سالتاناتتى جيىنعا ماڭعىستاۋ وبلىسىنىڭ اكىمى ەرالى توعجانوۆ, ماسكەۋ, استانا, الماتى, شىمكەنت, تۇركىستان قالالارىنان كەلگەن قوناقتار, سونىڭ ىشىندە عالىم, ن.وڭداسىنوۆتى زەرتتەۋشى قانات ەڭسەپوۆ, نۇرتاس وڭداسىنوۆ تۋرالى ءۇش كىتاپتىڭ اۆتورى گۇلسىم ورازاليەۆا, قوعام قايراتكەرى, زاڭ عىلىمدارىنىڭ دوكتورى, پروفەسسور, سوت جۇيەسىنىڭ ارداگەرى بەكەت تۇرعاراەۆ, نۇرتاس ونداسىنوۆتىڭ نەمەرەلەرى مەن تۋىستارى, ەل اعالارى مەن ايماق ارداگەرلەرى قاتىستى.
نۇرتاس ونداسىنوۆ سانالى عۇمىرىندا حالقىنا ايانباي قىزمەت ەتتى. قازاق سسر ۇكىمەتىنىڭ توراعاسى, قازاق سسر جوعارى سوۆەتى پرەزيديۋمىنىڭ توراعاسى, قازاقستان كومپارتياسى گۋرەۆ وبلىستىق كوميتەتىنىڭ ءبىرىنشى حاتشىسى قىزمەتتەرىن ابىرويمەن اتقاردى. سانالى عۇمىرىنىڭ 25 جىل ءومىرىن سوۆەت-پارتيا قىزمەتىنە ارنادى. حرۋششەۆ زامانىندا قازاقستاندى بولشەكتەۋ ساياساتىنا قارسى تۇردى. مۇناي ىزدەۋگە سالعان تيىمعا قاراماستان, ماڭعىستاۋ مۇنايىن اشقان كورنەكتى عالىم, قوعام قايراتكەرى, زەينەتكە شىققاننان كەيىن ءۇش تومدىق ارابشا-پارسىشا-قازاقشا تۇسىندىرمە سوزدىكتەردىڭ اۆتورى.
- ەلباسىمىز «رۋحاني جاڭعىرۋ» باعدارلاماسىندا تۋعان جەرىن تۇلەتكەن, اتامەكەنىنىڭ ء وسىپ-وركەندەۋىنە ات سالىسقان تاريحي تۇلعالاردىڭ تاعدارىنا باستى نازاردى اۋداردى. ولاردى ءبىلىمدى ۇرپاققا ءتالىم-تاربيەنىڭ كوزى ەتىپ كورسەتتى. اقپارات زامانىندا ولاردىڭ ەسىمدەرى بىزدەردىڭ رۋحاني قازىنامىز بولسىن دەپ باسا ايتتى. ال تاۋ الىستاعان سايىن بيىكتەي تۇسەدى. نۇرتاس ونداسىنوۆتىڭ جۇلدىزى ۋاقىت وتكەن سايىن جارقىراي بەرمەك. وسى مەكتەپتىڭ وقۋشىلارى نۇرتاس ونداسىنوۆتىڭ اتىنا لايىقتى ازامات بولادى دەپ سەنەمىن. بارشاڭىزدى بۇگىنگى ءبىلىم كۇنىمەن شىن جۇرەكتەن قۇتتىقتايمىن. جاڭا جەتىستىكتەر مەن جاڭا باستامالارىنا ساتتىلىك تىلەيمىن,-دەگەن ماڭعىستاۋ وبلىسىنىڭ اكىمى ە. توعجانوۆ اقتاۋ قالاسىنىڭ №5 ورتا مەكتەبىنە تەلەديداردى سىيعا تارتتى.
گۇلايىم شىنتەمىرقىزى,
ماڭعىستاۋ وبلىسى
