ء«بىز مازمۇندى كەلىسسوزدەر وتكىزىپ, ساياسي دەكلاراتسياعا قول قويدىق. ال ەندى وسى قۇجاتتا ەكىجاقتى كۇن تارتىبىندەگى ەڭ ماڭىزدى اسپەكتىلەر, سونىمەن قاتار بۇدان بۇرىن جوسپارلانعان ۆيزالىق تالاپتاردان بوساتۋ جونىندەگى كەلىسىمگە قول قويۋ كورسەتىلگەن. سونداي-اق, اڭگىمە بارىسىندا حالىقارالىق كۇن تارتىبىندەگى وزەكتى ماسەلەلەر دە تالقىلانىپ, بوليۆيانىڭ ەكسپو-2017 كورمەسىنە قاتىسۋى ءسوز بولدى. سول سياقتى تاراپتار اراسىنداعى ساۋدا كولەمىن ارتتىرۋ مەن ونىڭ قۇرىلىمدىق ءارتاراپتاندىرىلۋىنا, ەكونوميكالىق باعىت پەن ەنەرگەتيكا سالالارىنداعى ءىس-قيمىلدى دامىتۋعا ۋاعدالاستىق», – دەدى ق.ءابدىراحمانوۆ.
ءوز كەزەگىندە ءسوز العان بوليۆيانىڭ سىرتقى ىستەر ءمينيسترى فەرناندو ۋاناكۋني قازاقستانعا جاساعان بۇل ساپارى وتە ءساتتى وتكەنىن تىلگە تيەك ەتتى.
«قازاقستان مەن بوليۆيا اراسىنداعى قاشىقتىق دوستىق پەيىلىمىز بەن سەنىمدى سەرىكتەستىگىمىزدىڭ نىعايۋىنا ەشقانداي دا كەرى اسەرىن تيگىزبەيدى دەپ سانايمىن. بايقاساق, ءبىزدىڭ ارامىزدا ەكى ەل قارىم-قاتىناسىنىڭ جاڭا دەڭگەيگە كوتەرىلۋىنە سەپ بولارلىقتاي ۇقساستىقتار وتە كوپ ەكەن. ءتىپتى حالىقتار اراسىنداعى تۇرمىس-سالت پەن بولمىس-بىتىمىندەگى نازىك يىرىمدەرىنەن بولەك, قازاقستان مەن بوليۆيانىڭ سىرتقى ساياساتتاعى ماقسات-مۇددەلەرى دە ءوزارا ۇندەسىپ جاتقانى ءسوزسىز», دەدى ف.ۋاناكۋني.
نۇرلىبەك دوسىباي,
«ەگەمەن قازاقستان»
