فيلانتروپ بيزنەستىڭ الەۋمەتتىك جاۋاپكەرشىلىگى اياسىندا وسى ىسپەتتەس قايىرىمدى ىستەرمەن ءجيى اينالىساتىنىن جەتكىزدى.
وڭتۇستىك قازاقستان وبلىسى, بايدىبەك اۋدانى كيەلى جەرلەرىمەن عانا ەمەس, ەل قامى ءۇشىن قامقورلىق جاساۋدان قىسىلمايتىن اتىمتاي جومارت جانداردىڭ ءبىرى, ءارى بىرەگەيى وسىعان دەيىن دە كوپتەگەن تۇرمىسى تومەن وتباسىلارعا قولداۋشى, اۋقىمدى ءىس-شارالارعا دەمەۋشى بولىپ كەلگەن فيلانتروپ ورالبەك بوتباي ەلىمىزدىڭ تاريحىنداعى ماڭىزدى وقيعا ەكسپو كورمەسىنە بارامىن دەگەن قوشقار اتا اۋىلىنىڭ ۇزدىك وقيتىن 30 وقۋشىسىنا جانە 10 مۇعالىمىنە كورمە بيلەتتەرىن تارتۋ ەتتى.
13 تامىز كۇنى باستالعان ەكسكۋرسيا بارىسىندا وقۋشىلار كورمەدەگى پاۆيلونداردى ارالاپ, ونداعى جاسىل ەنەرگەتيكا سالاسىنداعى جوبالاردى تاماشالادى. فيلانتروپ بيزنەستىڭ الەۋمەتتىك جاۋاپكەرشىلىگى اياسىندا وسى ىسپەتتەس قايىرىمدى ىستەرمەن ءجيى اينالىساتىنىن جەتكىزدى. ماسەلەن بۇعان دەيىن استانا, الماتى قالاسىندا وقيتىن جوو ستۋدەنتتەرىنە ءوز اتىنان شاكىرتاقى تاعايىنداپ, كوپكە ۇلگى بولار ىزگى ءىس باستاعان. ورالبەك بوتباي وسىنداي قامقورلىقتارى ءۇشىن «التىن جۇرەك» سىيلىعىمەن ماراپاتتالعان.
ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان «تۋعان جەر» باعدارلاماسىن ىسكە اسىرۋ ماقساتىندا اتالعان شارانى قولعا الىپ وتىرمىن دەگەن كاسىپكەر, ىشكى ءتۋريزمدى دامىتۋ ماقساتىندا وقۋشىلاردى بۋراباي ۇلتتىق تابيعي ساياباعىنا دا قىدىرتتى.
اۋىل وقۋشىلارىنىڭ سوزىنشە بۇل ولار ءۇشىن جاسالعان زور قامقورلىق. جازعى دەمالىس ۋاقىتىندا كورمە جۇمىسىن تاماشالاۋ بارىسىندا, بىلىمگە دەگەن ىنتالارى اشىلىپ, شەت تىلدەرىن مەڭگەرۋگە دەگەن قۇلشىنىستارىن جاسىرا المادى. ال, ورالبەك قوجامجار ۇلىنىڭ سوزىنشە, بۇل تۋعان ەلگە قولداۋ تانىتۋ ماقساتىندا جاسالىپ وتىرعان قايىرىمدىلىق شاراسى. بولاشاقتا تۋىپ-وسكەن جەرىمە قولدان كەلگەنشە قىزمەت ەتەم دەگەن ول, جۋىردا قوشقار اتا اۋىلىنا جول سالىپ, شەت ەلدىك ينۆەستورلارمەن بىرلەسە وتىرىپ, 400 ۇيگە كۇننەن قۋات الاتىن كوشە شامدارىن ورناتۋدى باستاپ كەتتى.
