ءوڭىر باسشىسى الدىمەن بورالداي اۋىلدىق وكۋرىگىنە قاراستى تالاپ ەلدىمەكەنىندەگى «تاۋ الما باق» جشس-ءنىڭ جۇمىسىمەن تانىس بولدى. اتالعان كاسىپورىن قۇرىلتايشىلار ەسەبىنەن جالپى قۇنى 2 ميلليون اقش دوللارىن قۇرايتىن 43 گەكتارعا قارقىندى باۋ وتىرعىزىپتى. 2013 جىلى قولعا الىنعان جوبانىڭ ماقساتى – باۋ كولەمىن 83 گەكتارعا جەتكىزۋ. 107 گەكتار جەردى تولىق قورشاپ, تىرلىگىن دوڭگەلەتىپ وتىرعان مەكەمە الداعى ۋاقىتتا ءار گەكتاردان 50 تونناعا دەيىن ءونىم الۋدى جوسپارلاپ وتىر. سەرىكتەستىك باسشىسى سەيتجاپپار ابدۋسادىق ۇلى وبلىس اكىمىنە المادان بولەك جاڭعاق ەگۋ ءىسىن دە قولعا الىپ وتىرعانىن جەتكىزدى.
«بورايداي اۋىل وكرۋگىنىڭ تاۋلى اۋماعى الما ەگۋگە وتە قولايلى. سوندىقتان باۋدىڭ كولەمىن جىل ساناپ ارتتىرىپ, جاڭعاق ەگۋدى دە قولعا العانىڭىزدى قۇپتايمىن. الداعى ۋاقىتتا وزگە وكۋرگتەردەن دە باۋ ەگۋدى قولاعا الساڭىز, اۋدان اكىمدىگى تاراپىنان بارلىق قولداۋلار كورسەتىلەتىن بولادى», - دەدى جانسەيىت قانسەيىت ۇلى.
بايدىبەك اۋدانى ماقسارىسىمەن اتى شىققان ءوڭىر. بۇگىندە بۇل داقىلعا شەتەلدەن دە سۇرانىس كوپ. بىلتىر اۋداندا 23 مىڭ گەكتارعا ماقسارى ەگىلسە, ونىڭ كولەمى بيىل 43 مىڭ گەكتارعا جەتكەن. شارۋالار بۇگىندە گەكتارىنا 7-8 تسەنتنەردەن ءونىم الىپ, وبلىسىمىزداعى ماي ءوندىرۋشى كاسىپورىنداردى شيكىزاتپەن قامتاماسىز ەتىپ وتىر. جول بويى وراق ناۋقانىن قىزدىرىپ جاتقان شارۋالاردىڭ جۇمىسىمەن تانىسقان ءوڭىر باسشىسى الداعى جىلدارى اۋداننان ماقسارى مايىن وندىرەتىن كاسىپورىن اشۋعا كەڭەس بەردى.
مۇنان سوڭ وبلىس اكىمى بورالداي اۋىل وكرۋگىندەگى «ابەردين–انگۋس» تۇقىمدى ءىرى قارا مال شارۋاشىلىعىنا بارىپ, جەكە كاسىپكەر ماقسات نازارباەۆتىڭ جۇمىس جۇيەسىمەن تانىس بولدى. 2015 جىلى قۇرىلعان شارۋاشىلىق قوراسىندا بۇگىندە 154 اسىل تۇقىمدى مال باسى بار. 3500 گەكتار جەرى بار قوجالىق الداعى ۋاقىتتا مال باسىن 2 مىڭعا جەتكىزۋدى جوسپارلاۋدا.
وبلىس اكىمى «شايان» يندۋستريالدى ايماعىنا دا اتباسىن بۇرىپ, ونداعى ىسكە اسقالى وتىرعان جوبالاردىڭ بارىسىمەن تانىستى. جالپى اۋماعى 60 گەكتاردى قۇرايتىن ايماق بۇگىندە بارلىق ينفراقۇرىلىمدىق قاجەتتىلىكتەرمەن قامتىلعان. ەندىگى ماسەلە - ينۆەستورلار تارتىپ, جاڭا جۇمىس ورىندارىن كوپتەپ اشاتىن كاسىپورىنداردى شوعىرلاندىرۋ.
«يندۋستريالدى ايماقتىڭ مۇمكىندىگىن ءتيىمدى پايدالانا الماي وتىرسىزدار. ءالى كۇنگە مۇندا كاسىپورىن قۇرۋ جۇمىستارى قولعا الىنباي كەلەدى. وسى رەتتە اۋدان اكىمىنىڭ جۇمىسىنا سىن ايتۋعا بولادى. جىل سوڭىنا دەيىن ناقتى ىسكە اسىرىلاتىن جوبالاردى تالقىلاپ, الداعى جىلى كاسىپورىنداردى تەزدەتىپ اشۋدى تاپسىرامىن», - دەدى وبلىس اكىمى.
مۇنان سوڭ ءوڭىر باسشىسى اقباستاۋ اۋىلدىق وكرۋگىندەگى «دومالاق انا» كەسەنەسى اۋماعىنداعى جىبەك وندىرەتىن قوجالىقتىڭ جۇمىسىمەن تانىستى. جىبەك ءوندىرۋدى قولعا العان كاسىپورىن بۇگىننىڭ وزىندە سول ماڭعا 140 مىڭ ءتۇپ تۇت وتىرعىزىپتى. بيىل قوجالىق شايان اۋىلىنان «وN –بايدىبەك» قولونەر ورتالىعىن اشىپ, جىبەكتەن كىلەم توقۋ, كيىزدەن ش ۇلىق باسۋ, قازاقى ويۋ-ورنەكتپەن شاپان تىگۋ ءىسىن دە جانداندىرىپ وتىر ەكەن.
بۇدان بولەك, اۋداندا اراب ينۆەستورى شەيح حاليفانىڭ قۇس ءوسىرۋ ورتالىعى كۇن ساناپ دامىپ كەلەدى. 895 گەكتار جەردى الىپ وتىرعان كاسىپورىن 3,5 ملرد تەڭگە شەتەل ينۆەستيتسياسىن تارتىپ, دۋاداق قۇسى ءتۇرىنىڭ باسىن 4 مىڭعا جەتكىزگەن. جىلىنا بيۋدجەتكە 700 ملن تەڭگە سالىق تولەيتىن ينۆەستورلار جوبانىڭ ءۇشىنشى كەزەڭىن ىسكە اسىرىپ, جۇمىسشىلار سانىن 400-گە ارتتىرۋدى جوسپارلاۋدا. سونداي-اق شەتەلدىك كاسىپورىن اۋدانداعى 5 الەۋمەتتىك نىساننىڭ قۇرىلىسىن ءوز قاراجاتىنا جۇرگىزۋگە نيەت ەتىپ وتىر. اتالعان كاسىپورىنعا ارنايى بارعان وبلىس اكىمى مۇنداعى ارقارىلعان جۇمىستارعا دا وڭ باعاسىن بەردى.
