وعان سەبەپ استانادا وتكىزىلگەن حالىقارالىق مامانداندىرىلعان ەكسپو-2017 كورمەسى. اسقار ناكيشەۆ Astana Taxi بىرىڭعاي تاكسي قىزمەتىندە ەكى جىلدان استام جۇمىس ىستەپ كەلەدى. ونىڭ سوزىنشە, ەكسپو-2017 كورمەسىن وتكىزۋ استاناعا تۋريستەردىڭ كوپتەپ كەلۋىنە جول اشتى, تاكسي قىزمەتىنە دەگەن سۇرانىستى كۇرت ارتتىردى.
- وتكەن جازدا مەندە مۇنشاما كليەنت بولعان جوق. ويتكەنى جازدا كوبى دەمالىسقا كەتەدى عوي. قالادا تىنىشتىق ورنايدى. ال قازىر مەن 16 ساعات جۇمىس ىستەپ, 30 مىڭ تەڭگە تاپتىم. بۇل مەنىڭ تاكسي قىزمەتىمدەگى ءبىر كۇندە تاپقان ەڭ كوپ تابىسىم, - دەپ ءبولىستى جۇرگىزۋشى.
سونىمەن قاتار ول شەتەلدىك كليەنتتەردىڭ سانى وسكەنىن ايتتى.
- كۇنىنە كەم دەگەندە 2 ادام اپارامىن. ءتىپتى ءبىر رەت 5 كليەنت شەتەلدىك بولدى. اعىلشىنشا بىلمەيمىن, بىراق بىزگە بۇل جاعىنان Friendly Taxi سەرۆيسى كومەكتەسەدى, – دەيدى تاكسي جۇرگىزۋشىسى.
ەستەرىڭىزگە سالامىز, استانادا ءبىرىنشى رەت ينۆەستيتسيالىق جوبا اياسىندا Astana Taxi بىرىڭعاي تاكسي قىزمەتى جۇمىسىن باستاعان بولاتىن. جوبا زاڭدى تاسىمالداۋشىلار سانىن كوبەيتۋ ەسەبىنەن قالا تۇرعىندارى مەن قوناقتارىنىڭ ءومىر قاۋىپسىزىدىگىن قامتاماسىز ەتۋگە باعىتتالعان.
