جاستار جانە كاسىپوداق

الماتىدا كاسىپوداقتار كۇنىنە وراي, «جاستار كاسىپوداقتى قولدايدى» اتتى حالىقارالىق ءبىرىنشى فورۋم بولىپ ءوتتى. وعان ەلىمىزدىڭ ءار وڭىرىنەن كاسىپوداق ۇيىمدارى وكىلدەرى قاتىستى. فورۋمدا – قازاقستان رەسپۋبليكاسىنىڭ كاسىپوداقتار فەد­ە­را­تسياسىنىڭ توراعاسى سيازبەك مۇقاشەۆ بايانداما جاساپ, جاستار – قوعامنىڭ قوزعاۋشى كۇشى, ءارى بەلسەندى مۇشەسى ەكەندىگىن العا تارتتى. سونىمەن قاتار, بريۋسسەل قالاسىنان كەلگەن حالىقارالىق كاسىپوداقتار كونفەدەراتسياسىنىڭ كەڭەسشىسى لەپپيك انتون ءسوز الدى. ول, الەم جاستارىنىڭ بەيبىتشىلىك جولىنداعى كۇرەسىن تىلگە تيەك ەتتى. حالىقارالىق جاستار فورۋمىندا جاستاردىڭ بۇگىنگى تاڭداعى كەلەلى ماسەلەلەرى كەڭىنەن تال­قى­لانىپ, ونى شەشۋدىڭ جولدارى قاراستى­رىل­دى. جيىنعا قاتىسۋشىلار قازاقستان رەسپۋبليكاسى تاۋەلسىزدىگىنىڭ جيىرما جىلدىعى قۇرمەتىنە رەسپۋبليكامىزدىڭ بارلىق جاستار ۇيىمدارىن بەلسەندىلىك پەن ىسكەرلىكتىڭ جانە قاجىرلىلىقتىڭ ۇلگىسىن كورسەتۋگە شاقىردى. فورۋم بارىسىندا كاسىپوداقتاردىڭ رەسپۋبلي­كا­لىق «كوشباسشى شەرۋى – 2011» بايقاۋىنىڭ جە­ڭىم­پازدارىن سالتاناتتى تۇردە ماراپاتتاۋ ءراسىمى دە بولدى. جاسىل جەلەكتى ساياباققا كوشەتتەر وتىرعىزىلىپ, الاتاۋدىڭ اياسىنداعى «دالا جار­قىلى» تۇنگى فەستيۆالىن تاماشالادى. باقىت بالعارينا. الماتى.