وسىعان وراي ورتالىق كوممۋنيكاتسيالار قىزمەتىندە ءباسپاسوز ءماسليحاتى ءوتتى. جيىنعا سەنات اپپاراتىنىڭ باسشىسى سەرىك سىدىقوۆ, سىرتقى ىستەر ءمينيسترىنىڭ ورىنباسارى ەرجان اشىقباەۆ, پاگۋوش كونفەرەنتسياسىنىڭ پرەزيدەنتى دجايانتا داناپالا جانە اتالعان مەكەمەنىڭ باس حاتشىسى پاولو كوتتو-رومۋسينو قاتىستى.
جيىندا پاگۋوش كونفەرەنتسياسىنىڭ ەرەكشەلىكتەرى مەن تيىمدىلىگى, يادرولىق قارۋدىڭ قاۋپى جونىندەگى بىرقاتار ماسەلەلەر تالقىلاندى. سىرتقى ىستەر ءمينيسترىنىڭ ورىنباسارى ەرجان اشىقباەۆتىڭ ايتۋىنشا, پاگۋوش كونفەرەنتسياسىنىڭ استانادا ءوتۋىنىڭ ماڭىزى وراسان.
«شىلدەدە پاگۋوش كوميتەتى جاساقتالىپ, ونىڭ قۇرامىنا بەدەلدى وتاندىق عالىمدار, ساراپشىلار جانە قوعام قايراتكەرلەرى كiردi. بۇگىنگى تاڭدا الەمدە 40 شاقتى ۇلتتىق پاگۋوش كوميتەتى تىركەلگەن. پاگۋوش قوزعالىسىنىڭ استاناداعى كونفەرەنتسيادا قابىلدايتىن شەشىمدەرى جاڭا بەلەستەرگە جەتەتىنىنە ءۇمىت ارتامىز», – دەدى ەرجان اشىقباەۆ.
ەستەرىڭىزگە سالا كەتەيىك, پاگۋوش كونفەرەنتسياسى 25 تامىزدا باستالادى. ءىس-شارانىڭ اشىلۋىنا سەنات توراعاسى قاسىم-جومارت توقاەۆ, پاگۋوش كونفەرەنتسياسىنىڭ پرەزيدەنتى دجايانتا داناپالا, بۇۇ-نىڭ قارۋسىزدانۋ ماسەلەلەرى جونىندەگى جوعارى وكىلى يسۋمي ناكاميتسۋ, يادرولىق سىناقتارعا جاپپاي تىيىم سالۋ تۋرالى شارتى ۇيىمنىڭ اتقارۋشى حاتشىسى لاسسينا زەربو قاتىسادى. 5 كۇنگە سوزىلاتىن كونفەرەنتسياعا الەمنىڭ 46 ەلىنەن 200-دەن استام دەلەگات كەلەدى.
اباي اسانكەلدى ۇلى
«ەگەمەن قازاقستان»
