قازاقستاننىڭ «Batyroff», «Yurframe», «Nagimuwaa», «حاحا_Show» سەكىلدى بەلگىلى ۆاينەرلەرى 5 اتالىم بويىنشا الدىن الا بەرىلگەن تاقىرىپتاردا ءوز جۇمىستارىن (ۆايندارىن) ۇسىندى. فەستيۆالدىڭ اشىلۋىنا استانا قالاسى اكىمىنىڭ ورىنباسارى ەرمەك امانشاەۆ قاتىستى.
ء«بىز «Astana Vine Fest 2017» ۆاينەرلەردىڭ العاشقى فەستيۆالى قىزىقتى جاستار جوبالارى ىشىندە ءوز ورىندارىن الاتىنىنا سەنگىمىز كەلەدى. استانا قالاسى اكىمدىگىنىڭ اتىنان فەستيۆالدىڭ بارلىق قاتىسۋشىلارىنا العىس بىلدىرەمىن. بۇگىن ءبىز ۇلكەن كرەاتيۆتى جۇمىستاردىڭ كۋاگەرى بولىپ, لايىقتى قاتىسۋشىلار جەڭىمپاز اتانادى دەپ ويلايمىن», - دەدى فەستيۆالگە قاتىسۋشىلار مەن قوناقتارعا ەرمەك امانشاەۆ.
ءبىرىنشى ۆاينەرلەر فەستيۆالىنىڭ ءارتۇرلى نوميناتسيالار بويىنشا جەڭىمپازى اتاندى: ت_Jokers - «جىلدىڭ ۇزدىك روليگى», Meirzhan_Bas_Production - «ۇزدىك ەر ءرولى», Nagimuwaa- «ۇزدىك ايەل ءرولى», Azimakula - «ۇزدىك ەپيزودتىق ءرول», Togy_Dell -«حالىق تاڭداۋى». فەستيۆال جەڭىمپازدارىنا ەستەلىك سىيلىقتار مەن 300 مىڭ تەڭگە كولەمىندە فەستيۆال دەمەۋشىلەرىنەن اقشالاي جۇلدەلەر تابىستالدى.
ء«بىزدىڭ فەستيۆال مۋلتيپليكاتيۆتىك اسەر بەرەدى دەپ ويلايمىز. سەبەبى ەلىمىزدىڭ ۇزدىك ۆاينەرلەر مەن بلوگەرلەرىنىڭ جالپى جازىلۋشىلار اۋديتورياسى 10 ملن ادامنان اسادى. نەگىزىنەن ونىڭ باسىم بولىگى - جاستار. سوندىقتان ءبىز ماڭىزدى «رۋحاني جاڭعىرۋ» باعدارلاماسىن جاستارعا بارىنشى تۇسىنىكتى ەتىپ جەتكىزگىمىز كەلدى. ماقساتىمىز - وسكەلەڭ ۇرپاققا مەملەكەت باسشىسىنىڭ ەلىمىزدە جۇزەگە اسىرىپ جاتقان جاڭا يدەيالارى مەن باستامالارىن ءتۇسىندىرۋ بولدى», - دەيدى استانا قالاسىنىڭ جاستار ساياساتى ماسەلەلەرى جونىندەگى باسقارما باسشىسى اسحات ورالوۆ.
