اۋماقتىق سايلاۋ كوميسسيالارىنىڭ حابارلاۋىنشا, اقمولا وبلىسى بويىنشا 136, اقتوبە وبلىسىندا – 77, الماتى وبلىسىندا – 129, شىعىس قازاقستان وبلىسىندا – 131, باتىس قازاقستان وبلىسىندا – 95, قاراعاندى وبلىسىندا – 129, قىزىلوردا وبلىسىندا – 72, ماڭعىستاۋ وبلىسىندا – 26, سولتۇستىك قازاقستان وبلىسىندا 138 اۋىلدىق وكرۋگ اكىمدەرى سايلاندى.
اۋىل اكىمدەرىن سايلاۋ كەزىندەگى داۋىس بەرۋ, داۋىستاردى ساناۋ جانە قورىتىندى شىعارۋ راسىمدەرى سايلاۋ تۋرالى زاڭناماعا سايكەس وتۋدە.
سايلاۋ ءتيىستى اۋدان (وبلىستىق ماڭىزى بار قالا) ءماسليحاتى دەپۋتاتتارى – تاڭداۋشىلاردىڭ وتىرىسىندا وتكىزىلەدى. 24 تامىزعا دەيىن جالعاساتىن سايلاۋ ناتيجەسىندە رەسپۋبليكا بويىنشا بارلىعى 1 413 اكىم سايلاناتىن بولادى.
«ەگەمەن-اقپارات»
