ۇلىبريتانيا – سەنىمدى سەرىكتەس ەل

ۇلىبريتانيا مەن سولتۇس­تىك يرلانديا بىرىككەن كورول­دىگىنىڭ ەلشىلىگى جانە ەلباسى كىتاپحاناسىنىڭ تالداۋ ورتا­لىعى ۇيىمداستىرعان جيىن­دا قازاقستان-بريتانيا قاتىناس­تارىنىڭ 25 جىلدىق كەزەڭى سارالانىپ, بولاشاعى باياندالدى.

ەلىمىزگە العاش رەت رەسمي ساپارمەن كەلگەن ۇلىبريتانيانىڭ ەۋروپا مەن امەريكا ىستەرى جو­نىن­دەگى ءمينيسترى الان دان­كان­مەن كەزدەسۋگە وسى مەملە­كەتتىڭ قازاقستانداعى توتەن­شە جانە وكى­­­لەتتى ەلشىسى كە­رو­لين براۋن دا قاتىسىپ, اڭ­گىمە قازىر­گى حالىقارالىق قا­رىم-قا­تى­ناستاردىڭ جاي-كۇيى مەن ۇلى­بري­تانيانىڭ قازىرگى جۇيە­دەگى ءرولى جانە الار ورنى تۋراسىندا ءور­بىدى.

سونداي-اق, اشىق پىكىرتالاس ۇلگى­سىندە وتكەن كەزدەسۋدە ا.دان­­كان حالىقارالىق قاۋىپ­سىز­دىك ماسەلەسىنە كوڭىل ءبولۋ مەن ساۋدا-ەكونوميكالىق قاتى­ناستاردى دامىتۋ جايىنا توق­تالدى. قازاقستاننىڭ تۇراقتى ەكونوميكالىق سوت رەفورمالارىن قولداۋ ارقىلى ەكى ەل اراسىنداعى بايلانىستى نىعايتۋعا سەپتىگىن تيگىزەتىن تەتىكتەر جونىندە دە ءوز ويلارىن ورتاعا سالدى. سونىمەن قاتار, ول ەكى ەل سەرىكتەستىگىنە ەشقاشان سىزات تۇسپەيتىندىگىن شەگەلەي ءتۇستى. 

نۇرلىبەك دوسىباي,
«ەگەمەن قازاقستان»