باسقوسۋ تاقىرىبى – بوكس

سيامياندا حالىقارالىق اۋەسقوي بوكس فەدەراتسياسىنىڭ ء(اىۆا) كەڭەيتىلگەن القا ءماجىلىسى وتۋدە. وعان ازيا جانە تىنىق مۇحيتى ايماعىنان 67 ەلدىڭ وكىلدەرى قاتىسۋدا. بۇل باسقوسۋ ادەتتەگىدەي وتكەن جىلدىڭ قورىتىندىسىن شىعارىپ, وسى جىلدىڭ جۇمىس جوسپارىن بەكىتۋ ماسەلەسىنە ارنالىپ وتىر. تەلجان كۇدەروۆ, ارنايى “ەگەمەن قازاقستان” ءۇشىن – سيامياننان (قحر). ءماجىلىستىڭ ءبىرىنشى كۇنى الدى­مەن ءاىۆا تاراپىنان بولا­تىن وزگەرىستەر جونىندە ماسەلە قا­رال­دى. وندا تۇڭعىش رەت بۇكىل­الەمدىك بوكس سەرياسى (WSB) جەك­پە-جەكتەرىن باستاۋعا بايلانىستى كەلىسىمدەرگە قول قويىلدى. العاش بولىپ مۇنداي مارتەبەگە ازيا ايماعى بويىن­شا سىنعا تۇسەتىن مەملەكەتتەر يە بولدى. ءبىزدىڭ ەلدىڭ اتىنان اتالمىش قۇجاتقا قازاقستان اۋەسقوي بوكس فەدەرا­تسيا­سىنىڭ ۆيتسە-پرەزيدەنتى جان­بولات سارسەنوۆ قول قويدى. وسى كەلى­­سىم­گە سايكەس, سارى قۇرلىقتان بۇكىلالەمدىك بوكس­ سەرياسى بويىن­شا وتەتىن باسەكەلەرگە قازاقستان, قىتاي, ءۇندىستان جانە ءازىربايجان مەملەكەتتەرى قاتىسسا, ەۋروپادان تۇركيا, يتا­ليا, رەسەي مەن گەرمانيا نەمە­سە انگليا تاڭدالاتىن بولىپ شەشىلدى. بۇل ەلدەردىڭ قايسىسىنىڭ جوعارىدا اتالعان سىندارعا قاتىساتىنى ماسكەۋ­دەگى اقپاننىڭ باسىندا وتەتىن كەزدەسۋدە بەلگىلى بولادى. ماجىلىستە جوعارىداعى ماسە­لە­­گە بايلانىستى WSB سەرياسى بويىنشا وتەتىن جەكپە-جەكتەر­دىڭ ەرەجەسى مەن ءوتۋ كەزەڭى ءجو­نىندە كەڭ­ى­رەك مالىمەت بەرىلدى. بۇل باسە­كەلەرگە بارلىق قۇرلىق ەلدەرىنىڭ قاتىسۋعا مۇمكىندىكتەرى بار. قازىر وعان ازيا مەن ەۋرو­پادان باسقا امەريكادان ەكى مەملەكەت – اقش پەن مەكسيكا قاتىسۋعا نيەت بىلدىرۋدە. WSB سىندارىندا قولعاپ تۇيىستىرەتىن مىقتىلاردى انىقتاپ الۋ ءۇشىن ۇلتتىق قۇرامالار مامىر ايىنا دەيىن تولىقتاي جاساقتالىپ ءبىتۋى ءتيىس. ويتكەنى, ونىڭ العاشقى جەكپە-جەكتەرى بيىلعى جىلدىڭ قاراشاسىنان باستاپ وتكىزىلەدى. ءAىBA باسشىسىنىڭ ايتۋىن­شا, قازاقستان بوكس فەدەرا­تسيا­سى وزگە ەلدەردەگى ارىپتەستەرىنەن بۇرىن باسەكەلەرگە قاتىسۋ ءۇشىن العاشقى جارنالىق اقىنى تولىعىمەن تولەپ تاستاعان. وسى جاعدايدى ەسكەرە وتى­رىپ, ءAىBA قاراشا ايىندا ءبىرىنشى بولىپ جەكپە-جەكتەردى قازاقستان بىل­عارى قولعاپ شەبەرلەرىنىڭ وتكى­زۋىنە مۇمكىندىك بەرىپ وتىر. سول كەزدە, ياعني قاراشادا استاناعا كەزەك-كەزەگىمەن ءۇش ەلدىڭ بوكس­شىلارى كەلەدى. سوندا ءار ۇلتتىق قۇراما ءوز شارشى الاڭىندا ءۇش كەزدەسۋ جانە سىرت الاڭدا ءدال وسىنداي ءۇش جەكپە-جەك وتكىزەدى. ءسويتىپ, ونىڭ قورىتىن­دىسىندا, اينالىمدىق جۇيە بويىن­شا مىقتى كوماندا انىقتالادى دا ولار وزگە