كونتسەرتتە بي انسامبلدەرى, جىرشى, تەرمەشىلەر, قازاق ەستراداسىنىڭ جۇلدىزدارى - ءمادينا سادۋاقاسوۆا, الماس كىشكەنباەۆ, سەرىك يبراگيموۆ جانە ت.ب ونەر كورسەتەدى.
گالا-كونتسەرت اياسىندا حالىقارالىق عارىش ستانتسياسىنداعى 52-ەكسپەديتسيا ەكيپاجىمەن تەلەكوپىر وتكىزىلىپ, عارىشكەرلەر فەدور يۋرچيحين مەن سەرگەي ريازانسكي استانا قالاسىنىڭ تۇرعىندارى مەن قوناقتارىنا عارىشتان سالەم جولدايدى.
ءدال وسى كۇنى قىزىلوردالىق شاحماتشى, وبلىس تاريحىنداعى العاشقى فيدە شەبەرى, بىرنەشە دۇركىن قازاقستان چەمپيونى, 2 دۇركىن الەم چەمپيونى اسەل سەرىكباي 15 تاقتادا ءبىر مەزگىلدىك سەانس وتكىزەدى. سەانس 14 تامىز ساع. 15.30-دا استانا قالاسىنىڭ شاحمات كلۋبىندا (اسانقايعى كوشەسى, 2) وتەدى.
ەستەرىڭىزگە سالا كەتەيىك, استانادا «ەكسپو-2017» حالىقارالىق مامانداندىرىلعان كورمەسى اياسىندا 10-14 تامىز كۇندەرى قىزىلوردا وبلىسىنىڭ مادەني كۇندەرى وتكىزىلۋدە.
