كومەك كورسەتۋگە قاشاندا دايىنبىز

حالىق دەنساۋلىعىن ساقتاۋ سالاسىن دامىتۋعا ارنالعان «سا­­لاماتتى قازاقستان» باعدارلاما­­سىن جۇزەگە اسىرۋعا «قازاۆيا­قۇت­قارۋ» اق ۇجىمى ءوز ۇلەس­تە­رىن قوسۋدا. دەنساۋلىق ساقتاۋ مينيسترلىگىمەن بىرگە شىعىس قا­زاقستان, اقمولا, باتىس قازاق­ستان, اتىراۋ, الماتى, قىزىل­وردا, پاۆلودار, قوستاناي, وڭ­تۇس­تىك قازاقستان, سولتۇستىك قا­زاق­ستان, ماڭعىستاۋ وبلىستا­رى­نىڭ ايماقتارى بويىنشا مەدي­تسينالىق كومەك كورسەتۋ بويىنشا جۇيەلى جۇمىستار جۇرگىزىلۋدە. سول سەكىلدى استانا, الماتى, اتى­­­­راۋ, قىزىلوردا قالالارىندا قۇرى­لىم­نىڭ ايماقتىق ورتالىق­تارى اشىلدى. ونداعى ماقسات –  ءبى­لىكتى مەديتسينا ماماندارىن ۋاق­تىلى جەتكىزۋگە ناۋقاستارعا جەدەل ءجار­دەم كورسەتۋ. سانيتارلىق اۆياتسيانىڭ كو­مەگىمەن وتانىمىز بويىنشا 56 تاپسىرىس, ونىڭ ىشىندە 38 تاسى­مالداۋ مۇلتىكسىز ورىندالىپ, 18 ءارتۇرلى دارىگەرلىك كەڭەس بەرىلدى. بۇعان مىسال رەتىندە مىنا ءدا­يەك­تى كەلتىرۋگە بولادى. جاقىندا ال­ما­تى كوپ باعدارلى كلينيكا­سىنىڭ ەكى دارىگەرى نارىنقول اۋ­دانىنا جەتكىزىلىپ, وندا ناۋقاسقا جەدەل تۇردە وپەراتسيا جاسالدى. سول سەكىلدى  اتىراۋدان اقتاۋعا تاپسىر­ما­مەن مي-706 تىكۇشاعى ۇشىپ شىقتى. سول جەردە ناۋقاس بالاعا مەديتسينالىق كومەك كور­سەتىلىپ, ارتىنان اتا-اناسىمەن اقتوبەگە جەتكىزىلدى. سانيتارلىق تىكۇشاق ەكيپاجدارىنىڭ قۇرا­مى, قانداي قيىن جاعدايلاردا بول­ماسىن, ناۋ­قاس ادامدارعا كو­مەك كورسەتۋ ءۇشىن تاپسىرما­لار­دى ورىنداۋدا. قازاقستان رەسپۋبليكاسى ءتاۋ­ەلسىزدىگىنىڭ 20 جىلدىق مەرەي­تو­يى قارساڭىندا, ەلىمىزدە ءارتۇرلى ماڭىزدى ىستەر جۇزەگە اسۋدا. سو­لاردىڭ ءبىرى «سالاماتتى قازاق­ستان» مەملەكەتتىك باعدارلاماسى بويىنشا سانيتارلىق تىكۇشاق­تار­دى ساتىپ الۋ, ۇشقىشتار مەن ينجەنەرلەر قۇرامىن جاقسارتۋ جانە كوبەيتۋ. سانيتارلىق تىك­ۇشاق­تار مەديتسينالىق مودۋلدەر­مەن جابدىقتالعان. اتاپ ايت­­قاندا, تىكۇشاقتىڭ بورتىنا ال­ىن­عان ناۋقاستارعا جۇرەك, وكپە, قان قىسىمى, بۇيرەك, گينەكو­لو­گيا­لىق, ت.ب. اۋرۋلارعا قارسى كو­مەك كورسەتىلەدى. الداعى ۋاقىتتا دا «قازاۆيا­قۇتقارۋ» اق جەدەل مەديتسي­نا­لىق كومەك رەسپۋبليكالىق عىلى­مي ورتالىعىمەن بىرلەسىپ قازاق­ستان حالقىنىڭ دەنساۋلىعىن جاق­سارتۋعا, قاتەرلى اۋرۋلاردىڭ ال­دىن الۋعا, دەر كەزىندە مەدي­تسي­نالىق كومەك كورسەتۋگە ءاردايىم ءوز ۇلەسىن قوسا بەرەدى. كۇلتاي امىرەەۆا, «قازاۆياقۇتقارۋ» اق اعا مامانى.