اكتسيا ماقساتى – تۇرمىس جاعىنان از قامتىلعان جانە كوپ بالالى وتباسىلار, جەتىم بالالار مەن اتا-اناسىنىڭ قامقورلىعىنسىز قالعان, مۇمكىندىگى شەكتەۋلى بالالارعا جاڭا وقۋ جىلىنا دايىندالۋعا كومەك بەرۋ. سەمەيدەگى №3 مەكتەپ ديرەكتورى نۇرجان احمەتقاليەۆ تە وسىناۋ قايىرىمدىلىق اكتسياسىنا ۇجىمىمەن بىرگە بەلسەنە اتسالىسۋدا. ويتكەنى, «بارلىق جاقسىلىق بالالارعا!» ەكەندىگىن ۇمىتپاعان ءجون. ەلباسىنىڭ تاپسىرماسىمەن وقۋشىلاردىڭ تولىق ءبىلىم الۋىنا ىقپال ەتۋ باستى مىندەت.
-بۇل اكتسيانىڭ باستالعانىنا ءبىر اي ءوتتى, كوپتەگەن وقۋشىلار كيىم-كەشەك پەن قۇرال-جابدىقتارمەن قامتىلىپ, قۋانىپ جاتىر,-دەدى ديرەكتوردىڭ تəربيە ءىسى جونىندەگى ورىنباسارى گۇلميرا سەيتحانوۆا,- بيىلعى اكتسيا 1 تامىزدان 30 قىركۇيەككە دەيىن «مەنiڭ تاڭداۋىم – بالالارعا كومەك كورسەتۋ!» ۇرانىمەن وتەدi. ەكى ايعا سوزىلاتىن اۋقىمدى شارانىڭ اياسىندا الەۋمەتتىك جاعدايى تومەن وتباسىلار مەن قاراۋسىز قالعان بالالاردى مەكتەپكە دايىنداپ, قاجەتتى قۇرال-جابدىقتارىن الىپ بەرۋىمىز كەرەك. «مەكتەپكە جول» اكتسياسى كەزىندە ەشبىر نەگىزسىز مەكتەپكە بارماي جۇرگەن مەكتەپ جاسىنداعى بالالاردى انىقتاۋ دا قولعا الىنادى. ول ءۇشىن مەكتەپتەرگە بەكىتىلگەن شاعىن ۋچاسكەلەردەگى ۇيلەردى ارالاپ, از قامتىلعان وتباسىلارعا كومەك كورسەتۋ ءۇشىن مەملەكەتتىك ورگانداردىڭ, بيزنەس قۇرىلىمداردىڭ وكىلدەرىن, مەتسەناتتار مەن دەمەۋشىلەردى بەكىتۋ شارالارىن ۇيىمداستىرۋ جوسپارلانۋدا.
-جاڭا وقۋ جىلى قارساڭىندا وسىنداي ماتەريالدىق قولداۋ كورسەتىپ جاتقان №3 مەكتەپ ۇجىمىنا العىسىم شەكسىز,-دەدى كوپ بالالى اتا-انا اينۇر نۇرتايقىزى,- وسىنداي قايىرىمدىلىق ءىس-شارالار بارلىق مۇقتاج جاندارعا زور كومەك بولارى ءسوزسىز. مەكتەپ ۇجىمىنا ۇلكەن راحمەتىمدى ايتامىن.
راۋشان نۇعمانبەكوۆا
سەمەي
Cۋرەتتەر اۆتوردىكى
