دەرەكتەر وتكەننەن سىر شەرتەدى

ەلورداداعى ۇلتتىق اكادەميالىق كىتاپحانادا تاۋەلسىزدىكتىڭ 20 جىلدى­عى­نا ارنالعان «تاۋەل­سىز­دىك تۋى استىندا» دەگەن تاقىرىپتا تاريحي-دەرەكتى كورمەنىڭ اشىلۋ ءراسىمى بولىپ ءوتتى. ەلىمىزدىڭ نى­عايۋى جولىنداعى قابىل­دان­عان كەڭ اۋقىمدى قۇ­جاتتار مەن فوتولار ءوت­كە­نىمىزدەن سىر شەرتەدى. اتالعان كورمە سىرتقى ىستەر مينيسترلىگى, پرەزيدەنت مۇراعا­تى مەن ۇلتتىق اكا­دە­ميالىق كىتاپحانا ۇيىتقى­سى­مەن وتكىزىلىپ وتىر. كورمەگە پرە­زيدەنت اكىم­شى­لىگىنىڭ وكىل­دەرى, سەنات پەن ءما­جىلىس دەپۋ­تاتتارى, قوعام قاي­راتكەرلەرى, تانىمال قالام­گەر­لەر, ديپلوماتيا ارداگەرلەرى مەن استا­نا­داعى شەت ەلدەردىڭ ديپلو­ما­تيا­لىق وكىلدىكتەرىنىڭ قىزمەت­كەرلەرى قاتىستى. جينالعان قاۋىمنىڭ ال­دى­نا شىعىپ ءسوز سويلەگەن ەلىمىز سىرت­قى ساياسات ۆەدومستۆوسى­نىڭ باس­شى­سى ەرجان قازى­حا­نوۆ ۇلتتىق مەملەكەتتىگىمىز بەن سىرتقى سايا­سا­تىمىزدىڭ نەگىزىن قالاعان تۇڭ­عىش پرەزيدەنت نۇرسۇلتان ءابىش ۇلى نازارباەۆ كوشباس­شى­لىعىنىڭ ارقاسىندا تاۋەلسىز­دى­گى­مىزدىڭ 20 جىلى ءىشىن­دە وتان­دىق ديپلوماتيا حا­لىقارالىق ساحنادا ۇلكەن تا­بىس­تارعا قول جەتكىزگەندىگىن ەرەك­شە ايتتى. مينيستر قازاق­ستان­نىڭ شەت ەلدەرمەن ىنتى­ماق­تاستىققا اشىق­تىعىنىڭ اس­تارىندا باي تاري­حىمىز بەن كونە ءداستۇرىمىزدىڭ جانە ونىڭ بىرەگەي جاعرافيالىق ورنالا­سۋى­نىڭ جاتقاندىعىن اتاپ كور­سەتتى. «تاۋەلسىزدىگى­مىز­دىڭ, ەل­باسىمىزدىڭ كورەگەن سىرتقى ساياساتىنىڭ ارقاسىندا بۇگىن الەم ءۇشىن قازاقستان اشىق, ال قازاقستان ءۇشىن الەم اشىق», دەدى مينيستر. كورمە 542 قۇجات پەن فوتوسۋرەتتەردى بىرىكتىرەتىن 6 بولىمنەن تۇرادى. ونىڭ ءبىرىنشى بولىگىندە ەلىمىز ەگەمەندىگىن العاش العان جىل­دار قامتىلعان. مۇندا مەملەكەتتىك نىشاندار, قازاقستان حالقى اس­سامبلەياسى, قازاقستان كونستي­تۋ­تسيا­سى (1995 جىلعى) پرەزيدەنتتىڭ انتى, سونداي-اق ۇلتتىق ۆاليۋتانىڭ ەنگىزىلۋى, استانا تۋرالى پرەزي­دەنت­تىڭ جارلىقتارى كوپشىلىك نازارىنا ۇسىنىلىپتى. مەملەكەتارالىق قا­تىناستاردىڭ قۇقىقتىق نەگىزدەرى­نىڭ قالىپتاسۋى بولىگىندە پرەزي­دەنتتىڭ مەملەكەت باسشىلارىمەن سۇحباتتارىنىڭ جازبالارى, سەنىم گراموتالارى, ەل ءسىم-ءىنىڭ سىرتقى سايا­سات ماسەلەلەر جونىندەگى ەلبا­سى­نىڭ قاتىسقان ماجىلىستەرىنىڭ قۇجاتتارى مەن وزگە دە دەرەكتى مالىمەتتەر ۇسىنىلعان. سونداي-اق كورمەدەن ەلىمىزدىڭ حالىقارالىق قوعامداستىقپەن ىن­تى­ماقتاستىعى مەن ىقپالداستى­عى­نىڭ قىرلارىن ايعاقتايتىن ءجايت­تەردەن, ونەر, مادەنيەت پەن سپورت, عىلىم جانە تەحنيكا, عارىشتى يگەرۋ سالالارىنداعى سىرتقى ساياسي ديپلوماتياسى جونىنەن مول ماع­لۇمات الۋعا بولادى. سىرتقى ەكو­نو­ميكالىق ديپلوماتيا بولىگىندە پرە­زيدەنت نۇرسۇلتان نازارباەۆ­تىڭ اقش-تىڭ نيۋ-يورك قالا­سىن­دا وتكەن «جاڭا ينۆەستيتسيالىق ءمۇم­كىندىكتەر» كونفەرەنتسياسىنىڭ اشىلۋىندا جانە كونگرەستە سويلە­گەن سوزدەرىنىڭ ءماتىنى قويىلىپتى. سىرتقى ساياسي ىنتىماقتاستىق ءبولى­گىندە, مىسالى, بىرىككەن ۇلتتار ۇيى­مىنا قاتىستى كوپتەگەن قۇ­جاتتار مەن فوتوسۋرەتتەر قاتتاۋلى تۇر. ەلباسىنىڭ بۇۇ باس اسسام­بلەياسىنىڭ 55-ءشى سەسسياسىندا ءسوي­لە­گەن ءسوزى ءماتىنىنىڭ ءوز قولىمەن تۇزەتكەن نۇسقاسى دا وسىندا. سۋرەتتەر وتكەننەن سىر شەرتەدى دەمەكشى, ەلباسىنىڭ 2001 جىلدىڭ 23 قىركۇيەگىندە ريم كاتوليك ءشىر­كەۋىنىڭ باسشىسى يوانن پاۆەل ءىى-ءنى قارسى العان ءساتى دە ۇتىمدى بەرىلگەن. باتىس پەن شىعىس اراسىن جا­قىنداتا بىلگەن يوانن پاۆەل ءىى-ءنىڭ قازاقستانعا جاساعان ساپارى ەلىمىزدى باتىس وركەنيەتىنە جاقسى جاعىنان كورسەتكەنىن ورىندى ايتا كەتكەن ءجون. ەرجان قازىحانوۆ اتاپ وتكەن­دەي, قازاقستاندى باتىس تا, شىعىس تا سەنىمدى جانە جاۋاپتى ارىپتەس رەتىندە تانيدى. ەلىمىزدىڭ ەقىۇ-نىڭ جاڭا مىڭ­جىلدىقتاعى ءبىرىنشى ءسامميتىن ءوت­كىزۋى, يسلام ىنتىماقتاستىعى ۇيى­مىن­داعى ءساتتى قادامدارى دا ەل بە­دەلىنىڭ ارتۋىنا يگى ىقپالىن تيگىزۋدە. وسى ورايدا ەلىمىز سىرتقى ىستەر مينيسترلىگى تاۋەلسىزدىكتىڭ 20 جىل­دىعىنا وراي ۇلتتىق اكادەميالىق كىتاپحانا قورىنا ەلباسى قالا­مى­نان شىققان جانە ەلباسى تۋرالى جا­زىلعان شەت ەلدەردىڭ ونداعان تىلدەرىندە جارىق كورگەن كىتاپتار توپ­تاماسىن سىيعا تارتقاندىعىن ايتا كەتۋ كەرەك. اسقار تۇراپباي ۇلى.