«بيىل جوسپارلانعان 381 جىلۋ ەسەپتەگىش قۇرالدىڭ 50-ءى عانا قويىلدى. ارقايسىسىنىڭ قۇنى 707 مىڭنان 913 مىڭ تەڭگە ارالىعىندا. بۇعان قۇرالدى ورناتۋ, جوبالىق-سمەتالىق قۇجاتتامالاردى راسىمدەۋ دە كىرەدى. ۇكىمەت ءتورت جىلعا ءبولىپ تولەۋ سەكىلدى جەڭىلدىكتى كەپىلدىك بەرىپ وتىر. ونىڭ ۇستىنە ورناتۋ مەرزىمى كەزىندە تەحنيكالىق قىزمەت پەن ءبىر رەتتىك مەملەكەتتىك تەكسەرىس تەگىن جۇرگىزىلەدى. قالادا ەسكى 180 ءۇي بار. ولارعا جىلۋ ەسەپتەگىش ورناتىلمايدى», دەيدى «سەۆكازەنەرگوسبىت» جشس باس ديرەكتورىنىڭ مىندەتىن اتقارۋشى ماعاۋيا ساعىندىقوۆ.
مامانداردىڭ ايتۋىنشا, ەسەپتەگىش قۇرالداردى پايدالاناتىن ۇيلەردىڭ تۇرعىندارى باسقالارعا قاراعاندا تولەماقىنى 1,5 ەسە از تولەيدى. الايدا, ولاردى ورناتۋعا وتىنىشتەردى قابىلداۋ قازان ايىندا اياقتالاتىنىنا قاراماستان تۇرعىنداردىڭ كوبى ق ۇلىقسىز. ونىڭ ۇنەمدەگىش قىزمەتىنە كۇماندانۋشىلار از ەمەس. تۇسىنىك جۇمىستارىنىڭ جان-جاقتى جۇرگىزىلگەنىنە قاراماستان تۇتىنعان جىلۋدى عانا ەسەپتەيتىنىن ەسكەرگىلەرى كەلمەيدى.
قازىرگى تاڭدا جىلۋ مەن جارىق ءۇشىن قارىزدارى شاش ەتەكتەن اساتىن تۇلعالار جەتەرلىك. ولاردىڭ بىرقاتارىن كومپانيا سوتقا بەرەگەن. تەك سوت ورىنداۋشىلارى جىلجىمالى جانە جىلجىمايتىن م ۇلىكتەرىن ساۋداعا قويعاننان كەيىن عانا بەرەشەكتەرىن وتەي باستايتىن كورىنەدى.
بۇگىنگى كۇنى جەكە سوت ورىنداۋشىلار قارىزى 18 ملن تەڭگەگە جەتكەن 41 اداممەن ەسەپ ايىرىسۋعا كىرىسكەن. ءىس ناتيجەسىز ەمەس. ماسەلەن, 10 جىل بويى جىلۋ مەن جارىقتى «تەگىن» پايدالانىپ كەلگەن ءبىر تۇتىنۋشىنىڭ جىلجىمايتىن م ۇلىگى سوت شەشىمىمەن ساتىلىمعا قويىلعانى سول-اق ەكەن, 440 مىڭ تەڭگەنى قالتاسىنان شىعارىپ بەرىپتى.
تۇتاستاي العاندا, تۇرعىنداردىڭ قارىزى 342,2 ملن تەڭگەنى قۇراپ وتىر. ونىڭ 202,1 ميلليونى زاڭدى تۇلعالارعا تيەسىلى.
"سەۆكازەنەرگوسبىت" جشس-نە قاراستى 160 مىڭ ابونەنت بولسا, ولاردىڭ 1-3 پايىزى تولەماقىلاردى جىلداپ تولەمەيتىنگە ۇقسايدى.
ءومىر ەسقالي,
«ەگەمەن قازاقستان»
