سۋرەتتەر تاريحي ماڭىزى بار وقيعالاردان سىر شەرتىپ, الەمدەگى وزگە دە مەملەكەتتەر, حالىقتار, تايپالار مەن جەكە تۇلعالار ومىرىنەن شىنايى اقپارات بەرەدى. كورمەنى تالدىقورعانعا الىپ كەلگەن جۋرنالدىڭ جاۋاپتى رەداكتورى ماقسات ياسىلباي ۇلىنىڭ ايتۋىنشا, سۋرەتتەردىڭ ىشىندە ايگىلى تيتانيك, ايگىلى اۋعان قىز, مەككەنىڭ 65-ءشى جىلعى تۇسىرىلگەن سۋرەتى, قاسيەتتى قاعبانىڭ سۋرەتى بار.
«بۇل تۋىندىلاردىڭ ارقايسىسىنىڭ ارتىندا بەلگىلى ءبىر وقيعا جاتىر. ال ءاربىر وقيعا بەلگىلى ءبىر ويدى جەتكىزەدى. سوندىقتان وسى سۋرەتتەرگە قاراعاندا ءبىز تاريحتى قايتادان شولىپ وتكەندەي اسەردە بولامىز», دەيدى باسىلىم وكىلى.
بىلتىر جۋرنالدىڭ قازاق رەداكتسياسى وڭىرلەردە كورمە ۇيىمداستىرىپ قانا قويماي, سول ايماقتىڭ تاريحي جانە تابيعي ەسكەرتكىشتەرىن سۋرەتكە ءتۇسىرىپ, الداعى ۋاقىتتا باسىپ شىعارۋدى كوزدەيدى. بۇل باستامانىڭ ءبارى ەلباسىنىڭ «بولاشاققا باعدار-رۋحاني جاڭعىرۋ» ماقالاسىنداعى سالالىق باعدارلامالاردى جۇزەگە اسىرۋعا باعىتتالىپ وتىر.
كورمە 1 اي بويىنا جالعاسادى.
