سەرگەي ەرشوۆ, قازاقستان رەسپۋبليكاسى پارلامەنتى سەناتىنىڭ دەپۋتاتى: «پروبلەمالار تاسقىنى بىرىنەن كەيىن ءبىرى ءوندىرىستى قىسپاققا العان ەدى...».
– «قازاقمىس كورپوراتسياسى»-نىڭ قالىپتاسۋى كوپتەگەن وتباسىلار قيىندىقتىڭ قامىتىنا باس سۇعىپ, بولاشاعىنا سەنۋدەن قالعان اسا كۇردەلى كەزەڭدە جۇرگەن بولاتىن. تاۋەلسىزدىكتىڭ ەلەڭ-الاڭىندا «جەزقازعانتۇستىمەتالل», ەلىمىزدىڭ باسقا دا كوپتەگەن كاسىپورىندارى سەكىلدى, تۇرالاۋدىڭ ءسال الدىندا تۇرعان ەدى, – دەپ ەسكە الادى سەرگەي ەرشوۆ. – پروبلەمالار تاسقىنى بىرىنەن كەيىن ءبىرى ءوندىرىستى قىسپاققا العان بولاتىن. ولاردى شەشۋ ءۇشىن باسشىلىققا وزىق ويلى, جاۋاپكەرشىلىك پەن تاۋەكەلدى موينىنا تولىق الا الاتىن ادامدى قويۋ كەرەك بولدى. سول كەزدەردىڭ كۋاگەرى رەتىندە ايتارىم, سول ساتتە ەل باسشىلىعى تاراپىنان جالعىز عانا دۇرىس جول تاڭدالعانىمەن, بۇل كوپشىلىك ءۇشىن كۇتپەگەن شەشىم ەدى. «جەزقازعانتۇستىمەتالل» اق-قا ءبىرىنشى باسشى بولىپ 35 جاستاعى ۆلاديمير سەرگەەۆيچ كيم تاعايىندالدى. ۋاقىت مەملەكەت باسشىسىنىڭ قاتە قادامعا بارماعانىن كورسەتىپ بەردى. پرەزيدەنت جاس, ءىس جۇزىندە سىناقتان وتكەن قازاقستاندىقتارعا باسىمدىق بەرگەن بولاتىن. مۇنى دا كەزدەيسوق دەي الماساق كەرەك, ويتكەنى, نۇرسۇلتان نازارباەۆتىڭ ءوزى دە 44 جاسىندا قازاق كسر مينيسترلەر كەڭەسىنىڭ توراعاسى بولعان ەدى عوي. ەلباسىنىڭ جاس باسشىدان وزىنە ءتان قۋات پەن ىلكىمدىلىكتى, سەرپىندىلىك پەن جاسامپازدىقتى كورە بىلگەنى انىق. ءبىرىنشى كەزەكتە جاڭا كوماندا ءوندىرىستىڭ ستراتەگياسىن ايقىنداپ, كەنىشتەردىڭ, فابريكالار مەن زاۋىتتاردىڭ تەحنيكالىق قايتا جاراقتاندىرىلۋى ماسەلەلەرىن شەشتى, سونىمەن ءبىر مەزگىلدە بىرتە-بىرتە جاڭا وندىرىستىك قۋاتتار ىسكە قوسىلىپ, جۇمىستىڭ ىلگەرىندى پىشىندەرى ەنگىزىلدى. ءسويتىپ, زاۋىتتىڭ قۇبىرلارىنان ءتۇتىن بۋداقتاپ, جەزقازعان وڭىرىنە جاڭا لەپ اكەلگەندەي بولدى. وسىلايشا ادامداردىڭ دا كوڭىل-كۇيلەرى كوتەرىلىپ, بولاشاقتارىنا سەنىممەن قاراي باستادى. سول كەزدە, «جەزقازعانتۇستىمەتالل» قۇرامىنا جاڭا قۇرىلىمدىق بولىمشەلەر ەنگىزىلۋىنە بايلانىستى كاسىپورىندى «قازاقمىس كورپوراتسياسى» دەپ قايتا اتاۋ تۋرالى شەشىم قابىلداندى. جوسپارلى جۇمىس ءوزىنىڭ ناتيجەسىن بەردى. 2005 جىلى كومپانيا ءوزىنىڭ اكتسيالارىن لوندوننىڭ قور بيرجاسىنا سالىپ, بۇكىل الەمگە ايگىلى, بارشاعا اشىق مارتەبەگە يە بولدى.
