رەجەپ تايپ ەردوعان نۇرسۇلتان نازارباەۆتى قۇربان ايت مەرەكەسىمەن قۇتتىقتادى, وعان زور دەنساۋلىق پەن تابىس تىلەپ, قازاقستان حالقىنىڭ وسىپ-وركەندەۋىنە نيەتتەستىك ءبىلدىردى.
مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ جاعدايى مەن پەرسپەكتيۆالارىنا, سونداي-اق تۇركيا رەسپۋبليكاسى پرەزيدەنتىنىڭ استاناعا بيىلعى 9 قىركۇيەكتەگى رەسمي ساپارىنا قاتىستى ماسەلەلەردى تالقىلادى.
سونىمەن قاتار, ەكى ەل كوشباسشىلارى بيىلعى 10-11 قىركۇيەكتە استانادا يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءبىرىنشى ءسامميتىن وتكىزۋ ماسەلەلەرى تۋرالى پىكىر الماستى.
پرەزيدەنتتەر قازاقستان-تۇركيا قارىم-قاتىناستارىن كەڭ اۋقىمدى باعىتتار بويىنشا ودان ءارى نىعايتۋ ءۇشىن سىندارلى ديالوگتى جالعاستىرۋعا ۋاعدالاستى. تەلەفون ارقىلى سويلەسۋگە تۇركيا جاعى باستاماشى بولدى.
