جاڭا وقۋ جىلىندا تۇركيا قازاقستاندىق ستۋدەنتتەرگە 500 ءبىلىم بەرۋ گرانتىن بولەدى. گرانتتار قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىندە تەگىن ءبىلىم الۋعا مۇمكىندىك بەرەدى. تۇرىك گرانتتارىن جەڭىپ العاندار Foundation باعدارلاماسى بويىنشا دايىندىق كۋرستارىندا 1 جىل تەگىن ءبىلىم الا الادى. باعدارلامانى ۇزدىك ءتامامداپ, ەمتيحانداردى ءساتتى تاپسىرعان ستۋدەنتتەر تۇركيا رەسپۋبليكاسىنىڭ گرانت ەرەجەلەرىنە سايكەس 1 كۋرسقا قابىلدانادى.
سايىس قر ءبىلىم جانە عىلىم مينيسترلىگىنىڭ جۇيەسىمەن تاڭدالعان ماماندىقتىڭ سايكەس ءپانى بويىنشا وتەدى.
بۇل ۋنيۆەرسيتەت حالىقارالىق دەڭگەيدەگى ءبىلىم ورداسى بولىپ قانا قويماي, اكادەميالىق موبيلدىلىك باعدارلاماسى بويىنشا ءبىلىم جانە عىلىم الماسۋدىڭ ورتالىعى بولىپ ەسەپتەلەدى. جىل سايىن 400-دەن استام ستۋدەنتتەر تۇركيا مەن ەۋروپا ەلدەرىندە ءبىلىم الۋ مۇمكىندىگىنە يەلەنەدى. ۋنيۆەرسيتەت باكالاۆريات پەن ماگيستراتۋرا باعدارلامالارىن ارتتىرۋدى كوزدەپ وتىر. سوعان قوسا ءبىلىم بەرۋ جۇيەسىن جەتىلدىرىپ, ماتەريالدى-تەحنيكالىق بازا مەن الەۋمەتتىك ينفراقۇرىلىمدى دامىتۋعا نيەتتى.
قازىرگى تاڭدا مۇندا الەمنىڭ 17 ەلىنىڭ ستۋدەنتتەرى ءبىلىم الادى. ۋنيۆەرسيتەت تۇلەكتەرى ءىرى مەدياحولدينگتەر مەن قازاقستاننىڭ ءتۇرلى ۇيىمدارىندا باسشىلىق قىزمەتتەرىن اتقارىپ كەلەدى.
ء«بىز قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىندە ءبىلىم الۋعا شاقىرامىز. تۇركيانىڭ گرانتتار سايىسىنا وتىنىمدەر تامىزدىڭ 10-ى مەن 15-ءى ارالىعىندا