ال قازاقمىس باسشىسى ۆلاديمير سەرگەەۆيچ كيم قازاقستان پرەزيدەنتى باستاعان تاجىريبەنى ءتيىمدى جالعاستىرىپ, جاس جانە ىلكىمدى وندىرىسشىلەردى ىلگەرىلەتىپ وتىردى. جاستارعا ۇلگى-ونەگە كورسەتىپ, تاجىريبەسىمەن بولىسەتىن عازيز ومار ۇلى وماروۆ, قادىر ماتكەنوۆ, يگناتي ەۆگەنەۆيچ لي, گريگوري گاۆريلوۆيچ ساۆچۋك, ۆيكتور يۆانوۆيچ لاۆەتسكي, ۆيكتور ۆاسيلەۆيچ سەربين سەكىلدى جانە تاعى باسقا ەڭبەك مايتالماندارى دا بار ەدى.
ەدۋارد ۆيكتوروۆيچ وگاي قازاقمىس باسقارماسىنىڭ توراعالىعىنا 37 جاسىندا تاعايىندالدى. ول سول كۇردەلى كەزەڭدە ۇلكەن تيىمدىلىكپەن جۇمىس ىستەپ, كومپانيانىڭ دامۋىنا ايتارلىقتاي ۇلەس قوستى جانە وسى ۇدەرىستى بۇگىن دە ءارى قاراي جالعاستىرۋدا. قازىرگى تاڭدا تاۋ-كەن ماسەلەلەرىن حالىقارالىق دەڭگەيدە جاقسى مەڭگەرگەن جوعارى دارەجەلى مەنەدجەر.
اتا-بابا جولىن جالعاستىرىپ كەلە جاتقان كەنشى باقتيار ابدراحمان ۇلى قىرىقپىشەۆ ۇجىمدى كورپوراتسيانىڭ باس ديرەكتورى رەتىندە 40 جاسىندا باسقارۋعا كىرىستى. ونى تاۋ-كەن وندىرىسىندە جاس كەزىنەن العان ءبىلىم-بىلىگى عانا ەمەس, ەڭبەكقورلىعى, جاڭانى جەرگە تۇسىرمەي قاعىپ الاتىن ابجىلدىگى, ماڭىزدى شەشىم قابىلدارداعى تاپقىرلىعى ەرەكشەلەپ تۇرادى.
ۆلاديمير سەرگەەۆيچتىڭ باسشىلىعىمەن قازاقمىستىڭ قالىپتاسۋىنا اسا تاجىريبەلى بىرقاتار باسقارۋشىلار: رۋسلان بوريسوۆيچ يۋن – باس كەنشى, قايسار جۇماحان ۇلى تەلەشەۆ – مەتاللۋرگ, ۆيكتور الەكسەەۆيچ تسۆەتكوۆ – بايىتۋ شەبەرى, عافۋرا نۇرتازاقىزى يبراەۆا – قارجى مامانى, اسقار قادىركەن ۇلى دۇيسەمباەۆ – قامتاماسىز ەتۋشى, ۆلاديمير نيكولاەۆيچ مالىشەۆ – اكىمشى, گەننادي يۆانوۆيچ شاتوحين – كولىكپەن قامتاماسىز ەتۋ سالاسىن باسقاردى. اسقار قادىر ۇلى ماتكەنوۆ – سىرتقى ەكونوميكالىق قىزمەتپەن اينالىستى, نيكولاي فەدوروۆيچ بوندارەۆ – ەنەرگەتيك, ميحايل اراموۆيچ بەگلياروۆ – باس مەحانيك, لەونيد يۋرەۆيچ راكۋتين – باس قۇرىلىسشى, زاڭ قىزمەتىن قۇرعان ەلدار ۆالەرەۆيچ مامەدوۆ سۇبەلى ۇلەس قوستى. ماعان كورپوراتسيانىڭ ءونىمىمىزدى شەتەلگە شىعاراتىن لوگيستيكالىق جۇيەسىن قۇرۋ جاۋاپكەرشىلىگى جۇكتەلدى. بارشامىز ءبىر جاعادان باس, ءبىر جەڭنەن قول شىعارىپ, تاۋەلسىز جاس قازاقستاننىڭ قالىپتاسۋ كەزەڭىندەگى بارلىق قيىندىقتاردى بىرگە بولىستىك. سول كەزدە ءبارىمىزدىڭ جاسىمىز 35-37 ارالىعىندا عانا بولاتىن!
