فورۋم جۇمىسىنا قر «اتامەكەن» ۇكپ باسقارما توراعاسىنىڭ ورىنباسارى نۇرجان التاەۆ, «قازاقستان دامۋ بانكى» اق توراعاسى بولات جامىشەۆ باستاعان دامۋ ينستيتۋتتارى مەن ەكىنشى دەڭگەيلى بانكتەر مەن كاسىپكەرلەردەن قۇرالعان 150- گە جۋىق ادام قاتىستى.
بيزنەس-فورۋم بارىسىندا ءوڭىردىڭ ينۆەستيتسيالىق جوبالارى, ينۆەست پرەفەرەنتسيالار مەن تۋريستىك ونىمدەردىڭ تانىستىرىلىمى ءوتتى. كەزدەسۋدىڭ باستى ماقساتى - وڭتۇستىكتىڭ ينۆەستيتسيالىق مۇمكىندىكتەرىن تانىستىرا وتىرىپ, وڭىرگە ينۆەستيتسيا تارتۋ. وسى ارقىلى وبلىس ەكونوميكاسىن دامىتۋ جانە تۋريستەردى كوپتەپ شاقىرۋ.
وڭتۇستىك قازاقستان وبلىسى - ەكونوميكالىق الەۋەتى زور, تۇراقتى دامىپ كەلە جاتقان ءوڭىر ەكەنىن ايتقان وبلىس اكىمى جانسەيىت تۇيمەباەۆ ايماق ورتا ازيا, تاياۋ شىعىس پەن ەۋروپا ەلدەرىن بايلانىستىراتىن جولداردىڭ قيىلىسىندا ورنالاسقانىن, سونىڭ ناتيجەسىندە شەكارالىق ساۋدا-ساتتىق پەن ەكسپورتتىق ءوندىرىس دامىپ كەلەتىنىن جەتكىزدى.
«وزدەرىڭىزگە بەلگىلى, الەمدە ساپالى ازىق-ت ۇلىك ونىمىنە دەگەن سۇرانىس جىل سايىن ارتىپ كەلەدى. تۇتىنۋشى ساپا مەن قاۋىپسىزدىكتى تالاپ ەتەدى. بۇل تۇرعىدا قازاقستانعا رەسەي, قىتاي, يران جانە باسقا دا ەلدەر سەكىلدى جاڭا نارىق اشىلۋدا. وسى نارىقتى يگەرۋدە وڭتۇستىك قازاقستان وبلىسىنىڭ الەۋەتى زور. سەبەبى, تاريحي ولكەنىڭ اگرارلى سالاسى جاقسى دامىعان. سوڭعى 3 جىلدا جينالعان باقشا ونىمدەرىنىڭ كولەمى 1 ميلليون توننادان اسىپ تۇسەدى. قازاقستانداعى جىلىجايدىڭ 90 پايىزى ءبىزدىڭ وڭىردە ورنالاسقان. ماقتا تولىعىمەن, ال ءجۇزىم مەن باقشا ونىمدەرىنىڭ 70 پايىزى وسى وبلىستا وسىرىلەدى»,-دەدى وبلىس اكىمى ج.تۇيمەباەۆ.
فورۋم اياسىندا ءسوز العان «KAZAKH INVEST» ۇق» اق باسقارما توراعاسىنىڭ ورىنباسارى مەيىرجان مايكەنوۆ قازاقستاننىڭ ينۆەستيتسيالىق كليماتى جونىندە بايانداما جاسادى.
بيزنەس-فورۋم اياسىندا 6 مەموراندۋمعا قول قويىلدى. سولاردىڭ العاشقىسى بوپ «شىمكەنت» «الەۋمەتتىك-كاسىپكەرلىك كورپوراتسيا» ۇلتتىق كومپانياسى» اكتسيونەرلكتسيونەرلىك قوعامى قىتايدىڭ انحوي پروۆينتسياسى حالىقارالىق ساۋدا قاتىناسىن دامىتۋ كوميتەتىمەن ەكىجاقتى تۇسىنىستىك جونىندە مەموراندۋمعا قول قويدى. سونداي-اق ءدال وسى كومپانيا «نگ-ەنەرگو» ااق-مەن ارىپتەستىك ارتتىرۋ جونىندە كەلىسىمگە كەلدى. ەكى تاراپ الداعى ۋاقىتتا ءوزارا قارىم-قاتىناستى دامىتا تۇسپەك.
سونىمەن قاتار, وڭتۇستىك قازاقستان وبلىستىق كاسىپكەرلىك, يندۋستريالدى –ينوۆاتسيالىق دامۋ جانە تۋريزم باسقارماسى مەن «POWER LANDMARK HOLDINGS LTD» كومپانياسى اراسىندا ءوزارا كەلىسىمگە كەلىپ, ينۆەستيتسيالىق جوبالاردى ىسكە اسىرۋ جونىندە مەموراندۋعا قول قويدى.
ايتا كەتەيىك, جالپى وبلىسقا وسى جىلى 229,9 ملرد. تەڭگە ينۆەستيتسيا تارتىلىپ, بۇل وتكەن جىلدىڭ ءتيىستى كەزەڭىمەن سالىستىرعاندا 31,5 پايىزعا ءوسىپ, رەسپۋبليكاداعى ۇلەسىنىڭ 5,7 % قۇراعان. وڭىرگە كوپتەپ ينۆەستيتسيا تارتۋ ماقساتىندا جىل باسىنان بەرى شەتەل ينۆەستورلارىمەن 40-تان اسا ىسكەرلىك كەزدەسۋلەر ۇيىمداستىرىلدى. ناتيجەسىندە ءباا – مەديتسينالىق بۇيىمدار جانە دارىلىك زاتتار شىعاراتىن زاۋىت سالۋ, رەسەي ەلىمەن – ەۆرو-5 ستاندارتىنا ساي جانار-جاعارماي وندىرەتىن مۇناي وڭدەۋ زاۋىتىن سالۋ, ال قىتاي ەلىمەن بىرلەسە بيوەتالون, فوسفور تىڭايتقىشىن شىعاراتىن جانە 200 مۆت كۇن ەلەكتر ستانتسياسى قۇرىلىستارىن جۇرگىزۋ بويىنشا كەلىسىمدەرگە قول قويىلعان.
