شاراعا قىزىلوردا وبلىسىنىڭ اكىمى ق.كوشەرباەۆ, اۋىل شارۋاشىلىعى سالاسىنىڭ ماماندارى, ەڭبەك ارداگەرلەرى مەن اۋىل اقساقالدارى قاتىستى. ايماق باسشىسى «اقتوبە ي ك» جشس-ءنىڭ كۇرىشتىڭ يراندىق "تاروم-حوشيمي" سورتى ەگىلگەن ەگىس القابىمەن جانە كۇرىش اقتاۋ زاۋىتىنىڭ جۇمىسىمەن تانىستى.
- مەملەكەت باسشىسى ءوزىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا اگرارلىق سەكتور ەكونوميكانىڭ جاڭا درايۆەرىنە اينالۋى كەرەكتىگىن اتاپ ءوتىپ, وسى سالانى دامىتۋ باعىتىندا الدىمىزدا ناقتى مىندەتتەر قويدى. ەلباسىنىڭ اگرارلىق سەكتوردىڭ الدىندا قويعان مىندەتتەرىن ىسكە اسىرۋ ماقساتىندا وتكەن جىلى وبلىس تاريحىندا العاش رەت اۋىل شارۋاشىلىعى ونىمدەرىن نارىعىنا كەشەندى ماركەتينگتىك زەرتتەۋلەر جۇرگىزىپ, اگرارلىق سەكتوردىڭ مۇمكىندىك الەۋەتتەرىن زەرتتەپ, وبلىستىڭ اگروونەركاسىپتىك كەشەنىن دامىتۋدىڭ اگروكارتاسىن قابىلدادىق. اگروكارتادا نەگىزگى مىندەت رەتىندە اۋىل شارۋاشىلىعى سالاسىنىڭ ەكسپورتتىق الەۋەتىن ارتتىرۋ, سونىمەن قاتار جىلدام دامىتۋدى قاجەت ەتەتىن سالالاردى ايقىنداپ الدىق. ايماقتىڭ اۋىلشارۋاشىلىق ونىمدەرىن ەكسپورتتايتىن ەلدەر قىتاي, يران, تۇركيا, رەسەي جانە ەۋرووداق ەلدەرى بولىپ بەلگىلەنگەن,- دەدى وبلىس اكىمى سەمينار-كەڭەستە.
سەمينار-كەڭەستە اۋدان اكىمدەرىنىڭ جانە وبلىستىق اۋىل شارۋاشىلىعى باسقارماسى باسشىسىنىڭ ەسەپتەرى تىڭدالدى.
ايماق باسشىسىنىڭ ايتۋىنشا بۇل 2021 جىلعا قاراي, قىزىلوردا وبلىسىنىڭ اۋىل شارۋاشىلىعى ونىمدەرىنىڭ ەكسپورت كولەمىن ارتتىرۋعا مۇمكىندىك بەرەدى.
كۇرىش ءوندىرىسى جانە ونى قايتا وڭدەۋ اگروونەركاسىپ كەشەنىن دامىتۋدىڭ باسىم باعىتتارىنىڭ ءبىرى بولىپ سانالادى. كۇرىشتىڭ پەرسپەكتيۆالىق نارىقتارىنىڭ ءبىرى - يران يسلام رەسپۋبليكاسى. قازىردىڭ وزىندە يران مەملەكەتى جىلىنا 3 ملن. تونناعا جۋىق اق كۇرىش يمپورتتايدى.
ايتا كەتەيىك, بيىل وبلىس بويىنشا 90 مىڭ گەكتار القاپقا كۇرىش داقىلى ەگىلىپ, وتكەن جىلمەن سالىستىرعاندا كورسەتكىش 10 مىڭ گەكتارعا دەيىن ۇلعايدى.
وبلىستىق اۋىل شارۋاشىلىعى باسقارماسىنىڭ رەسمي مالىمەتىنە سايكەس بيىل وبلىس بويىنشا بارلىعى 181,2 مىڭ گا جەرگە اۋىل شارۋاشىلىعى داقىلدارى ورنالاستىرىلدى. ونىڭ ىشىندە ءداندى داقىلدار 97,7 مىڭ, مايلى داقىلدار 6,8 مىڭ, مال ازىقتىق داقىلدار 60,1 مىڭ, جانە كارتوپ, كوكونىس, باقشالىق داقىلدار 16,6 مىڭ گا.
