ىنتىماقتاستىق كەلەشەگى تالقىلاندى

سەنات توراعاسى ك.مۋتتو­نەن­دى ەقىۇ پار­لا­­مەنتتىك اسسام­بلەيا­سىنىڭ تو­­­را­­­عاسى جوع­ارى لاۋازى­مى­نا قاي­تا سايلانۋىمەن قۇت­تىق­تاپ, وعان تا­بىستار تىلەدى.

سپيكەر قازاقستان ءۇشىن پاگۋوش كون­فە­رەن­تسياسىنىڭ قاتىسۋشىلارىن قا­­بىلداۋ ۇلكەن مارتەبە ەكەنىن اتاپ ءوت­تى. ء«بىزدىڭ ەلىمىز جا­ھاندىق يادرو­لىق قارۋسىزدانۋ قوز­عا­لى­سى­نىڭ كوش­­­باس­­شىسى رەتىندە الەم نازارىن­دا. قازاقستان رەسپۋبليكاسىنىڭ پرە­زي­دەن­تى ن.نازارباەۆتىڭ يادرولىق قا­رۋدى تاراتپاۋ ءتارتىبىن نىعايتۋ جو­نىن­دەگى اۋقىمدى باستامالارى الەمدىك تۇراق­تى­لىق, ءتارتىپ پەن قاۋ­ىپ­سىزدىككە ماڭىز­دى ۇلەس قوسادى», – دەدى ق.توقاەۆ.
ەقىۇ پارلامەنتتىك اسسام­ب­لەيا­سىنىڭ توراعاسى استانادا وتكەن كەز­دە­سۋلەرى تۋرالى سەنات باسشىسىن حابار­دار ەتتى. ك.مۋتتونەن باس پروكۋراتۋرادا, ءدىن ىس­تەرى جانە ازاماتتىق قوعام مي­نيسترلىگىندە بولىپ, پىكىر الماستى. ونىڭ ايتۋ­ىن­شا, قازاقستان مەملەكەتتىڭ زاي­ىر­لى پرين­تسيپتەرىن نىعاي­تۋ­دا, كون­فەس­سيا­ارالىق ديالوگتى دامىتۋدا, ازا­ماتتاردىڭ قۇقىقتارى مەن بوس­تان­دىق­تارىن قورعاۋدا قوماقتى تا­بىس­تارعا قول جە­ت­كىزگەن.

پارلامەنتشىلەر حالىق­ارا­لىق كۇن تار­تىبىندەگى وزەكتى ما­سە­لەلەردى تال­قىلادى. ونىڭ ىشىندە, جاقىندا ەقىۇ پا قۇر­عان تەرروريزمگە قار­سى كۇ­رەس جو­نىندەگى كوميتەت ايا­سىنداعى ىن­تى­ماق­تاس­تىق­تىڭ كەلەشەگى دە بار.