ريزاشىلىق لەبىزدەرى كوبىرەك بايقالۋدا. بۇل اۋدان تۇرعىندارى ءال-اۋقاتتارىنىڭ جاقسارىپ كەلە جاتقانىن اڭعارتادى. ءسوزىمىز دالەلدى, ويىمىز ورنىقتى بولۋ ءۇشىن ن.نالىباەۆتىڭ المالى اۋىلدىق وكرۋگىندە اۋىل تۇرعىندارىمەن ەسەپتى كەزدەسۋىندە ايتقان دەرەك­تە­رىنە جۇگىنەلىك. سوڭعى جىلدارى شيەلى اۋدانى دامۋعا بەت الدى. ءوت­كەن جىلى اۋدان بيۋدجەتى 3 ملرد. 314 ملن. تەڭگە بولىپ بە­كىتىلسە, ەسەپتى مەرزىمدە ول 4 ملرد. 577 ملن. تەڭگەنى قۇ­راپتى. جىل بويىن­دا اۋدان­دىق بيۋدجەتكە 7 رەت ءوز­گەرىس­تەر مەن تولىقتىرۋلار ەنگى­زى­لىپ, ناقتى كىرىس مولشەرى 1 ملرد. 277 ملن. تەڭگەگە جەت­كەن. “جول كارتاسى” بويىن­شا اۋدانداعى 26 جوباعا 842 ملن. 558 مىڭ تەڭگە ءبولىنىپ, 1081 ادام جۇمىسپەن قامتىلىپتى. اۋدان اكىمىنىڭ اتاپ ايت­قانىنداي, اۋدانداعى ونەركا­سىپ ورىندارى 16 ملرد. تەڭ­گەگە جۋىق ءونىم وندىرسە, بۇل 2008 جىلمەن سالىستىرعاندا 27,6 پايىزعا ارتىق. ونىڭ نەگىزىن تاۋ-كەن ءوندىرىسى قۇراپ وتىر. ولار 8 ملرد. تەڭگەگە جۋىق ءونىم شىعارعان. اۋدان­دا شاعىن كاسىپكەرلىكتىڭ 2010 نىسانى تىركەلگەن. جىل كو­لەمىندە 4471 ادام جۇمىسقا تارتىلىپ, سونىڭ نەگىزىندە 1,5 ملرد. تەڭگەنىڭ ءونىمى ءون­دىرىلىپتى. ال جاڭا جىلدان بەرگى ۋاقىت ىشىندە 313 جۇمىس ورنى اشىلعان. ءىرى ءوندىرىس ورىندارى ساناتىندا قۇرى­لى­سى باستالعان, جوبالىق قۇنى 450 ملن. تەڭگەنى قۇراي­تىن, ايىنا 62 مىڭ شارشى مەتر دسپ شىعاراتىن زاۋىت بار. اۋدان ەكونوميكاسىنا سۇبەلى ۇلەس قوسىپ كەلە جات­قان “قازاتومونەركاسىپ” ۇلت­تىق كومپانياسىنىڭ دەمەۋ­شى­­لىگىمەن 2009 جىلى بىرقاتار يگى ىستەر اتقارىلىپتى. №127 ورتا مەك­تەپكە 561 ملن. تەڭگە جۇمسا­لىپ, ول 400-دەن 825 ورىنعا كە­ڭەيتىلگەن. سونىمەن بىرگە جوبا قۇنى 494 ملن. تەڭگە بولاتىن  مۇمكىندىگى شەكتەۋلى بالالارعا ارنالعان 50 ورىندىق مەكتەپ-ينتەر­نات قۇرىلىسىنىڭ 90 پايىزى اياقتالىپ, تاياۋ ۋاقىتتا پايدالانۋعا بەرىلمەك ەكەن. جالپى, اۋدان بويىنشا وتكەن جىلى 8 مەكتەپ پەن 7 بالاباقشا كۇردەلى جوندەۋدەن وتكىزىلىپتى. جول­داردىڭ 78 شاقىرىمى­نا كۇردەلى جانە ورتاشا جوندەۋ ءجۇردى. مۇنداي جەتىستىك اۋدان تاريحىندا بولىپ كورگەن ەمەس. بيزنەستىڭ الەۋمەتتىك جاۋاپكەر­شى­لىگىن ارتتىرۋ جونىندەگى رەس­پۋبليكالىق فورۋمنىڭ شيەلى جەرىندە وتكىزىلۋى جايدان جاي بولماسا كەرەك. قازىردىڭ وزىندە لايىقتى باعاسىن العان وڭ ناتيجەلى جۇمىستار جەتەرلىك. كەنت پەن اۋىلدارداعى اللەيا­لار, يمان­دىلىق ۇيلەرى, تاعى باسقا دا نىساندار وسى بيۋد­جەت­تەن تىس قارجى كوزدەرى ار­قىلى سالى­نۋدا. ورتالىقتاعى كوشەلەرگە ءسان بەرىپ تۇرعان ەلباسى جولداۋىن ناسيحات­تاۋعا ارنالعان تاقتالار مەن بيل­بورد­­تاردى دەمەۋ­شى ازاماتتار ەڭبەگىنىڭ جەمىسى دەۋگە بولادى. اۋدان اكىمى تۇرعىندار الدىن­داعى سوزىندە وسى جۇمىس­تاردى جۇزەگە اسىرۋعا اتسا­لىسقان مە­كەمەلەر مەن جەرلەس ازا­مات­تار­دىڭ اتىن اتاپ, ريزاشىلىعىن ءبىلدىردى. اۋىل شارۋاشىلىعى سالا­سىن­دا 5 ملرد. 119 ملن. تەڭگە­نىڭ ءونىمى ءوندىرىلىپ, 736 ملن. تەڭگە كولەمىندە ينۆەستيتسيا تارتىلدى. جالپى ەگىس كولەمى 21440 گەكتاردى قۇراسا, ونىڭ 6500 گەكتارىنا سىر سالىسى ورنا­لاستىرىلدى. كۇرىشتىڭ ءار گەكتارىنان 42,7 تسەنتنەردەن ءونىم كەلدى. اۋدانداعى مال با­سى­نىڭ دا سوڭعى جىلدارى كو­بەي­گەندىگى بايقالادى. وتكەن جىلدىڭ سوڭعى ايىنداعى ەسەپ بويىنشا ءىرى قارا 37726, قوي-ەشكى 11066, تۇيە 896, جىلقى 6728 باستى قۇراعان. اكىم بايانداماسىندا اتاپ ءوت­كەنىندەي, اۋدانداعى قۇرى­لىس سالاسى دا قارقىن العان. وتكەن جىل ىشىندە 10 ملرد. تەڭگەدەن استام ينۆەستيتسيا تارتىلدى. بۇل – الدىڭعى جىلعى كورسەتكىشتەن 2,3 ەسەگە كوپ. “تازا سۋ” باعدار­لاماسىنا اۋدان اكىمى ەرەكشە توقتالىپ ءوتتى. بۇگىندە اۋدانداعى 35 مىڭ حالىق قو­نىستانعان 14 ەلدى مەكەننىڭ ىشكى سۋ قۇبىرلارىن قايتا جاڭعىرتۋ جۇمىستارىنا قار­جىنىڭ بولىنبەۋى سالدارىنان ولارعا اۋىز سۋ تاسىمالدانىپ بەرىلۋدە. اكىم 14 ەلدى مە­كەننىڭ ىشكى سۋ قۇبىرلارىن قايتا جاڭعىرتۋ باعىتىنداعى قۇ­رىلىس جۇمىستارىنا جوبا­لىق قۇنى 1 ملرد. 601 ملن. تەڭگەنى قۇرايتىن جوبا-سمە­تالىق قۇجاتتارى ازىرلەنىپ, مەم­لەكەتتىك ساراپتامانىڭ وڭ قورى­تىندىسى الى­نىپ, اۋىل شارۋاشىلىعى مي­نيستر­­لىگىنىڭ سۋ رەسۋرستارى كو­ميتەتىنە تاپسىرىل­عانىن ايتىپ, تۇر­عىنداردى ءبىر قۋان­تىپ تاستادى. بيىلعى جىلى وسى جۇمىستارعا رەس­پۋبليكالىق بيۋد­جەتتەن 577 ملن. تەڭگە ءبولىنىپ, ۇلكەن جۇمىس باستالماقشى. اۋداندا الەۋمەتتىك قول­داۋ مەن جۇمىسسىزدىقتى ازاي­تۋ باعىتىندا دا بىرقاتار شارۋا­لار ىسكە اسۋدا. ەسەپتى كەزەڭدە 3473 ادام جۇمىس ءىز­دەۋشى رە­تىن­دە  تىركەلسە,  ولار­دىڭ  3408-ءى تۇراقتى كاسىبىن تاۋىپ­تى. سونداي-اق بيىل ۇلى جە­ڭىستىڭ 65 جىلدىعىنا وراي سوعىس اردا­گەرلەرىنە ءبىر جولعى ماتەريالدىق كومەك رەتىندە 11 ملن. تەڭگە ءبولىنىپ وتىر. ەسەپتى كەزدەسۋ بارىسىندا اۋدان اكىمى وزگە دە جەتكەن جە­تىستىكتەر مەن الدا اتقا­رى­لار ىستەردى كەڭىنەن سارالاپ ءوتتى. اۋىل تۇرعىندارى قايىر­بەك ابدۋللاەۆ, ءابي­بۋل­لا ايتباەۆ جارىقتىڭ ناشارلىعى مەن بايلانىس ماسەلەلەرىن شەشۋدى العا تارتسا, وزگە تۇرعىندار ونداي ۇساق تۇيتكىلدەردىڭ اۋىل اكىمى پارمەنىمەن شەشىلەتىنىن ايتىپ جاتتى. دەگەنمەن, اكىم سالا باسشىلارى مەن اۋىل اكىمى يسابەك سارسەنباەۆقا وسى ماسەلەلەردى انىقتاۋدى تاپ­سىردى. ءسوز العان اۋىل تۇر­­عىنى داۋلەتبەك بايدراح­ما­نوۆ اۋدان اكىمىنىڭ ەڭبەگىن سارالاپ, جىل بويىندا اتقا­رىل­عان جۇمىسىنا قاناعات­تا­نا­تىنىن جەتكىزدى. شيەلى كەن­تىنىڭ كۇن ساناپ كەلبەتى ەنىپ كەلە جاتقانىنا قۋانا­تى­نىن جانە تىلەكتەستىگىن ايتتى. جيىندا ۇسىنىس-تىلەك­تەر­دەن گورى ريزاشىلىق لە­بىزدەر كوبىرەك ەستىلدى. بۇل تۇر­عىندار ءال-اۋقاتىنىڭ جو­عا­رىلاعانىن عانا ەمەس, اۋدانداعى وڭ ىستەر قاتارى كو­بەيگەندىگىن باي­قاتسا, شيە­لىلىكتەردىڭ ەل بايلىعىن ەسە­لەۋگە اعىمداعى جىلى قوسار ۇلەسى مۇنان دا زور بولاتىنىنا سەنىم مول. ەركىن ءابىل, قىزىلوردا وبلىسى.