بۇگىندە كورپوراتسيا جۇمىسشىلارىنىڭ ورتاشا جاسى 39-دى, ال ورتاشا ەڭبەك ءوتىلى 12 جىلدى قۇرايدى. بۇل ءوسۋ الەۋەتى وتە جوعارى, تىلى اسا بەرىك جاستار ۇجىمى, جانە, ارينە, ونى ۋاقىت تامىرىنىڭ سوعىسىن ءدوپ باسا بىلەتىن جاستار باسقارۋى ءتيىس. ۆلاديمير سەرگەەۆيچ كيم, كوپ جىل بويى ەل پرەزيدەنتىنىڭ تىكەلەي باسشىلىعىنا يەك ارتا وتىرىپ, ەلباسىنىڭ جانىندا باسشىعا قاجەتتى بارلىق تالاپتاردى تولىق مەڭگەرە ءبىلدى. بۇلار – ىسكەرلىك, ادامدارعا جاقىندىق, باستاماشىلىق, ادامداردى جۇمىلدىرا ءبىلۋ, يننوۆاتسيالىق, باتىلدىق, تالاپتىلىق جانە تاباندىلىق قاسيەتتەرى. ءوز كەزەگىندە, مىنەزدىڭ وسى سيپاتتارىن, كورپوراتسيا باسشىلىعىنىڭ كەلەسى بۋىنى جاقسى مەڭگەرۋ ۇستىندە. ويتكەنى, بۇل – قاتاڭ باسەكەلەستىك پەن الەمدىك داعدارىستار جاعدايىندا جۇمىس ىستەۋدىڭ اسا قاجەتتى شارتى.
20 جىل – كاسىپورىننىڭ جالپى ەكونوميكاداعى ورنىن ايقىنداۋعا مۇمكىندىك بەرەتىن ۋاقىت. «قازاقمىس كورپوراتسياسى» قازاقستان رەسپۋبليكاسىنىڭ ەكونوميكاسىندا ماڭىزدى ورىن الادى, جۇمىسشىلاردىڭ ەڭبەكاقىسى دا ەڭبەگىنە ساي, كاسىپورىن زامان تالابىنا جاۋاپ بەرەتىن دەڭگەيدە دامىپ كەلەدى. مەملەكەت باسشىسى نۇرسۇلتان ءابىش ۇلى نازارباەۆ «قازاقمىس كورپوراتسياسى» جشس ەڭبەك ۇجىمىنىڭ جۇمىسىن جوعارى باعالاسا, مۇندا ءار ەڭبەككەردىڭ ۇلەسى بار.
مەن بارلىق قازاقمىستىقتاردى – كاسىپورىن جۇمىسشىلارىن, ارداگەرلەردى, ولاردىڭ وتباسىلارىن ەڭبەك ۇجىمى تاريحىنداعى ايتۋلى كۇنمەن قۇتتىقتاي وتىرىپ, باقىت پەن تابىس تىلەيمىن!
باقتيار قىرىقپىشەۆ, «قازاقمىس كورپوراتسياسى» جشس باسقارۋشى كەڭەسىنىڭ باس ديرەكتورى: ء«بىزدىڭ كەن بازامىز كومپانيانىڭ جۇمىسىن تاعى ونداعان جىل بۇرىن قامتاماسىز ەتۋگە مۇمكىندىك بەرەدى».