ەلدىڭ بوكسشىلارىمەن باس جۇلدەنى ساراپقا سالادى. WSB جارى­سىندا جەكپە-جەكتەر كوماندالىق جانە جەكەلەي ەسەپ بويىنشا دا وتەدى. مۇنداعى باسەكەلەردە بىلعارى قولعاپ يە­لەرى تەك جەڭىل, ورتاشا جەڭىل سالماق, ورتاشا, اۋىر جانە اسا اۋىر سالماق دارەجەلەرىندە كۇش سىناسادى. ءار ەلدىڭ قۇراماسىنا ءار سالماقتا ەكى بوكسشىنى جۇدى­رىق­تاستىرۋعا جاعداي جاسالادى. سوندا قۇراما ساپىندا ون بوكسشى ونەر كورسەتەتىن بولادى. شارشى الاڭداعى جەكپە-جەكتەر ءۇش مينوتتەن بەس راۋندقا سوزىلىپ وتەدى. وسى جيىندا حالىقارالىق بوكس فەدەراتسياسىنىڭ پرەزيدەنتى چين كو ۆۋ بۇكىلالەمدىك بوكس سەريا­سى­نىڭ ءاىۆا-نىڭ ءتول بالاسى ەكەنىن, سوندىقتان دا ونى ءبىر-بىرىنەن بولۋگە بولمايتىنىن, بۇل تەك بوكستىڭ قىزىعۋشىلىعىن ارتتىرۋ ءۇشىن جانە بىلعارى قولعابىن شەگەگە ىلگەن جىگىتتەر ءۇشىن ناپاقا تابۋ بولسا, وسى سىنداردى وتكىزەتىن پروموۋتەرلىك كومپانيالارعا دا پايدا تابۋدىڭ ءبىر كوزى بولىپ تابى­لاتىنىن اتاپ ءوتتى. سونىمەن بىرگە, ول WSB جەكپە-جەكتەرىندە ايقاسقان بوكسشىلار مىندەتتى تۇردە وليم­پيا­لىق ىرىكتەۋ سىندارىنا جولداما الىپ جاتسا, وليمپياداعا قاتىسا الاتىنىن, وسىنداي حالىقارالىق بوكس فەدەراتسياسى تاراپىنان جاسا­لىپ جاتقان جاعداي بارلىق ەلدەر­دىڭ بىلعارى قولعاپ مەكتەبىن دامى­تۋعا ارنالىپ وتىرعانىن قاداپ ايتتى. بۇدان كەيىن ول قازاقستان­نىڭ بوكس مەكتەبى جونىندە ءوز پىكى­رىن ءبىلدىرىپ, ونىڭ بۇگىننەن باستاپ زاڭدى تۇردە WSB باسەكەلەرىن وتكى­زە الاتىن مەملەكەتتەردىڭ ال­عاش­قىسى بولىپ شەجىرەگە جازىلاتى­نىن, قازاقستاننىڭ بوكس بويىنشا دا ازيانىڭ كوشباسشى ەل بولا­تىنىنا سەنىمدى ەكەنىن ءسوز ەتتى. ماجىلىستە ءAىBA باسشىسىنىڭ پىكىرىنە بايلانىستى رەسپۋبليكا بوكس فەدەراتسياسىنىڭ ۆيتسە-پرەزيدەنتى جانبولات سارسەنوۆ: ء“بىزدىڭ ەلدە ۇلتتىق فەدەراتسيا تارا­پىنان WSB باسەكەلەرىنە ناقتى كوڭىل ءبولىنىپ وتىر. جىل باسىندا ءوزىنىڭ جەكە بيۋدجەتىن جاسادىق. وسى ىسپەن اينالىساتىن مامان­دار­دى دا جۇمىسقا تارتىپ جاتىرمىز. بوكسشىلاردىڭ دا تىزىمدەرى جاسال­دى. ەندى تەك باپكەرلەر القا­سىن جاساقتاۋىمىز كەرەك. بۇل ءىستى بىلىكتى مامان بولات مان­كەنوۆكە سەنىپ تاپسىرامىز”, دەدى. ءماجىلىستىڭ ەكىنشى جۇمىس كۇنىن­دە سينگاپۋردە وتەتىن ءجاسوسپى­رىمدەر اراسىنداعى وليپيادالىق ويىندارعا ىرىكتەۋ بارىسى مەن تورەشىلەر القاسىنىڭ ماسەلەسى جانە كەلەر جىلى بوكستان جاس ءمول­شەرىنە قاراي الەم چەمپيوناتتارى وتەتىن مەملەكەتتەردىڭ تانىستىرى­لى­مى بولادى. ولاردىڭ ىشىندە اس­تا­نا قالاسى دا بار. سونىمەن بىرگە بوكستاعى سالماق دارەجەسىن تال­قى­لاۋ ماسەلەسى دە كۇن تارتىبىنە شى­عارىلىپ وتىر.