ەتنوسارالىق جانجالعا جول بەرىلمەيدى

ىشكى ىستەر مينيسترلىگىنىڭ ءباسپاسوز قىزمەتى جۇرتشىلىقتى ۇلتارالىق نەگىزدە جانجال تۋعىزۋدى كوزدەگەن ءبىر قىلمىس­تىق ءىس تۋرالى حاباردار ەتتى. اتاپ ايتقاندا, ەلىمىزدەگى قالالاردىڭ بىرىندە ۇيلەردىڭ قابىرعالارى مەن قورشاۋلارعا قازاق حالقىنىڭ قادىر-قاسيەتىن قورلايتىن جازۋلار جازىلىپ, ونىڭ اۆتورلارى باسقا ەتنوس وكىلدەرىنىڭ اتىنان جازىلعانداي ارەكەت تانىتقان. وسى ءىس بويىنشا “ارمان” قوعامدىق قوزعالىسىنىڭ جاقتاس­تارى بورامباەۆ, جۋاسباي جانە جالعاباەۆ ۇستالعان. بۇل رەتتە ۇستالعان جالعاباەۆتىڭ ماڭعىس­تاۋ وبلىسىندا جاساعان الاياق­تىعى ءۇشىن مەملەكەتارالىق ىزدەۋ­دە ەكەندىگىن ايتا كەتەيىك. ۇستالعانداردىڭ كورسەتۋ­لەرى­نەن جاڭاعى جازۋلاردىڭ ءتۇرلى ۇلت وكىلدەرىنىڭ اراسىندا ۇلتتىق نەگىزدە قاقتىعىس ۇيىمداستىرۋ ماقساتىمەن ادەيى جازىلعانى انىقتالعان. قازاقستان رەسپۋبليكاسىنىڭ كونستيتۋتسياسى مەن ەلىمىزدىڭ زاڭناماسى بويىنشا الەۋمەتتىك الاۋىزدىق, ۇلتتىق, ناسىلدىك نەمە­سە ءدىني وشپەندىلىك تۋعىزۋ اسا اۋىر قىلمىستاردىڭ ءبىرى بولىپ تابىلادى جانە ول ءۇشىن باس بوستاندىعىنان ايىرۋ ءتۇرىن­دە قىلمىستىق جاۋاپكەرشى­لىك كوزدەلەدى. قازىرگى كەزدە جازۋلارعا ءبىر­قاتار ساراپتاما جۇرگىزىلىپ, سو­نىڭ نەگىزىندە ۇستالعاندارعا قاتىس­تى قىلمىستىق ءىس قوزعاۋ تۋرالى ماسەلە شەشىلۋدە. ىشكى ىستەر مينيسترلىگى مۇن­داي ارەكەتتەرگە الداعى كەزدە دە قاتاڭ تىيىم سالىناتىنىن, ال كىنالىلەر زاڭنىڭ بۇكىل قاتال­دى­عى بويىنشا جازالاناتىنىن رەسمي مالىمدەيدى.