وندا نوبەل سىيلىعىنىڭ لاۋرەاتى موحان مۋناسين, تازا ەنەرگيا جونىندەگى امەريكا-قىتاي سەرىكتەستىگى ۇيىمىنىڭ ءتورايىمى پەگگي ليۋ سەكىلدى تانىمال تۇلعالار پىكىر الماسىپ, قورشاعان ورتانى قورعاۋ پروبلەمالارىن شەشۋ جانە تۇراقتى ەنەرگەتيكانى دامىتۋ ءۇشىن جاڭا ەكونوميكالىق ءارى ساياسي سەرىكتەستىك قارىم-قاتىناستار قاجەتتىگىن اڭگىمەلەدى.
جيىندا ادىلەت مينيسترلىگى زياتكەرلىك مەنشىك قۇقىعى دەپارتامەنتىنىڭ ديرەكتورى ناتاليا پان ءسوز سويلەپ, 2015 جىلدان باستاپ «جاسىل» ەكونوميكاعا كوشۋ تۇجىرىمداماسى اياسىندا 2 593 تەحنولوگيا پاتەنتتەلگەنىن جەتكىزدى. ولاردىڭ جارتىسىنان كوبى تابيعاتتى قورعاۋعا باعىتتالسا, 45 پايىزى قاتتى مينەرالدى بولشەكتەرگە قاتىستى. «بۇگىنگى تاڭدا ەكوجۇيەنى ساقتاماي, ەكونوميكانى دامىتۋ مۇمكىن ەمەس. ەلىمىز جاڭعىرمالى ەنەرگيا كوزدەرىنە كوشۋ مەن ەنەرگەتيكالىق پروتسەستەردە ەنەرگيانىڭ جۇمسالۋىن قىسقارتۋعا بارىنشا كۇش سالادى. وسى ورايدا 2013 جىلى «جاسىل» ەكونوميكاعا كوشۋ كونتسەپتسياسىن قابىلدادىق. بۇل قۇجات ەكونوميكانى ءۇشىنشى جاڭعىرتۋ مەملەكەتتىك باعدارلاماسى بويىنشا جۇزەگە اسىپ وتىر», دەدى ناتاليا پان.
قازىرگى تاڭدا الەمدە گازدى قوسا العاندا ءداستۇرلى ەنەرگيا كوزدەرىن تۇتىنۋ كولەمى ازايىپ كەلەدى. ەسەسىنە جاڭعىرمالى ەنەرگيا كوزدەرىن قولدانۋ كولەمى ارتۋ ۇستىندە. وسى سالانى دامىتۋعا جانە يننوۆاتسيالىق جاڭالىقتار ەنگىزۋ ءۇشىن قازاقستان كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزىلگەن.
اسحات رايقۇل,
«ەگەمەن قازاقستان»
