الماتىداعى ۇلتتىق كىتاپحانادا وتىرار مەملەكەتتىك ارحەولوگيالىق قورىق-مۇراجايىنىڭ ۇيىمداستىرۋىمەن «رۋحاني جاڭعىرۋدىڭ ءبىر كەپىلى − كونە كىتاپتار» تاقىرىبىندا كىتاپتار كورمەسى اشىلدى. كورمەدە مۇراجاي قورى جيناعىنداعى ءحىح-حح عاسىلارعا ءتان بىرەگەي كىتاپتار مەن قولجازبالار ەكسپوزيتسيالانىپ, كوپشىلىككە وسى جادىگەرلەر تۋرالى مالىمەت بەرەتىن دەرەكتەر قامتىلعان.
ەجەلگى زاماننان-اق قالالارىندا عىلىم مەن مادەنيەت, ساۋدا جانە ءوندىرىس, دالالارىندا ەگىن مەن مال شارۋاشىلىعى قاتار دامىعان ۇلى جىبەك جولى بويىنداعى قۇتتى مەكەن – وتىرار القابىن ءوڭىر تاريحىن وتكەن عاسىردان باستاپ زەرتتەپ جۇرگەن ارحەولوگتاردىڭ استاناسى دەسەك ارتىق ايتپاسپىز. بۇگىندە 24000-نان استام زاتتاي جادىگەر مەن كونە جازبا ەسكەرتكىشتەر توپتامالارىن ساقتاپ وتىرعان وتىرار مەملەكەتتىك ارحەولوگيالىق قورىق-مۇراجايى قورى وتىرار ولكەسىنىڭ تاريحي ەسكەرتكىشتەرىن قورعاۋ, جادىگەرلەردى ساقتاۋ, ناسيحاتتاۋ باعىتىندا كوپ جۇمىس اتقارىپ وتىرعانىن ايتا كەتۋ كەرەك.
وتىرار قورىق-مۇراجايى قورىنىڭ باستاماسىمەن, قور قامقورلىعىنداعى جادىگەرلەردى ناسيحاتتاپ, تانىستىرۋ ماقساتىندا ۇيىمداستىرىلعان اتالمىش كورمەدە جازبا ەسكەرتكىشتەر قورىنداعى قۇندى باسپا جادىگەرلەرى مەن قولجازبالار كوپشىلىك نازارىنا ۇسىنىلىپ وتىر.
ميرا بايبەك,
«ەگەمەن قازاقستان»
الماتى
