"پرەزيدەنتىمىز ن.ءا.نازارباەۆ "بولاشاققا باعدار: رۋحاني جاڭعىرۋ" اتتى ماقالاسىندا جاستارىمىزدىڭ ساپالى ءبىلىم الۋىمەن قاتار, تۋعان جەردى سۇيۋگە تاربيەلەيتىن جوبالاردىڭ كوپ بولۋىن ايتقان بولاتىن. بۇگىن بالالارىمىز اتتانعالى تۇرعان ساپاردا تۋعان جەرىمىزدىڭ تاماشا تابيعاتىمەن, ەڭسەلى ەلوردامىزدىڭ ەڭ جاقسى جەرلەرىمەن ەتەنە تانىسىپ, بويلارىنا ماقتانىش سەزىمى ورنايتىنىنا سەنىمدىمىن! " ۇلىم دەيتىن ەل بولماسا, ەلىم دەيتىن ۇل قايدان بولسىن" دەگەن جاقسى ءسوز بار. پرەزيدەنتىمىز سىزدەر ءۇشىن تالاي يگى ىستەردى ىستەپ, مەملەكەتتىڭ بولاشاعى تىكەلەي سىزدەرگە بايلانىستى ەكەندىگىن ۇنەمى قايتالاۋمەن كەلەدى. سوندىقتان, ەلباسىنىڭ, ەلىمىزدىڭ سەنىمىن اقتاپ, بولاشاقتا قازاقستاننىڭ تۋىن ۇستار مىقتى ازامات بوپ وسە بەرۋلەرىڭىزگە تىلەكتەسپىن!" - دەدى اۋدان اكىمى ع.يسمايلوۆ.
ايتا كەتەيىك, ساياحات مەرزىمى 5 كۇنگە دەيىن سوزىلادى. اتا-انا قامقورلىعىنسىز قالعان, الەۋمەتتىك جاعىنان از قامتاماسىز ەتىلگەن وقۋشىلاردى كورمەگە الىپ بارۋ ءۇشىن اۋداندىق بيۋدجەتتەن 5 ميلليون 800 مىڭ تەڭگە قارجى بولىنگەن, ياعني ءار وقۋشى 38 مىڭ 400 تەڭگەگە ساياحات جاسايدى. وقۋشىلار "EXPO-2017" كورمەسىنەن بولەك, "بايتەرەك", "قر ۇلتتىق مۇراجايى", "دۋمان" ويىن-ساۋىق ورتالىقتارىنا بارىپ, ەڭسەلى ەلوردامىزدىڭ ەڭ كورىكتى جەرلەرىن ارالايدى. ولاردىڭ قاۋىپسىزدىگى ءۇشىن اۋداندىق ءبىلىم ءبولىمىنىڭ 2 مامانى, 3 پەداگوگ-پسيحولوگتار, 7 تاربيەشى, 3 مەديتسينا قىزمەتكەرلەرى دە بىرگە اتتاندى. وقۋشىلاردىڭ تۇنەۋى ءۇشىن استانا قالاسىنداعى "نۇر وردا" مەكتەپ-ليتسەيىنىڭ "داستاندىق" جاتاقحاناسىمەن كەلىسىم جاسالعان.
