2 قىركۇيەكتە ساعات 21.00-دە كۇزەت كومپانياسىنىڭ قىزمەتكەرلەرى مەن شەتەلدىك جۇمىسشىلار ء(ۇندىستان ازاماتتارى) اراسىندا «ابۋ-دابي پلازا» قۇرىلىس الاڭىنىڭ باقىلاۋ-وتكىزۋ بەكەتىندە تۇرمىستىق سيپاتتاعى جانجال ورىن العان. وقيعا ورنىنا مەملەكەتتىك قۇرىلىمدار مەن قۇقىق قورعاۋ ورگاندارىنىڭ وكىلدەرى كەلدى. جەدەل شارالار ارقىلى وقيعانىڭ الدى الىندى. الايدا, بىرقاتار ازاماتتار قوعامدىق ءتارتىپتى بۇزىپ, جاعدايدى ۋشىقتىرماقشى بولعان. «ەسىل» اۋداندىق پروكۋرورى ءتارتىپ بۇزۋشىلاردى جاۋاپقا تارتاتىنى تۋرالى رەسمي ەسكەرتۋ جاسادى. ەسكەرتۋگە قاراماستان ازاماتتار قۇقىق قورعاۋ ورگاندارىنىڭ زاڭدى تالاپتارىنا باعىنباي, قوعامدىق ءتارتىپتى بۇزۋدى جالعاستىردى.
زاڭسىز ارەكەتتەردىڭ الدىن الۋ ءۇشىن ءتارتىپ بۇزۋشىلار توبى اتى-ءجونىن انىقتاۋ جانە تەكسەرۋ ءۇشىن «ەسىل» اۋداندىق ءىىب-عا جەتكىزىلىپ, 8 تۇلعاعا قاتىستى اكىمشىلىك جاۋاپ تۇرىندەگى شارالار قولدانىلىپ, اكىمشىلىك ءوندىرىس قوزعالدى. تەكسەرۋ جانە شەشىم شىعارۋ ءۇشىن ماتەريالدار اكىمشىلىك سوتقا جولداندى. قالعان ۇستالۋشىلار پروفيلاكتيكالىق اڭگىمەلەسۋدەن كەيىن جىبەرىلدى.
قاقتىعىس سالدارىنان ءۇندىستاننىڭ ەكى ازاماتى ءتۇرلى دەنە جاراقاتىمەن مەديتسينالىق مەكەمەگە جەتكىزىلدى. «ازاماتتاردىڭ دايەكسىز اقپاراتتار مەن ءتۇرلى وسەك-اياڭداردى تاراتپاۋلارىن سۇرايمىز. ەسكە سالا كەتسەك, قاساقانا جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعان (قر قك-ءنىڭ 274-بابى)», - دەلىنگەن استانا قالالىق ءىىد تاراتقان حابارلامادا.