– «قازاقمىس كورپوراتسياسى» قۇرىلعان ساتتە مەن ەندى عانا جۇمىس ىستەي باستاعان ەدىم. ينجەنەر-مەحانيك ماماندىعىن العاننان كەيىن سولتۇستىك-جەزقازعان كەنىشىنە بەلاز جۇرگىزۋشىسى بولىپ جۇمىسقا ورنالاستىم, – دەپ ەسكە الادى باقتيار ابدراحمان ۇلى. – 1997 جىلى شاحتادا جۇمىس ىستەۋگە شەشىم قابىلداپ, اۋەلى جەراستى مەحانيگى, كەيىن تاجىريبە ۋچاستوگىنا كەن ينجەنەرى بولىپ, شىعىس-جەزقازعان كەنىشىنە اۋىستىم. اۋىر كەزەڭ بولعاندىقتان, سول كەزدەگى ءوندىرىس تەحنولوگيالارىن وزگەرتۋدىڭ ءتۇرلى نۇسقالارىن قاراستىرۋ قاجەت بولدى. بۇكىل دەرلىك ۋاقىتىمىزدى ءبىز جۇمىسقا ارنادىق – قۇرامى باي كەن ءوندىرۋدىڭ قاناتقاقتى جوبالارىن ەنگىزدىك. سول ايتارلىقتاي اۋىر شاقتا ءبىز شاحتالارعا كادىمگى رەيستىك اۆتوبۋس-
تارمەن جەتىپ جۇردىك, ويتكەنى, قىزمەت كولىگى جوق ەدى, ەڭبەكاقىنى ۋاقتىلى الا المادىق, ۇيلەرىمىزدە جارىق پەن جىلۋ بولعان جوق. سول كەزدە جانىمداعى جۇمىسشىلاردىڭ كوپشىلىگى بولاشاعىنا سەنىمسىزدىكپەن قارادى. 1995-1997 جىلدار كومپانيا ءۇشىن بەتبۇرىستى كەزەڭ بولدى, سەبەبى, جانقيارلىقپەن ەتكەن ەڭبەكتىڭ ناتيجەسىندە اينالدىرعان ەكى جىلدىڭ ىشىندە ايتارلىقتاي تابىسقا قول جەتكىزىلدى. باسقارۋشى ۇجىمنىڭ ءتيىمدى جۇمىسىنىڭ ارقاسىندا ءوندىرىس تۇراقتالىپ, ونىمدىلىگى جوعارى اۆتوماتتاندىرىلعان جاڭا قۇرال-جابدىقتار ساتىپ الىندى جانە ەڭبەكاقى دا ءوسىپ, ول قولعا تۇراقتى تۇردە تيەتىن بولدى, جارىق, جىلۋ جانە ىستىق سۋ دا وقتىن-وقتىن ءوشىرىلۋىن قويىپ, قىزمەت كولىگى پايدا بولدى. بۇدان بولەك, كومپانيانىڭ وندىرىستىك بازاسىن بەلسەندى تۇردە كەڭەيتۋ باستالدى.
– كەي كەزدەرى مەنەن قازاقمىستىڭ تابىستى دامۋىنا قانداي فاكتورلار ىقپال ەتتى دەپ سۇرايدى, – دەپ جالعاستىردى ءسوزىن باقتيار ابدراحمان ۇلى. – مەن ءبىرىنشى كەزەكتە كورپوراتسيا پرەزيدەنتىمىز نۇرسۇلتان ءابىش ۇلى نازارباەۆتىڭ ارقاسىندا جوعارى دەڭگەيگە كوتەرىلدى دەپ ەسەپتەيمىن. ەلباسىنىڭ ۆلاديمير سەرگەەۆيچ كيمدى كومپانيانىڭ باسشىلىعىنا تاعايىنداۋ تۋرالى شەشىمى دۇرىس جانە دەر كەزىندە قابىلدانعان شەشىم بولدى. ۆلاديمير سەرگەەۆيچتىڭ كەلۋى, ياعني ونىڭ باسشى رەتىندەگى تالانتى مەن ۇيىمداستىرۋشىلىق قابىلەتى جانە ەڭبەكسۇيگىشتىگى كومپانيانىڭ اياعىنان جىلدام تۇرۋىنا جاردەمدەستى. شىن مانىندە, رۋلدە كەڭ ومىرلىك كوزقاراسى, جەراستى الەۋەتىن عانا ەمەس, سونداي-اق ادام رەسۋرستارىن كورە ءبىلۋ قابىلەتى بار ادامنىڭ بولعانى ءجون عوي. ۋاقىت كورسەتكەندەي, جاڭا باسشى نەگىزگى سالماقتى جەرگىلىكتى باسقارۋشىلارعا ارتىپ, دۇرىس ستراتەگيا تاڭدادى. كورپوراتسيانىڭ وسى ساياساتتى كۇنى بۇگىنگە دەيىن ۇستانىپ كەلە جاتقانىن ايتا كەتۋدىڭ ارتىقتىعى جوق. قازاقمىستا جۇمىس ىستەگەنىن مەن عانا ەمەس, كورپوراتسيانىڭ باسقا جۇمىسشىلارى دا ماقتان تۇتادى عوي دەپ ويلايمىن.
