ونىڭ ىشىندە 60 451 وقۋشى – جەتىمدەر ساناتىنداعى اتا-اناسىنىڭ قامقورلىعىنسىز قالعاندار جانە مۇمكىندىگى شەكتەۋلى وقۋشىلار. جالپى, وڭىردە جامبىل, جۋالى, بايزاق, قورداي, مەركى, ت.رىسقۇلوۆ, تالاس, سارىسۋ جانە تاراز قالاسىندا التى مەملەكەتتىك جانە ءتورت جەكەمەنشىك ساۋىقتىرۋ لاگەرلەرى ورنالاسقان. بۇگىنگى تاڭدا اتالعان لاگەرلەردە جوسپارلانعان 7 217 وقۋشىنىڭ 5 790-ى جازعى دەمالىستارىن وتكىزۋدە.
سونداي-اق, وقۋشىلاردىڭ جازعى دەمالىستارىن ساپالى وتكىزۋ ماقساتىندا ساۋىقتىرۋ لاگەرلەرى, پالاتالىق لاگەرلەر, مەكتەپ جانىنداعى دەمالىس الاڭدارى, رەسپۋبليكالىق ساۋىقتىرۋ ورتالىقتارى جانە اۋلا كلۋبتارى جۇمىس ىستەپ كەلەدى. ءاربىر مەكتەپتە بالالاردىڭ جازعى دەمالىستارىنا ارنالعان زياتكەرلىك قىزمەتتىڭ ءتۇرلى جوسپارلارى ازىرلەنگەن. وندا وقۋشىلاردى تۋريستىك ساياحاتتار مەن ەكسكۋرسيالار, سپورتتىق جيىندار, ءتۇرلى باعىتتاعى ۇيىرمەلەر, ەڭبەك جاساقتارىنا قامتۋ جۇمىستارى ۇيىمداستىرىلۋدا. ال 2017 جىلى بالالاردىڭ جازعى دەمالىسى مەن ساۋىقتىرۋ ءىس-شارالارىنا جەرگىلىكتى بيۋدجەتتەن 315 ميلليون 208 مىڭ تەڭگە بولىنگەن.
وسى جىلدىڭ 22 مامىرىندا وبلىستىڭ ءبىلىم, ءدىن ىستەرى جونىندەگى باسقارمالارى, توتەنشە جاعدايلار, ىشكى ىستەر, قوعامدىق دەنساۋلىق ساقتاۋ دەپارتامەنتتەرى قىزمەتكەرلەرىنىڭ قاتىسۋىمەن ءبىلىم بولىمدەرىنىڭ ماماندارىنا, قالا سىرتىنداعى ساۋىقتىرۋ لاگەرلەرى مەن مەكتەپ جانىنداعى دەمالىس الاڭدارىنىڭ باسشىلارىنا, اعا تالىمگەرلەرگە ارنالعان وقىتۋ سەمينارى ۇيىمداستىرىلدى.
بيىلعى جازعى ماۋسىمدا دارىندى بالالارعا ارنالعان قازاق-تۇرىك مەكتەپ-ينتەرناتتارى بازاسىندا اعىلشىن ءتىلىن ۇيرەنۋ كۋرستارىن ۇيىمداستىرۋ جانە جوعارى وقۋ ورىندارىندا اعىلشىن ءتىلى ماماندىعى بويىنشا وقىپ جاتقان 3, 4 كۋرس ستۋدەنتتەرىن ۆولونتەر رەتىندە جاز مەزگىلىندە مەكتەپتەردەگى اعىلشىن ءتىلى ۇيىرمەلەرىنە تارتۋ جۇمىستارى جۇرگىزىلۋدە.
سونىمەن قاتار, استانا قالاسىندا ءوتىپ جاتقان ەكسپو – 2017 حالىقارالىق كورمەسىنە كوپ بالالى جانە از قامتىلعان جانۇيالاردان شىققان وقۋشىلاردى قاتىستىرۋ ءۇشىن 6 152 بالاعا وبلىستىق بيۋدجەتتەن 241 ميلليون 873 مىڭ تەڭگە جانە 70 دارىندى وقۋشىعا 3 ميلليون 294 مىڭ تەڭگە ءبولىندى.
ايتا كەتەرلىگى, ايماقتا قىزمەت كورسەتەتىن بارلىق ساۋىقتىرۋ لاگەرلەرى ارنايى كۇزەتپەن جانە بەينەباقىلاۋ قوندىرعىلارىمەن قامتاماسىز ەتىلگەن.
حاميت ەسامان,
«ەگەمەن قازاقستان»
