ورال شاھارىندا اۋدان باسشىسى جانات اسىلحان ۇلىنىڭ باستاماسىمەن ورتا جانە شاعىن كاسىپكەرلىك جەتەكشىلەرىنىڭ باسىن قوسۋداعى ماقسات – ەل بولاشاعى ءۇشىن كەلەلى ماسەلەلەردى بىرگە, اقىلداسا وتىرىپ شەشۋ, ەلدى وركەندەتۋ بەلسەندىلىگى ىسىنە كاسىپكەرلەردى ارتتىرۋعا نەگىزدەلدى.
– قاراتوبە اۋدانى الداعى جىلداردا كاسىپكەرلەر ءۇشىن ءتيىمدى ورتالىق بولا الادى. ول ءۇشىن سىزدەرمەن بىزدەر تىعىز قارىم-قاتىناستا جۇمىستانىپ, كاسىبىمىزدى ءبىر ورتالىقتا شوعىرلاندىرۋىمىز قاجەت.
اۋدان ەكونوميكاسىن دامىتۋ – بارشامىزدىڭ جۇمىلا كوتەرەتىن جۇگىمىز. ول ءۇشىن ءار ءبىر ازامات بيزنەستى شاعىن ىستەردەن باستاۋى كەرەك. ەندىگى قادام وسىناۋ كاسىپ يەلەرىنىڭ باسىن قوسىپ, تۋعان جەرىمىزدەگى شاعىن جانە ورتا بيزنەستى دامىتۋ بولماق, – دەيدى اۋدان اكىمى جانات اسانتاەۆ.
جيىن بارىسىندا اۋداندىق كاسىپكەرلىك ءبولىمىنىڭ باسشىسى نۇربول بوزوۆ شاعىن جانە ورتا كاسىپكەرلىك جەتەكشىلەرىنە اۋدانداعى بوس جەر تەلىمدەرىنىڭ, كاسىپكەرلەردىڭ جاي-كۇيى تۋرالى سلايد تۇرىندە قىسقاشا تانىستىرىپ ءوتتى.
«ومار» جەكە كاسىپكەرلىگىنىڭ جەتەكشىسى اسحات ومار اۋدان ورتالىعىنا جيھاز كاسىبىن اشپاق نيەتتە ەكەنىن جەتكىزسە, «دەم» مينەرالدى سۋسىن تسەحىنىڭ باسشىسى سەرجان اشىعاليەۆ الداعى ۋاقىتتا شىرىن سۋسىندارىن ءوندىرىپ, كاسىبىن كەڭەيتپەك.
– بۇگىنگى باس قوسۋ – ۇلكەن ءىستىڭ باستاماسى. تۋعان جەردى كوركەيتىپ دامىتۋ – ء بىزدىڭ مىندەتىمىز. الداعى ۋاقىتتا اۋقىمدى تۇردە كاسىپكەرلەردىڭ قۇرىلتايىن وتكىزىپ, قانشالىقتى كاسىپ كوزىن اشاتىندىعىمىزدى ناقتى ايقىنداپ الۋىمىز قاجەت, – دەيدى «تاجىعاليەۆ» جەكە كاسىپكەرلىگىنىڭ جەتەكشىسى جارقىن تاجىعاليەۆ.
باسقوسۋ بارىسىندا كاسىپكەرلىك سالاسىنداعى ءتۇرلى ماسەلەلەر تالقىعا سالىنىپ, ۇسىنىس-پىكىرلەر تىڭدالدى.
اۋدان باسشىسى قولداۋ بىلدىرۋگە قاشاندا ءازىر, ەڭ باستىسى كاسىپكەرلەر ناقتى شەشىم شىعارسا, ءوڭىرىمىزىدىڭ تاسى ورگە دومالايتىنى ءسوزسىز. كەزدەسۋدەن اياۋلى مەكەنگە دەگەن ىستىق ىقىلاس پەن تۋعان جەرگە دەگەن جاناشىرلىق بايقالدى.
مارالبەك امانتاەۆ
باتىس قازاقستان وبلىسى,
قاراتوبە اۋدانى