20 جىل – تەك مىقتى تىلى عانا ەمەس, سونداي-اق, دامۋدىڭ ۇزاقمەرزىمدى ستراتەگياسى بار كومپانيا ءۇشىن شەكتى مەرزىم ەمەس.
– قازىرگى تاڭدا ءبىزدىڭ جەزقازعان الاڭىندا 100 ميلليون توننادان استام بالانستىق قور بار. ەگەر ودان تىس قورلار مەن بايىتىلماعان كەندى قوسا ەسەپتەگەندە, 1 ميلليارد توننا توڭىرەگىندە اڭگىمە قوزعاۋعا بولادى, – دەيدى «قازاقمىس كورپوراتسياسى» جشس باسقارۋشى كەڭەسىنىڭ باس ديرەكتورى. – ءبىزدىڭ كەنىش بازالارىمىز كومپانيانىڭ جۇمىسىن ونداعان جىل بۇرىن قامتاماسىز ەتۋگە مۇمكىندىك بەرەدى. 2010 جىلدان بەرى قاراي گەولوگيالىق بارلاۋ جۇمىستارىنا ءبولىنىپ كەلە جاتقان قوسىمشا قارجىنىڭ ارقاسىندا 60 ميلليون توننا قورى بار كەنىش كوزىن تاپتىق. بۇدان بولەك, بارلاۋدىڭ جۇزەگە اسىرىلۋ ۇستىندەگى باعدارلامالارىنا سايكەس, بىزگە قوسىمشا رەسۋرستار بەرەتىن جاڭا كەن ورىندارى دا انىقتالىپ وتىر. «Kazakhmys Holding» جشس ديرەكتورلار كەڭەسىنىڭ توراعاسى ەدۋارد ۆيكتوروۆيچ وگايدىڭ تاپسىرماسى بويىنشا گەولوگيالىق بۇرعىلاۋ جونىندەگى بەسجىلدىق باعدارلاما تۇزىلگەن, ال يگەرۋدىڭ جوسپارلانعان سوماسى 13 ميللياردتان استام تەڭگەنى قۇرايدى. سوندىقتان جۇمىسشىلارىمىز ۇزاق جىل جۇمىسپەن قامتاماسىز ەتىلەتىندەرىنە سەنىمدى.
مەن وزدەرىنىڭ كۇندەلىكتى قاجىرلى ەڭبەكتەرىمەن «قازاقمىس كورپوراتسياسى»-نىڭ دامۋى مەن ءوسىپ-وركەندەۋىنە ۇلەس قوسىپ كەلە جاتقان كومپانيانىڭ بارلىق جۇمىسشى, قىزمەتكەرلەرىنە ريزاشىلىعىمدى بىلدىرگىم كەلەدى. كومپانيانىڭ باسىنا بۇلت ۇيىرىلگەن داعدارىستى كەزەڭدەر دە بولدى, بىراق ءبىز تۋعان كومپانيامىزدىڭ يگىلىگىنە وراي اتقارعان جانكەشتى ەڭبەگىمىزدىڭ ارقاسىندا ولاردىڭ ءبارىن ەڭسەرە بىلدىك. قازاقمىستىڭ بارلىق ەڭبەككەرلەرىنە ءارى قاراي دا جەمىستى جانە قاۋىپسىز جۇمىس, وتباسىلارىنا يگىلىك تىلەيمىن. بۇگىندە ءبىز بولاشاققا زور سەنىممەن قارايمىز جانە سول بولاشاققا بىرگە جەتەتىن بولامىز!
ەلدار مامەدوۆ, KAZ Minerals Management باسقارماسىنىڭ توراعاسى: «قازاقمىس قازاقستان بيزنەسىنىڭ جاڭا فيلوسوفياسىنا اينالدى».
– 1997 جىلى مەن زاڭگەركونسۋلت بولىپ جۇمىس ىستەدىم. ماماندىعىمىزدىڭ ەرەكشەلىگىنە وراي بىزدەر, زاڭگەرلەر دە كومپانيا قالىپتاسۋىنىڭ كۇردەلى دە قىزىقتى ۇدەرىستەرىنە بەلسەندى قاتىستىق. تاجىريبەمىزدىڭ ازدىعىنا قاراماستان, بىزدەر كوپ جاعدايدا ۇيرەنەرىمىز بار تاجىريبەلى باسشىلارىمىزبەن قويان-قولتىق جۇمىس ىستەۋىمىزدىڭ ارقاسىندا العا قويعان ماقساتىمىزعا قول جەتكىزە الدىق.
