الماتى اكىمى باۋىرجان بايبەك ەرلان اۋكەنوۆتىڭ ەنەرگەتيكالىق كەشەن مەن كوممۋنالدى شارۋاشىلىق سالالارىن, كاسىپكەرلىكتى دامىتۋداعى, ينۆەستيتسيا تارتۋداعى جانە باسقا دا اتقارعان جۇمىستارىن جوعارى باعالادى.
سوڭعى 2 جىل ىشىندە الماتىنىڭ يندۋستريا كارتاسىنا 190 ملرد. تەڭگەنىڭ 100 جوباسى ەنگىزىلدى, ونىڭ قۇنى 35,6 ملرد. تەڭگە بولاتىن 33 جوباسى ىسكە استى, سونىڭ ارقاسىندا قالادا 2,7 مىڭ جاڭا جۇمىس ورنى پايدا بولدى.
بيزنەستىڭ جول كارتاسى جانە قالالىق «جىبەك جولى» باعدارلامالارى اياسىندا 2015 جىلدان باستاپ 755 بيزنەس-جوبا مەملەكەتتەن قولداۋ تاپتى, ناتيجەسىندە 3,4 جاڭا جۇمىس ورنى اشىلىپ, بۇرىننان بار 10 مىڭنان استامى ساقتالىپ قالدى. «جىبەك جولىنىڭ» يگى ىستەرىن سارالاي كەلىپ, بيىلعى جىلى ءۇش جاڭا وڭىرلىك باعدارلامالار: «الماتى ءونىم», «الماتى يننوۆاتسيا» جانە «الماتى تۋريزم» جۇمىس ىستەي باستادى, بۇلاردىڭ جالپى قۇنى 1,3 ميلليارد تەڭگە.
الماتىدا ەرلان اۋكەنوۆتىڭ باستاماسى بويىنشا ەلىمىزدە بالاماسى جوق كاسىپكەرلىكتى ىنتالاندىرۋدىڭ جاڭا نىسانداردى اشۋ كارتاسى ىسكە استى. 2016 جىلى قۇنى 156,6 ملرد. تەڭگە بولاتىن 131 وبەكت اشىلدى جانە 3 مىڭنان استام جاڭا جۇمىس ورنى قۇرىلدى. 2017 كارتاعا 155 ملرد. تەڭگەنىڭ 93 جوباسى ەندى. اتاپ وتەرلىك جايت, الماتى بويىنشا باعالاناتىن قازاقستان «Doing Business» حالىارالىق رەيتينگىندە 2015 جىلدان 77-دەن 35 ورىنعا كوتەرىلدى.بۇكىلالەمدىك بانكتىڭ باعاسى بويىنشا سۋبۇلتتىق رەيتينگتە الماتى 8 قالالاردىڭ ىشىنەن1-ءشى ورىندى يەلەندى.
جىلۋەنەرگەتيكا كەشەنى مەن تۇكش-تا سوڭعى 3 جىل ىشىندە جۇرگىزىلگەن قايتا جاساۋ بارىسىندا اپاتتى جاعدايلار 10%-عا تومەندەدى. جىلۋ ماۋسىمى باستالار الدىندا بىرنەشە ينجەنەرلىك جەلىلەر ىسكە قوسىلاتىن بولادى, بۇل وتكەن 2 جىلمەن سالىستىرعاندا ەداۋىر كوپ.
ەرلان اۋكەنوۆتىڭ وقۋ دەمالىسى كەزىندە الماتى قالاسى اكىمىنىڭ ورىنباسارى مىندەتىن اتقارۋشى بولىپ الماس ماديەۆ تاعايىندالدى, ول بۇعان دەيىن كاسىپكەرلىك جانە يندۋستريالدى-يننوۆاتسيالىق باسقارمانىڭ باسشىسى قىزمەتىن اتقارعان ەدى.
الماس ماديەۆ ماماندىعى بويىنشا ينجەنەر-ەكونوميست, زاڭگەر, جامبىل جەڭىل جانە تاماق ونەركاسىبى تەحنولوگيالىق ينستيتۋتىن, ك.ا.ياسساۋي اتىنداعى حالىقارالىق قازاق- تۇرىك ۋنيۆەرسيتەتىن بىتىرگەن.
ءتۇرلى جىلدارى جامبىل تەحنولوگيالىق ينستيتۋتىندا وقىتۋشى, جامبىل وبلىسى اكىمدىگى ەكونوميكا جانە بيۋدجەتتىك جوسپارلاۋ باسقارماسىندا جەتەكشى مامان, جامبىل وبلىسى اكىمى اپپاراتىنىڭ قارجى جانە الەۋمەتتىك قورعاۋ بولىمدەرىنىڭ باسشىسى, جامبىل وبلىسى اكىمدىگى ەكونوميكا جانە بيۋدجەتتىك جوسپارلاۋ جانە كاسىپكەرلىك پەن ونەركاسىپ باسقارمالارىنىڭ باسشىسى, «ۇك «اكك «وڭتۇستىك» اق-نىڭ قارجى ديرەكتورى, باسقارۋشى ديرەكتورى,باسقارما توراعاسىنىڭ ورىنباسارى, «قازاقستاننىڭ ينۆەستيتسيالىق قورى» اق-نىڭ قارجى دەپارتامەنتىنىڭ ديرەكتورى, «ۇك «اكك» پاۆلودار» اق-نىڭ باسقارما توراعاسى, جامبىل وبلىسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى قىزمەتتەرىن اتقارعان.