بۇگىندە «قازاقمىس كورپوراتسياسى» – زاڭدى تۇلعانىڭ اتاۋى عانا ەمەس, ول – جاڭا ءداۋىر, قازاقستان بيزنەسىنىڭ جاڭا فيلوسوفياسىن ءىس جۇزىنە اسىرعان دامۋدىڭ جانە العا ىلگەرىلەۋدىڭ ىرعاقتى كەزەڭى. بىرنەشە جىلدىڭ ىشىندە عانا «قازاقمىس كورپوراتسياسى»-نىڭ تۋى استىندا قازاقستاننىڭ بۇكىل مىس ونەركاسىبى باس بىرىكتىردى. قازاقمىس – حالىقارالىق ينۆەستورلار بىلەتىن برەند. مىنە, وتكەن 20 جىل بەدەرىندە كورپوراتسيانىڭ اتى «قازاقستاننىڭ مىس يندۋسترياسى», «جوعارى كاسىبيلىك پەن سەنىمدىلىك», «الەۋمەتتىك جاۋاپكەرشىلىك» سەكىلدى كاتەگوريالارمەن قاتار اتالادى.
گەننادي شاتوحين, قازاقمىستىڭ ەڭبەك سىڭىرگەن ارداگەرى: «بۇل قيىن دا قىزىقتى جىلدار ەدى».
– مەن وزىمەن بىرگە ىستەگەن باسقارۋشىلار كومانداسىن قۇرعان ۆلاديمير سەرگەەۆيچ كيمنىڭ ءرولىن اتاپ وتكىم كەلەدى. سونىڭ ارقاسىندا كەز كەلگەن كۇردەلى مىندەتتەردى شەشۋگە قابىلەتتى, ءبىرىن ءبىرى الماستىرا الاتىن جانە ءبىر-بىرىنە قولۇشىن سوزۋعا ءازىر تاماشا ۇجىم قالىپتاستى. بۇل كوماندا كۇنى بۇگىنگە دەيىن قارىم-قاتىناستارىن جوعالتقان جوق. مەن ءۇشىن بۇل ەڭ قيىن دا قىزىقتى جانە جەمىستى جىلدار بولدى. مۇنداي باسشىمەن جۇمىس ىستەۋ ەكىنىڭ ءبىرىنىڭ ماڭدايىنا جازىلا بەرمەيدى جانە مۇنى ءبىز قاشاندا ۇلكەن ريزاشىلىقپەن ەسكە الاتىن بولامىز.
ۆيكتور لاۆەتسكي, «قازاقمىس كورپوراتسياسى» جشس اكىمشىلىگى باسشىسى قىزمەتىنىڭ باس مامانى: ء«بىز جاڭاشا ويلاپ, جۇمىس ىستەۋگە ۇيرەنگەن ەدىك».
– 1995 جىلى جەزقازعانعا ۆلاديمير سەرگەەۆيچ كيم باستاعان باسقارۋشىلاردىڭ جاڭا كومانداسى كەلدى, دەيدى ۆيكتور يۆانوۆيچ. – ولار ءوندىرىستى باسقارۋدىڭ جاڭا ءپىشىنىن ەنگىزە باستادى. ءبىزدى دە جاڭاشا ويلاپ, جاڭاشا جۇمىس ىستەۋگە ۇيرەتتى. سول ۋاقىتتا بىزدەر كومپانيانى كەن ءوندىرۋ كولەمىن ارتتىرۋعا قارجى اۋدارۋ ماسەلەسى قىزىقتىراتىنىنا, قارجىنىڭ بايىتۋ جانە مىس بالقىتۋ ءوندىرىسى پروبلەمالارىن شەشۋگە باعىتتالاتىنىنا كۋا بولدىق. ادامدار ءوز ەڭبەگىنىڭ ناتيجەسىن كورگەندىكتەن بەرىلە جۇمىس ىستەدى. جاڭا بىلىممەن قارۋلانعان ءبىزدىڭ ماماندار ءوندىرىستى قايتا جاڭعىرتۋ ءىسى مەن قازاقمىس كورپوراتسياسىنىڭ قالىپتاسۋىنا وراسان زور ۇلەس قوستى.
